M̀ɛni-lɛɛi 12:2 - Yálá laawoo hɛɓɛ (dc)

² Nɛ̨ɛ̨nui tii ə kɛ a koonɛ̨ą, naa yɛɛi lɔwai aa həli kɛa kɛ, gwəinwąną aa hee ɉu yɛ wɔlɔ.

Yálá laawoo hɛɓɛ

² Nɛ̨ɛ̨nui tii ə kɛ a koonɛ̨ą, naa yɛɛi lɔwai aa həli kɛa kɛ, gwəinwąną aa hee ɉu yɛ wɔlɔ.

Bible

² Gôo è kɛ̀ mà. È wɔ̀lɔ kpɔ́ a zu kɛ́tɛ ŋɔmɛni-soli-kaai su tãi koi-tee è pɛ̀lɛ la mài.

M̀ɛni-lɛɛi 12:2 Referans Kwoze

M̀ɛni-lɛɛi 12:4

Yələ kwəi pɛmɛ̨lɛ̨n-gɔwɠaa ɓɛlaɓoɔ ɉu haaɓa, nwon ə bələ tɔ̨nɔ̨ tuluun, ə bu nɔi ɓa. Mąąɲɔw-hɛn tii ə kɛ tɔɔni gwəinwąną kɛ nɛ̨ɛ̨nui liila, yɛ a naayɛɛ lɔ, ə nokolo mįi.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Ɉaan 16:21

Ɓɛlɔwai nɛ̨ɛ̨nu a kɛ kwəinwąną kɛi la, nii a kɛ a gələn ŋąą gwəi, mąąhɔlɔɓo, nwɔ mɔ̨nɔ̨ mį́i lɔwai aa ɉəli. Kɛlaa, a naayɛɛ kɛa, nwɔ mɔ̨nɔ̨i tii kili a kpɛɛ ŋą́; mąąhɔlɔɓo, aa nu kan ɉɔlɔɓo.

Galatə 4:27

Hvó gaai, ɉɛɓɛ́ yɛ: «'Ə́ kwəinɛ̨ɛ̨ kpomąnɛ̨ą, yɛ́i lon gaai hvo kɛ yɛ́, 'pili yələi, ə́ tómą a kwəinɛ̨ɛ̨, yɛ́i hvo kɛ lon gwəinwąną kɛ li, mąąhɔlɔɓo, nɛ̨ɛ̨nui daa gulɔ lɔwɔi, nonnii kpulu tamąąi, di tɛɛ hilɛ tai-nɛ̨ą ɓa.»

Mise 5:3

Gaa pai kɛi tɔɔni yɛ nwɔ taatɛlɛɛ kpului ɲąąkɔn, a Yai-Laa nwɔ huwalawalalaa, a nwɔ Yálái Yai-Laa nwɔ mąąwiɛ, di kaa pai heei diɛ həli lɔi kpon ɉeei, di kpulu hu kɛnɛ̨ pələ ɓa.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 54:1

'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Azaya 26:17

Ku pa Ə́ lííla, Yɛ́i a Yai-Laa, yɛ nɛ̨ɛ̨nui kwəi nwąną kɛi, yai a kɛ kpɛlaan ɉi, yɛ tómą mɔ̨nɔ̨ yəi.

Azaya 66:6

Woo kɛ̨nɛ̨ ta kaa kulɔi daa kwəi pələ, woo ta yɛ həɠə Yálá hee pɛlɛ́ mu! Yai-Laa woo li: gaa ɲoɠoɠaa túwɔ́ pələ mąą kwələ kulɔi diɛ.

Mise 4:9

Lə ɓə kɛ yai ə́ kaa tómąi yiihu? Tɔɔmun və kɛa ə́ pɔɔli? Ə́ liɛwoo ɓomun aa pili? Yai ə́ kaa mɔ̨nɔ̨ mįi la? Yɛ nɛ̨ɛ̨nui kwəinwąną kɛi?

Maafîu 24:8

Mɛ̨nįɠaa tii kaa pai kɛi; lɔ yɛ kwəi nwąną kɔ́wɔ tɔɔ.