M̀ɛni-lɛɛi 16:2 - Yálá laawoo hɛɓɛ (dc)

² Ɛlɛɛ, malaka tɔlɔɔ ə li, ə nwɛi hu ɓo lɔi mɛ̨i. Nuąi ɉuwɔi tii ŋą kɔ́lɔn ɉɛn ə kɛ diɛ, ɛlɛɛ, diɛ kwɛli hvilɛn mąąnįnįn ma, pala ɲɔ̨nwɔ̨ɔ̨ ə tee diɛ.

Yálá laawoo hɛɓɛ

² Ɛlɛɛ, malaka tɔlɔɔ ə li, ə nwɛi hu ɓo lɔi mɛ̨i. Nuąi ɉuwɔi tii ŋą kɔ́lɔn ɉɛn ə kɛ diɛ, ɛlɛɛ, diɛ kwɛli hvilɛn mąąnįnįn ma, pala ɲɔ̨nwɔ̨ɔ̨ ə tee diɛ.

Bible

² Nya ƃe Ŋ̀âla-taa-kelai maa-ŋuŋ è lì é ŋɔsɛŋ-foloi su-sɛŋ pu ǹɔii ma. Pala nyɔ́mɔɔ-ŋa dí ǹûai soŋ nyíi-ŋai zuai pɔ́ɔ è kɛ̀ diai da diai zua-pɔɔkɔ̂ŋ fɛlii.

M̀ɛni-lɛɛi 16:2 Referans Kwoze

M̀ɛni-lɛɛi 8:7

Malaka dɔlɔɔ ə nwɔ tului hvɛɛ, hanwon da nwɔ̨n ɉumoɔ a ɲąmą, di pu lɔi mɛ̨i, lɔi ɓɛlaɓoɔ ɉu haaɓa, bələ tɔ̨nɔ̨ ə kələn, nwuluɠaa ɓɛlaɓoɔ ɉu haaɓa bələ tɔ̨nɔ̨ ə kələn, ɛlɛɛ, wɛlaɠaa di kələn.

M̀ɛni-lɛɛi 16:11

Diɛ yələkɔlɔn ɉu Yálá lalan, mɔ̨nɔ̨i tii di kaa mįi mąą mɛ̨nį ɓa, ɛlɛɛ, da di wɔ palaɠaai mąą mɛ̨nį ɓa, kɛlaa, di hvo gɛ di hvo di tuwɔ́ pələ mąąhvalin.

Dutɛrɔnome 28:27

«Yai-Laa kaa pai munwɔ̨ɠaa da nwɔ tɔɔ hɛnŋąą pɛlɛi kaa; da lɔ́wɔ́ ɲɔ̨n, ə mą kɛ tiha yɛ bələi ə gɛ la a Eziptə nuą; ɛlɛɛ, ka nwun va kulɔ ɉu.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Azaya 3:17

Ną́mu Yálá kaa pai kpowólo pui Siɔn nɛ̨ɛ̨lɛa nwuɔ̨, Yai-Laa kaa pai di mąą kpoloon ɉii.

Kɔlɔnikɔ Veerɛi 21:18

Yili kəlee kɛɛ pulu, Yai-Laa ə ɲɔ̨n bɛlɛ mą, ɉali hvo kɛa pɛli kɛi.

Kɔlɔnikɔ Veerɛi 21:15

Ɛlɛɛ, yɛ́n, ɲɔ̨n nwalawalaɠaa kaa pai pɛlɛi yɛ́. Ə́ koolon ɉu ɲɔ̨n nwɛi tii gaa pai ə́ kpoyɛli kulɔi. Ɲɔ̨n da lɔ ɓə pai kɛi pɛlɛi mą, a yələ kəlee.»

Samuɛlə dɔlɔɔ 5:9

Lii di mo la Gatə, Yai-Laa yee ə wiɛ daa nuą mɛ̨i, ɲɔw kɛnɛ̨ ə pili daa nuą hu. Yai-Laa ə mɔ̨nɔ̨ laa diɛ nɛapɛlɛ mąn, nu kpɛa-kpɛa mąn pulu kulɔ kpan ə pɛlɛ gəlee diɛ.

Samuɛlə dɔlɔɔ 5:6

Yai-Laa yee ə wiɛ Asdɔdə nuą mɛ̨i, ə kɛɛ kala di pɔɔli. Ə pulu kulɔ kpan bɛlɛ Asdɔdə da gwɛlɛ taɠaa diɛ.

Dutɛrɔnome 7:15

Yai-Laa kaa pai ɲɔ̨n ɉuwui lɔpee gəlee mąą kwɛai kaa, mɛ̨nį ɲąąnwąnąą ɲɔ̨nwɔ̨ɔ̨ɠaa ka di kaa yɛ laa Eziptə nuą diɛ, hvo pai da laai kaa, gaa pai yiliɠaai laai nuąi da wɛli kpɛɛ mąą laa kulɔ a kaa diɛ.

Azaya 3:24

Wulɔ kun nɛ̨ɛ̨, mąą a hvalin a hɛn nulɔ kun, hɛ̨ą yili kɔ́lɔ mąą a hvalin a gɔtɔ yɛli, nwun naa lɛlɛɛ mąą a hvalin a nwun gbəlaan, həɠə lɛlɛɛ mąą a hvalin a mąąwɛli həɠə di wɔ lɛlɛ mąą a pənə a kwɛli kələn bɔɔ.

Mąątɛ̨nɛ̨ 78:26

Ə hvóló kulɔi pələ hvaną lɛɛ yələi ə mąą kwɛa diɛ, ə pa a ɉɛɠɛɛ pələ hvaŋą di pɔ a nwɔ huwalawalalaa.

M̀ɛni-lɛɛi 14:16

Nąąlɔwai, nui tii kɛ heeni dulɔ kpinįn mɛ̨i, ə nwɔ mɔ̨nun-dee ɓowai hiɛ lɔi mɛ̨i, ɛlɛɛ, ə lɔi mɛ̨i mɔ̨nun gəlee tee.

Dutɛrɔnome 28:35

«Yai-Laa kaa pai munwɔ ɲɔ̨nwɔ̨ɔ̨ɠaa pui kaa, diɛ tɔɔ ka kpəlina, da ka wɛlɛɠaa ɓa, ka ɉalə kɛ, hva kpɛɛ. Daɠaa diɛ tɔɔ ka kɔ́wɔ mɛ̨i, daɠaa diɛ tɔɔ ka nwuɔ̨.

M̀ɛni-lɛɛi 13:12

Ɉuwɔ tɔlɔɔi tii nwɔ hvaŋąi ɓə ə kɛli kólo kɛ ɉu ɲɛ̨i mu. Ə kɛli hɔlɔhimą laa lɔi mɛ̨i heeɓo nuą mɛ̨i, diɛ kwɛli hvilɛn ɉuwɔ tɔlɔɔi tii di nwąną baa pələ ɓa, yai bala ə kpɛɛ, mą.

M̀ɛni-lɛɛi 14:9

Ɛlɛɛ dakpɛli, a malaka ɉaaɓanąą, ə lɛɛ nąą pulu, ə tomą kpɔ a nwoo kɛnɛ̨ɛ̨, yɛ mą: «Nui a kwɛli hvilɛn ɉuwɔi tii ɓa, da mąąnįnįn, ɛlɛɛ, di gɔlɔn ɉɛn kɛ dɔwɔla, awala kɛ tii ɲee ɓa,

M̀ɛni-lɛɛi 16:1

Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»