M̀ɛni-lɛɛi 19:8 - Yálá laawoo hɛɓɛ (dc)

⁸ daa mąą laa tɛɛ bɔ, ə gɛ, ə mąąyili a həɠə kwɛlɛɛ lɛlɛɛ, yɛ lən, hɛn da pɔɔ hvo ɉu, mąąhɔlɔɓo, ɉəɠə kwɛlɛɛ tii, tələnmo nuą, da nu mąąhəɠɛɛɠaa di kɛ-mɛ̨nį lɛlɛɛɠaa tii li.»

Yálá laawoo hɛɓɛ

⁸ daa mąą laa tɛɛ bɔ, ə gɛ, ə mąąyili a həɠə kwɛlɛɛ lɛlɛɛ, yɛ lən, hɛn da pɔɔ hvo ɉu, mąąhɔlɔɓo, ɉəɠə kwɛlɛɛ tii, tələnmo nuą, da nu mąąhəɠɛɛɠaa di kɛ-mɛ̨nį lɛlɛɛɠaa tii li.»

Bible

⁸ Dí nɛ̀ɛ naa a gɛɛ é maa ɣiri a seɣe kole lɛ́lɛɛ, gɛ́ fòlo, ŋwaa” kpɛ́ni fêi, seɣe kole lɛ́lɛɛ ƃa Ŋ̀âla-ƃelai dítɔ̃yâ-tua-perei.

M̀ɛni-lɛɛi 19:8 Referans Kwoze

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Markə 9:3

Mąą həɠə ə kwələ yɛ lən. Nui lɔpee ta hvo lɔi mɛ̨i yii a pɛli həɠə waai ə kwələ tii.

Maafîu 22:12

Ə mo yili ɓa yɛ mą: ‹Náwɛi, ə́ gɛ pələ kɛ ləi yɛ́ lɔ ɓɛ yaan ɉɛli həɠə ta hvo ə́ kwaną?› Kɛlaa, nui tii hvo hvaa.

Mąątɛ̨nɛ̨ 132:9

Ə́ wɔ haláá laa həli nuąi, di kwąną həɠə ə kɛ a tələmolaa, ə́ yee pɔ nuą di tómą a kwəinɛ̨ɛ̨.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

Izikiɛ 16:10

Ŋą́ həɠə mąąpuɔɠaa tɛɛ ə́ pɔ, da nu kɔ́wɔɲą kɔ́lɔ huwu lɛlɛɠaa, da hɛ̨ą yili kɔ́lɔ kwəlɛɛ pə-pə; ŋį́ həɠə ɲɛ̨i tɔɔɠaa kɛ yɛ́.

Gɛlaɠaa 1:10

Jesus liɛ pulu, di ɲɛ̨i ə kɛ lɔ a ɉeɛ ɲələ kpala; nąąlɔwai, kpɔlɔɔ ŋąą ɓa, nu hveelɛ di di kpɔɔ lɛ diɛ, həɠə kwɛlɛɛ yɛ ɓo diɛ,

Lukə 24:4

Di kwəi ə pili diɛ nąąlɔwai, di həɠə kwəlɛɛ nąmįną hveelɛ kaa,

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Maafîu 17:2

Di lɛɛ lɔ laa, Jesus ɲɛ̨i laa mąą ə hvalin. Yɛ lən yɛ hvóló. Mąą həɠə ə kwələ yɛ kɛɛ pono.

Hanwon 31:22

A yiihəɠəɠaa pala, mąą həɠəɠaa kaa a həɠə ɲɛ̨i tɔɔ, da nįnį kɔ́lɔ həɠə.

Izikiɛ 44:17

Da tɛɛ bɛlɛ́ laaləi diɛ lɔ ɲiman mu da bɛlɛ́n, da həɠə kwəlɛɛ too di kwąną, di hvo huwɔ ləɠa həɠə too di kwąną; ɓɛlɔwai da kɛi ɉaláá mɛ̨nį kɛ laa ɲiman mu, da bɛlɛ́n.

M̀ɛni-lɛɛi 15:6

ɛlɛɛ, malaka mɛ̨ihveelɛi tii mɔ̨nɔ̨ mɛ̨ihveelɛi ə kɛ di yəi, di kulɔ Yálá hee pɛlɛ́ mu; di mąą həɠə yɛ kwələ kpɔ pə-pə, yɛ lən, di hąą yiliɛ a hɛni.

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

Azaya 3:23

gaaɉu, həɠə mu həɠə kwɛlɛɛ pə-pə, nwuɔ̨ ɓɔlɔ, ə mą kɛ, həɠə ɓɛla hoolɛɛ.