M̀ɛni-lɛɛi 13:4 - Yálá laawoo hɛɓɛ (dc)

⁴ Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

Yálá laawoo hɛɓɛ

⁴ Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

Bible

⁴ Núu-kpune è ǹyao-maa-suai fɛ̀li, kpɛ́ni fêi, è ŋɔwala-wala-laai tɛ̀ɛ zuai pɔ. Dí zuai fɛ̀li, díyɛɛi, “Gbɛ̂ɛ ƃe gáa yɛ̂ɛ zuai? Gbɛ̂ɛ ƃa pɔ̂ri kɔ̂i bɔ́?”

M̀ɛni-lɛɛi 13:4 Referans Kwoze

M̀ɛni-lɛɛi 13:2

Ɉuwɔi tii ŋį́ gaa, gɛ pələ ə kɛ yɛ kwɛ́li, gɔwɔɠaa diɛ ɓo yɛ yáwolo, ɛlɛɛ, naaləi ə ɓo yɛ yala. Ɛlɛɛ, mąąɲɔɔ-hɛn tii ə nwɔ yəi kɛnɛ̨laa tɛɛ bɔ, ə bɛlɛ nwɔ tɔɔkpəlin ma, ɛlɛɛ, da ɲąąwooɓolaa kɛnɛ̨ɛ̨ ta.

M̀ɛni-lɛɛi 18:18

diɛ gboo təli, da kɛli daai tii kələn nwɔ̨n nulu kaa, diɛ kɛ mą: «Taalee lə kɛɛ kpɔ ɓə, da pɛli kɛ gɔɔn ɉii daa-lee kɛnɛ̨i ŋɛ̨i ɓa?»

M̀ɛni-lɛɛi 13:15

Di mąąlaa tɛɛ bɔ, əgɛ, ə ɉuwɔ tii mąąnįnįn nɔ̨ɔ̨ too ɉu, yɛ pɛli hvaai, ɛlɛɛ, nui a wala kwɛli hvilɛn ɉuwɔi tii mąąnįnįn ma, yɛ pɛli baai.

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Samuɛlə dɔlɔɔ 17:24

Nui tii kaai Israɛlə nuą di mo, di ɲɔw kpɔ kɛnɛ̨, diɛ pu dɔwɔ.

Dutɛrɔnome 9:2

Di kaa a Anakə nuą, di kaa a nu huwu kɛnɛ̨ di yee muhəɠɛɛ. Gbaɠala kaa kaa, kaa ta mɛ̨n, diɛ mo ŋɛ̨i Anakə nuą laa mɛ̨i, diɛ kɛ diɛ: «Gbɛɛ ɓə a pɛli tɔɔi Anakə nuą tɔwɔ?»

Azaya 46:5

Gbɛɛ ɓə ka pɛli gɔɔn ɉi mą́ą́? Kwa yaa ku kulaa a ku kee? Gbɛɛ ɓə ka kɛ kɛi, gúlɔ mąą li, kwa yaa ku ɓo tanɔ̨n?

M̀ɛni-lɛɛi 12:4

Yələ kwəi pɛmɛ̨lɛ̨n-gɔwɠaa ɓɛlaɓoɔ ɉu haaɓa, nwon ə bələ tɔ̨nɔ̨ tuluun, ə bu nɔi ɓa. Mąąɲɔw-hɛn tii ə kɛ tɔɔni gwəinwąną kɛ nɛ̨ɛ̨nui liila, yɛ a naayɛɛ lɔ, ə nokolo mįi.

M̀ɛni-lɛɛi 13:11

Ya ɓə, ŋį́ huwɔ takpɛli kaa yɛ kulɔ lɔi mu. Mįnɛ̨ ə ɓo nwuɔ̨ hveelɛ yɛ ɓɛlaa lon, kɛlaa, yɛ hvaa yɛ mąąɲɔw-hɛn.