M̀ɛni-lɛɛi 19:12 - Yálá laawoo hɛɓɛ (dc)

¹² Ɲɛ̨i kɔ́w kaa a nwɔ̨n nən nwələənŋąą, tɔɔɓɔlɔ tamąą pɛlɛɛ nwuɔ̨, ɛlɛɛ, laa ta pɛ̨ɛ̨ mą, yaa tanɔ̨n nɔ ɓə gɔlɔn.

Yálá laawoo hɛɓɛ

¹² Ɲɛ̨i kɔ́w kaa a nwɔ̨n nən nwələənŋąą, tɔɔɓɔlɔ tamąą pɛlɛɛ nwuɔ̨, ɛlɛɛ, laa ta pɛ̨ɛ̨ mą, yaa tanɔ̨n nɔ ɓə gɔlɔn.

Bible

¹² Ŋ̀ɛ́i káa yɛ̂ɛ ŋɔŋ-soŋ, kâloŋ-ƃɔrɔ támaa kɛ́ ƃo ŋûa. Láa è kɛ̀ a bɔ̃yɛɛ ma nyíi núu da fé gɔ́lɔŋɔɔ, fɛ̂ɛ nɔ́ ǹyaa kpîŋ.

M̀ɛni-lɛɛi 19:12 Referans Kwoze

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

M̀ɛni-lɛɛi 1:14

Nwun galən, ɛlɛɛ, nwun nɛɠa, gwɛlɛɛ kpɔ kɛ yɛ wuɛ-hunwɔ̨, ɛlɛɛ, ɲɛ̨i kɔw yɛ ɓo yɛ nwɔ̨n nən,

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Mąątɛ̨nɛ̨ 8:5

Lə kpɔ ɓaa a nu kan, yai yá ə́ kili kɛ mą! Lə kpɔ ɓaa a nu, yai yá mąą liihɛlɛn ɉee?

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

Zakari 9:16

Ɲələi tii, Yai-Laa, di wɔ Yálái a di mąąkɔ̨nwɔ̨, diɛi tii a nwɔ nu huwui, a nwɔ ɓɛlaa haaɠaai. Di kaa pai kɛi yɛ Kúwɔ́-kwɛni lɛlɛɛɠaa, diɛ lən nwɔ lɔi mɛ̨i.

Nwun mąąɓo 13:18

Yai-Laa nwɔ malaka ə pənə, yɛ mą: «Lə mɛ̨nį ɓa ə́ kaa bɔ ə́ naa kɔ́lɔn? Náá kaa a kwəi pili mąą.»

Lɛɛ gbɔwɔ ɓa 23:21

Ka mąąwiɛ, ka ka wɛli tɔɔ nwoo ɓa, ka hvo tɔɔ na, hvo pai ka wɔ kulɔ nwoo mu laa mąąhvaalɛɛi, mąąhɔlɔɓo, nwɔ́ heeɓolaa kəlee kaa ɲəi.

Zɛnɛse 32:29

Yɛ mą: «Ə́ laa hvaa kɛa a Ɉakɔbə, ə́ laa ɓaa pai kɛi a Israɛlə, mąąhɔlɔɓo, ka Yálá kaa lamu kɔ́, ka nuą kaa lamu kɔ́, ə́ yee aa tɛɛ diɛ.»

M̀ɛni-lɛɛi 6:2

Ŋą́ ɲɛ̨́i hee, ŋą́ hoo kwɛlɛɛ ta kaa. Nui kɛ heeni mɛ̨i, kilɛn yɛ ɓo ɲəi. Di ɓɔlɔ ta tɛɛ bɔ, ɛlɛɛ, yɛ li yɛ, kuláá, ɛlɛɛ, yɛ li kuláálaa kɛi.

Azaya 62:3

Ə́ kaa pai kɛi Yai-Laa yəi yɛ tɔɔ ɓɔlɔ ɲɛ̨́i tɔɔ, ə́ ɓo ə́ wɔ Yálái yəi ɲą yɛ tɔɔ ɓɔlɔ.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Wɛli 3:11

Ɉerusalɛmə nɛ̨ɛ̨lɛa, 'ka pa! 'Ka pa ka tɔɔmun Salomɔn kaa. Vúlulɔ ɓɔlɔi nee ə bɛli mą a nwɔ hvúlulɔ yələ laa, Ka gaa, a gwəinɛ̨ɛ̨ hvólói ŋɛ̨i.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Danîa 10:6

Gɔlɔ ɓa yɛ lən gbɔ yɛ kwɛni kwɛlɛɛ, ɲɛ̨ilaai yɛ lən yɛ malamala a gɛ, ɲɛ̨ikɔw yɛ ɓo yɛ kpalan nən, gɔwɔ da ɲeeɠaa yɛ kpɔlu yɛ da ɓala kwɛli pu. A kɛi hvaa, yɛ ɓo yɛ nu kpulu hvaa woo.

Ɉaan 17:11

Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 17:12

Gɛ́ɛ́ di pɔ, ŋą kɛi ɲɛ̨́i kɛ diɛ Ə́ laa hu, yaai ə́ dɛɛ bɔ́. Dɔ̨nɔ̨ kpɛli nwun na hvo pili, hvo kɛli lɔ nwun na pilimun; ə gɛ, mɛ̨nį Ɉɛɓɛ́ ə mo bɔ mɛ̨nį ə kɛ.

Ifisiɛŋ 1:21

Ɲąąwooɓo laa, Huwalawalalaa, Hvaŋą laa, Hééɓolaa, ɛlɛɛ, da laa huwui lɔpee, ɉeɛi kpɔ gəlee mɛ̨i; hvo lɔ a ɲɛnɛ̨ɛ̨ ŋɛ̨i hu mɛ̨nį, kɛlaa, ə mą kɛ, ɲɛnɛ̨ɛ̨ yii pai, ɉu.