M̀ɛni-lɛɛi 16:1 - Yálá laawoo hɛɓɛ (dc)

¹ Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»

Yálá laawoo hɛɓɛ

¹ Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»

Bible

¹ Ǹaa pôlu mà, ŋá wóo su kɛ́tɛ mɛ̀ni é kúla gwaa maa waai ma Ŋ̀âla-pɛrɛ Kɛ́tɛi mu gɛ m̀o Ŋ̀âla-taa-kela lɔ́ɔlu mɛi féerɛi ma, nyɛɛi, “Zɛŋ gáa Ɣâla ŋɔlii-ŋwâna sɛŋ-folo lɔ́ɔlu mɛi féerɛi sui, ka lí ka bu ǹɔii ma.”

M̀ɛni-lɛɛi 16:1 Referans Kwoze

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

M̀ɛni-lɛɛi 15:1

Ɛlɛɛ, ŋį́ laakpala mąą mɛ̨nį kɛnɛ̨ ta kaa yələ kwəi, ŋį́ malaka mɛ̨ihveelɛ kaa, mɔ̨nɔ̨ mɛ̨ihveelɛ yɛ ɓo di yəi, a gbəli-kpəli, mąąhɔlɔɓo, diɛ ɓə Yálá nwɔ lííholi naa kulɔi kaa di hu.

Ɉeremi 10:25

Yai-Laa! Ə wɔ liiholi ɲąątɔɔ nuą tii di hvo ə́ kɔ́lɔn diɛ; a diɛi tii di hva ə́ təli a ə́ laa; gbalai tɔɔ di kaa Ɉakɔbə mįi. Di kaa ɉuwu kpɛɛi, diɛ nwɔ lɔi hukala.

M̀ɛni-lɛɛi 16:17

Malaka mɛ̨ihveelɛnąą ə nwɛi hu ɓo vaŋą hu. Ɛlɛɛ, woo kɛnɛ̨ ta ə kulɔ Yálá hee pɛlɛ́ mu, yɛ həɠə dɔɔkpəlin ɉu, yɛ kɛ mą: «Aa kɛ tii-o!»

Mąątɛ̨nɛ̨ 79:6

Nɔiɠaai di hvo ə́ kɔ́lɔn, ə́ wɔ liiɲąnwąnąi yɛɛ di mɛ̨i, ə mą kɛ dɔɔɓɛlaai di hva ə́ mąąwiɛ.

Izikiɛ 10:2

Yálá ə mo ɉəɠə kwəlɛɛ Nąmu ɓa, yɛ mą: «'Li, nwotoloɠaai ŋɛ̨i mąąkpɛ malakaɠaa mu di lɔwai, ə́ ə́ yee hvɛɛ laa nwɔ̨n dəŋa hu; ə́ daɠa-taɠa daa mɛ̨i.» Ɉulɔnui tii ə lɔ laa, gɛ́ gaa.

M̀ɛni-lɛɛi 14:18

Yili pulu, malaka takpɛli ə həɠə, ɉaláá kulɔi. Ə kɛli nwɔ̨n ɲąąwooɓo, ɛlɛɛ, ə tomą kpɔ a nwoo kɛnɛ̨ɛ̨, nui tii mɔ̨nunu-dee ɓowa ɲąąliɛ ə kɛ ɲəi, bɔ pələ, yɛ mą: «'Yɛ́ mɔ̨nun-dee ɓowa ɲąąliɛi pili ə́ yee mɛ̨i, ə́ lɔi mɛ̨i viɲəɠaa ɓá kulɔ la, hvo gaai, daa kpɔlu.»

M̀ɛni-lɛɛi 14:15

Yili pulu, malaka takpɛli ə kulɔ Yálá hee pɛlɛ́ mu, ə tomą kpɔ a nwoo kɛnɛ̨, nui tii kɛ heeni dulɔ kpinį mɛ̨i, bɔ pələ, yɛ mą: «'Yɛ́ mɔnun-dee ɓowai pili ə́ yee mɛ̨i, ə́ mɔnun dee la. Mɔnun dee yələ aa ɉəli, hvo gaai, lɔi mɛ̨i mɔnun aa mɔ̨n.»

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Samuɛlə dɔlɔɔ 15:18

Yai-Laa ə ə́ tɔɔ kɔ́ ɓa, ə mo yɛ́, yɛ kɛ yɛ́: ‹Li! Amalɛkə nuąi ŋɛ̨i a nɛ̨ŋɛ̨n ɉəɠə nuą, ə́ gəlee paa kpɔ tɛ̨ɛ̨tɛ̨ɛ̨, hvo húlu maa hɛn nɔpee ta lɛɛ.›

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.