M̀ɛni-lɛɛi 13:6 - Yálá laawoo hɛɓɛ (dc)

⁶ Ə naa pili yələi, yɛ Yálá lalan nwooɠaa ɓo, yɛ Yálá laa ɓɛlɛ too, da vɛli pɛlɛ́, ɛlɛɛ, da yiiɠaai kpɔ di heɛ kaa yələkɔlɔn ɉu.

Yálá laawoo hɛɓɛ

⁶ Ə naa pili yələi, yɛ Yálá lalan nwooɠaa ɓo, yɛ Yálá laa ɓɛlɛ too, da vɛli pɛlɛ́, ɛlɛɛ, da yiiɠaai kpɔ di heɛ kaa yələkɔlɔn ɉu.

Bible

⁶ È ǹá ƃò a gɛɛ é tɛ̀-ŋɛi-woo-ŋa ƃo Ɣâla ma. È tɛ̀-ŋɛi-woo-ŋa ƃò a ǹáa da bɔ-taai. Zu-kulai ƃa, diai díkaa Ɣâla-taai.

M̀ɛni-lɛɛi 13:6 Referans Kwoze

M̀ɛni-lɛɛi 12:12

Yili ɓə gaa mą, yələkɔlɔn, 'ká kwəinɛ̨ɛ̨ kulɔ, ə mą kɛ, káái laa heeni. Kpalo aa ɓɛla lɔi da gboloyá diɛ, mąąhɔlɔɓo, nąnį aa yɛɛ di pɔ, niikələnŋąą gwəi, gili aa pu ɉu, yɛ kɛ, ŋą lɔwai hu hvo kwɛa li.»

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 11:12

Da woo kɛnɛ̨ ta mɛ̨n yɛ həɠə yələi, yɛ kɛ mą: «'Ká tɛ ɓɛ!» Ɛlɛɛ, diɛ tɛ yələi pələ tulɔ kpinįn ɉu, di yowoɠaa ɲɛ̨i ɓa.

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.

M̀ɛni-lɛɛi 5:13

Pɛli hɛn gəlee, yɛ ə kɛ, yələi pələ, yɛ ə kɛ, lɔi mɛ̨i, yɛ ə kɛ, lɔi mu, ɛlɛɛ, gboloyá ɲą, hɛn kpɔ gaa gɛɛnąąɠaa tii ɓa, ŋą́ gəlee woo mɛ̨n, diɛ kɛ: «Nui gaa heeni dɔɔkpəlin ɉu, da Mɛlaa Lon, di pɔɔ ɓaa a mąątɛ̨nɛ̨laa, ɓɛlɛlaa, mąąwiɛlaa, da hvaŋąlaa, ɲɛ̨n deei hvo mą!»

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 4:1

Yili pulu, ŋį́ kɛɛ ta kaa: Pɛlɛ́ ta laa ə ɓoɔ yələkɔlɔn ɉu, ɛlɛɛ, nwoo tɔlɔɔi ŋą́ mɛ̨n, yɛ pələ ɓo mą́ą́, ə kɛ yɛ tulu woo, yɛ mą: «'Tɛ́ ɓɛ! Ɛlɛɛ, mɛ̨nįɠaai pai kɛi nąą pulu, ŋį́ nɛ yɛ́.»

Hebreu 9:2

Di həɠə pɛlɛ́ ta tɔɔ, yɛ ɓo ɉu hveelɛ, bələ tɔ̨nɔ̨ laa ɓa kɛ a: Gɛɛnąą mąąhəɠɛɛ. Nąą ɓə, nwulɔ nwɔ̨n ɉeɛ kɛ laa, da Yálá kɔ́ lɛɠɛ laa hɛn.

Lomaŋ 3:13

Di kwaną wolo kaa a kámą laa təɠɛɛ, diɛ nuą ɓowo a di nɛ̨n, kaalə nwąną ɓə di la.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Kolosə 1:19

Hvo gaai, Yálá ə naa gwəi, ə ɉuɓo ɉu,

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Zôo 3:1

Nɔwɔ tɔ̨nɔ̨i tii tɛɛ pulu ɓə Ɉobə, ə hvaa la, ə gaa hvóló nɛ̨ŋɛ̨n naa.

Mąątɛ̨nɛ̨ 73:9

Diɛ di laa pu yələkɔlɔn ɉu, diɛ di laa pu yɛnɛ̨ɛ̨ mɛ̨nįɠaa hu.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

M̀ɛni-lɛɛi 7:15

Yili ɓə gɛ, di kaa la tɔɔni Yálá ŋą tɔɔkpəlin liila, diɛ kwɛli hvilɛn mą a kpinį da hvóló, ŋą pɛlɛ́i mu. Ɛlɛɛ, nui tii heeni dɔɔkpəlin ɉu, gaa pai di lɔi ŋą həɠə-kə́lə́i mu.

M̀ɛni-lɛɛi 15:5

Yili pulu, ŋį́ ɲɛ̨́i hee, ŋį́ Yálá hee pɛlɛ́i tii yələkɔlɔn ɉu, yai gələ lon gaa mu, ŋį́ gaa, naa ə ɓo,