M̀ɛni-lɛɛi 11:8 - Yálá laawoo hɛɓɛ (dc)

⁸ Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.

Yálá laawoo hɛɓɛ

⁸ Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.

Bible

⁸ Dípoma a pâi kɛ̂i laa ni taa-lee kɛ́tɛi sú nyii da dòli pere-sii da su a Sodɔŋ da Izei, zu-pere-lee kɛ́tɛi ma, ƃɛi dí Dínuu-namui kpàmo naa saa-wuru mai.

M̀ɛni-lɛɛi 11:8 Referans Kwoze

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

M̀ɛni-lɛɛi 18:10

Di kaa pai tɔɔi kwɛaa la, diɛ ɲɔw ŋą mɔ̨nɔ̨i tii ɓa: «Ee kə kpalo! Ə kə gbalo kɛnɛ̨! Oo kə, daa-lee kɛnɛ̨ɛ̨ kɛ, Babilonə, taalee hvaŋą kɛnɛ̨ɛ̨i kɛ, lɛɛlɛ tanɔ̨n gbən yee mu lɔ ɓə di giti tee la!»

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.

Hebreu 13:12

Yili ɓə gɛ, Jesus yaa kpɛlimąn, di baa daa pulu pələ, ə gɛ, ə nuą mąąhəɠə a gbɔwɔ ɲąmą.

M̀ɛni-lɛɛi 18:18

diɛ gboo təli, da kɛli daai tii kələn nwɔ̨n nulu kaa, diɛ kɛ mą: «Taalee lə kɛɛ kpɔ ɓə, da pɛli kɛ gɔɔn ɉii daa-lee kɛnɛ̨i ŋɛ̨i ɓa?»

M̀ɛni-lɛɛi 11:9

Huwuɠaa, hįiɠaa, hįi woo ɓo nuą, ɛlɛɛ, da lɔi kəlee, di kaa pai pai, di di ɲɛ̨i tɔɔ di powa ɓa, a hvóló haaɓa da gbulɔ, ɛlɛɛ, di hva di powa loo.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Izikiɛ 23:27

Ŋą́ ə́ wɔ tuwɔ pələ ɲɔ̨n kpɛla kɛa bələi, da ə́ wɔ wɛli mɛ̨nįi ə́ ə́ yee lɔ ɉu Eziptə lɔi hu, hva kɛa ə́ ɲɛ̨i kulɔ di pɔ; hva kɛa ə́ kiliŋąhiɛ Eziptə ɓa.

Izikiɛ 23:19

Ə nwɔ wɛli honŋąą hu wiɛ; yɛ gili ɲąą hiɛ la ti gbɛla yələ ɓa, ɓɛlɔwai ə kɛi wɛli hon na Eziptə lɔi hu.

Izikiɛ 23:8

Ə nwɛli mɛ̨nįi ti kpalatɔɔ Eziptə lɔi hu; a ɓɛlɔwai da yaa di kɛi laa la, ə ɓo nii a nɛ̨ɛ̨non; ɓɛlɔwai di kɛi ɲįnį hon na, diɛ pɛli wɛli pələ kəlee kəi la. Ɲee ə kɛ lɔ nwɛli honŋąąi ti hu.

Izikiɛ 23:3

Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Zɛnɛse 19:24

Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

M̀ɛni-lɛɛi 18:2

Ə tomą kpɔ a nwoo kɛnɛ̨, yɛ kɛ mą: «Aa too, aa too, Babilonə kɛnɛ̨i aa too; aa lɛɛ kɛa a ɲįnɛ̨nŋaa heei, aa lɛɛ a ɲinɛ̨n ɉuwui lɔpee gəlee heei, a nwɛ̨nį kɔ́hɔɓoɔɠaa, diɛi di wɛlikpɛɛ nu kanŋaa diɛ, di heei.

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

M̀ɛni-lɛɛi 14:8

Ɛlɛɛ, malaka veelɛnąą, ə lɛɛ bulu, yɛ mą: «Aa too, aa too! Babilonə daa-lee kɛnɛ̨i aa too! A yai lɔɔ tɔɔ lɔi kəlee la, a nwɔ wɛlikɛ lɔɔ kpəɠiɛi.»

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

Hebreu 6:6

ɛlɛɛ ə mą kɛ tii, daa həɠə laana pələ mɛ̨i, gɛ laa walaai di di yali di pulu, diɛ ɓə, da pənə nwɔ̨nɔ̨, diɛ Yálá Lon gbanwo kolɔwa ɓa a nįnɛ̨, diɛ gɛ nuą diɛ nalan.

Gɛlaɠaa 9:4

Solə ə too nɔi ɓa, ə woo ta mɛ̨n yɛ kɛ mą: «Solə! Solə! Lə mɛ̨nį ɓa ə́ kaa mɔ̨nɔ̨ɓoi?»

Ɉeremi 26:23

Di Uriahu kulɔ Eziptə lɔi hu, di paa la tɔɔmun Yoyakimə pɔ, yili ə baa, ə bowa pili kpɔnmąą kámą hu.

M̀ɛni-lɛɛi 18:24

Ɛlɛɛ, ə́ pɔɔli ɓə di Yálá kwəi mɛ̨nį hukulɔ nuą ɲąmą kaa laa, da nu mąąhəɠɛɛɠaa, ɛlɛɛ, da nuąi di di kulɔ a haláá lɔi mɛ̨i, di ɲąmą.

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

M̀ɛni-lɛɛi 17:1

Yili pulu, malaka mɛ̨ihveelɛi tii gbələ kɔ́wɔ mɛ̨ihveelɛ ə kɛ di yee ɲąi, dɔ̨nɔ̨ ə pa, yɛ mą́ą́: «'Pá ɓɛ! Nwɛlikɛ nɛ̨ɛ̨nu kɛnɛ̨i tii heeni gboloyá kwɛlɛ, bələi di pai giti teei la, ŋį́ bələ lɛ yɛ́.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Izikiɛ 16:46

Ə́ liɛ nɛ̨ɛ̨nu ɓaa a Samari, gaa hee ni ə́ kɔ́ɓɛyee hu pələ; ə ləɠə nɛ̨ɛ̨nu ɓaa Sodomə, gaa ə́ ɓa-mįi-yee hu pələ, da non nɛ̨ąą.

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

M̀ɛni-lɛɛi 14:20

Di viɲəɠaa tii yá kulɔ gɔwɔ́-la daa pulu pələ, ɛlɛɛ, ɲąmą ə kulɔ, ə tɛ kpɔ hoo-laa-kwɛli ɓa, ə laa nɔi mɛ̨i a kilə waa tɔ̨nɔ̨ pulu nwun mɛ̨ida.

M̀ɛni-lɛɛi 17:18

«Ɛlɛɛ, nɛ̨ɛ̨nui tii ə́ gaa, daa-lee kɛnɛ̨i hééɓolaa kɛi, lɔi mɛ̨i tɔɔɓɛlaa kəlee mɛ̨i, yaa li.»