M̀ɛni-lɛɛi 2:3 - Yálá laawoo hɛɓɛ (dc)

³ Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.

Yálá laawoo hɛɓɛ

³ Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.

Bible

³ Ŋá gɔ́lɔŋ íkaa mɛni-soli kâai lii-kpele-pere su ńaai mɛni ma, ǹyaŋ ífii fé niî kpɛɛ ni.

M̀ɛni-lɛɛi 2:3 Referans Kwoze

Hebreu 10:36

Liikpələ laa kpɔ ɓə ká mąąkpaan gaa mą, káa pɛli Yálá liiɓa kɛi la, ɛlɛɛ, káá pɛli mɛ̨nį laakwɛlanmoɔ pɔ mɛ̨nį hɔlɔɓoi la.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Kolosə 1:11

Ká hu yɛ pɛli walawalai la mɛ̨nį kəle hu, mąąɲįnɛ̨n vaŋą kɛnɛ̨ɛ̨ háálai, káá pɛli tɔɔi la a vaŋąlɔ da liikpələ, hukɔɔn mɛ̨nįɠaa kəlee hu. Kwəinɛ̨ɛ̨ hu,

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Korɛntə dɔlɔɔ 13:7

Wɛlikɛmąąlaa a hɔn kəlee mąąhvaalɛɛ, a laa mɛ̨nį kəlee la, a gilitɔɔ mɛ̨nį kəlee ɓa, a niikpələ mɛ̨nį kəlee mu.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

Hebreu 6:15

Yii kpɔ Abrahamə ə niikpələ, ə mɛ̨nį laakwɛlanmoɔi tii, laa honŋąą kaa.

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.

Tɛsalonikə veelɛ 3:13

Yii ɓaa ká wɛi ną́n nonnii, ká hvįi hvo kpɛɛ mɛ̨nį lɛlɛɛ kɛi.

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Lomaŋ 8:25

Kɛlaa, mɛ̨nįi hvó gaai, ə́ ɲɛ̨i yɛ ɓo dɔwɔ a nwala walaa, ya ɓə a kilitɔɔmąąlaa.

Lukə 14:27

Nui a wala gbɔwɔ ŋą kolɔwa həɠə hvo hvilɛn búlú, mąą nu hva pɛli kɛi a nwɔ́ kalan non ta.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

Piɛrə veelɛ 1:6

ka ka hvaŋąlɔ ka kpɔɔhon naa pɛlɛ ka wɔ mɛ̨nį kɔ́lɔn ŋąą ɓa, ka liikpələ pɛlɛ ka wɔ kpɔɔhon naa ɓa, ka Yálá kɔ́lɔn ŋąą pɛlɛ ka wɔ liikpələ ɓa;

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə veelɛ 5:9

Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Hebreu 13:13

'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Tɛsalonikə veelɛ 3:8

ku hvo kɛ ku kɔnɔ̨n vɛli li nu ta ɓa, kɛlaa, ku tɔɔ a ku nwąnąi, mɔ̨nɔ̨ hu, hvįikpɛɛ laa hu, a kpinį da hvóló, kuɔ kóló kɛ, əgɛ, ku hvo pa kɛ ká ta nwuɔ̨ a tíɛ̨.

Tɛsalonikə veelɛ 3:5

Gu Ną́mu ə ka lii tənən dɔɔ Yálá nwɔ wɛlikɛmąąlaa ɓa, ɛlɛɛ, káá tɔɔ a ká nwąnąi Kristə mąą mɛ̨nį hu.

Tɛsalonikə dɔlɔɔ 2:9

Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.

Galatə 6:2

'Ká ká keeni nwuɔ̨ tíɛ̨ həɠə, káá Kristə nwɔ tɔ́n pɔ yíiɓo la tii.

Korɛntə veelɛ 10:15

Ku wɔɔ ɲɛ̨i ponolaa hvo tɛɠɛ li ɲɛ̨n ma, gɔwɔ hvo hvilɛn ni nu takpɛli kɛ kóló mɛ̨i, kɛlaa, ku kili kaa ɉu kuɔ, ká wɔɔ laa na laa hu aa kɛli kɛnɛ̨ yɛ tɛ tɔwɔi, gaa tɛi tɔwɔ ká yəi, ku wɔɔ kpaaləi ku naa ká ɲɛ̨i, ɉáálai;

Korɛntə veelɛ 6:5

kɛlɛ ɓo hu, gaho hu, diɛ nuą ɲąątɔɔ kuɔ, hvįikpɛɛlaa hu, yíikpəlin ɉu, pulu hu,

Lomaŋ 16:12

Ŋą́, Trifɛnə da Trifosə diɛi tíi gu Ną́mu ɓa, ŋį́ di tuwɔɓo. Ŋą́, Pɛrsisə yai tíi gu Nąmu ɓa kpɔ kɛnɛ̨ dúwɔ́ɓo.

Lukə 21:19

Ka tɔɔ kpaan, ya ɓə a gɛ ka nwun mąą ə ɓo.»

Markə 15:21

Simɔn yai kɛ a Sirɛnə lɔi hu mun, yai kɛ a Alɛsandrə da Rufusə di nąn, ə həɠə ɲəi ɲɛa yɛ pa, gɔ́kulááɠaa di ɉon a hɔlɔhima, diɛ mą: «Jesus laa hon nwɔ kolɔwai mu.»

Mise 7:9

Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Mąątɛ̨nɛ̨ 69:7

Nąmu Yai-Laa Mɛ̨nį Kəlee ŋą Hééɓomun, nuąi da di kilitɔɔ yɛ́, 'gɛ́ nwumɛ̨ hvo tɛ diɛ, mą́ą́ mɛ̨nį hu, ɛlɛɛ, nuąi da ə́ kwɛli, 'gɛ́ ɓáá hvo kulɔ diɛ, Israɛlə nwɔ Yálá.

Tɛsalonikə dɔlɔɔ 5:12

Ku kaa ɉuhvɛlii káá ną́n nonnii, kuɔ, nuąi ká lɔwai, diɛ ká mɛ̨ikaa gu Nąmu hu, diɛ tɔɔ a di nwąnąi diɛ ká tənən, 'ká mąąwiɛlaa kɛ diɛ,

Korɛntə dɔlɔɔ 16:16

'Ká lɛɛ nu ɓɛlɛmąąɠaa tii woo mu, da nuąi kóló kɛi kee ɓa, di yee ə ɓo mɔ̨nɔ̨ tɔ̨nɔ̨ hu.

Lukə 5:5

Simɔn ə nwoo pulu pənə yɛ mą: «Kalamɔ̨ɔ̨, ku háá yii kpɔ ku ɲɛ̨i ɓa, kuɔ hɔ̨nwɔ̨lee kpɛ; kɛlaa, ku hvo hɛn nɔpee ta hɔlɔɓo. Kɛlaa, ə́ woo tii mąą mɛ̨nį ɓa, gáá diŋɛ̨n bilii.»