M̀ɛni-lɛɛi 11:9 - Yálá laawoo hɛɓɛ (dc)

⁹ Huwuɠaa, hįiɠaa, hįi woo ɓo nuą, ɛlɛɛ, da lɔi kəlee, di kaa pai pai, di di ɲɛ̨i tɔɔ di powa ɓa, a hvóló haaɓa da gbulɔ, ɛlɛɛ, di hva di powa loo.

Yálá laawoo hɛɓɛ

⁹ Huwuɠaa, hįiɠaa, hįi woo ɓo nuą, ɛlɛɛ, da lɔi kəlee, di kaa pai pai, di di ɲɛ̨i tɔɔ di powa ɓa, a hvóló haaɓa da gbulɔ, ɛlɛɛ, di hva di powa loo.

Bible

⁹ Ɣele-kûu saaƃa da gbura yée mu, sii kélee su-ƃela, nuu-suu kélee su-ƃela, sii-woo kélee ƃo-ƃela, da lɔii-ŋuŋ kélee su-ƃela, da pâi díŋuŋ ma lâai dípoma mâ dífa fâa a gɛɛ dí díloo ƃolôŋ su.

M̀ɛni-lɛɛi 11:9 Referans Kwoze

M̀ɛni-lɛɛi 17:15

Yili pulu, malaka yɛ mą́ą́: «Ɲáɠaa tii ə́ gaa ɓɛi nwɛlikɛ nɛ̨ɛ̨nui tii heɛ ə kɛ laai, di kaa a huwuɠaa, a nu kpuluɠaa, hįi lɔiɠaa, ɛlɛɛ, da hįi wooɠaa.

M̀ɛni-lɛɛi 11:11

Kɛlaa, voló haaɓa da gbulɔi tii a kulɔ ɉu, yɛnɛ̨ɛ̨ kɛ hvaŋą a həɠə Yálá-taa ə pu diɛ, ɛlɛɛ, di haŋąn di tɔɔ. A kɛ lɔ tii, nuąi kɛli di kaa, ɲɔw kɛnɛ̨ ta a di hon.

M̀ɛni-lɛɛi 10:11

Ɛlɛɛ, diɛ mą́ą́: «Hvó kɛli nwɔ̨nɔ̨ ə́ Yálá kwəi mɛ̨nį hukulɔ nu huwuɠaa diɛ, hįi lɔiɠaa diɛ, hįiwooɓo nuą diɛ, ɛlɛɛ, da tɔɔɓɛlaa tamąą.»

M̀ɛni-lɛɛi 13:7

Di mąąlaa tɛɛ bɔ, ə gɛ, ə kɔ́ pɛlɛ mąąhəɠə nuą diɛ, ɛlɛɛ ɲee ə tɛɛ diɛ, ɛlɛɛ, di hvaŋą tɛɛ bɔ nu huwu kəlee mɛ̨i, nu kəlee mɛ̨i, da hįi woo ɓo nuą kəlee.

Ikilisiati 6:3

Nu ta a pɛli mą ə lon ɉɔlɔɓo nwun dɔ̨nɔ̨, mąą nu ə kwɛlan damąą kɛ yɛnɛ̨ɛ̨, akɛ hvo ɲąąnɛ̨ɛ̨ kulɔ li ɲíi hvóló tamąą tii hu, ɛlɛɛ nwɔ̨nɔ̨, di hvo kpɛli bowa loo li a nɛlɛɛ, yili ɲąąnɛ̨ɛ̨ ɓaa a lə? Nwɔ́ kwəi, yəikalalon viɛlaɓoɔi mąą nu ɓa.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Ɉeremi 7:33

Di kaa pai nu kpulu kɛnɛ̨ paai nuą ŋɛ̨i lɔwai, di lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n, ə lɛɛ nu hvo pai hɔlɔɓoi, yɛ di kpɛ.

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą