M̀ɛni-lɛɛi 11:10 - Yálá laawoo hɛɓɛ (dc)

¹⁰ Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

Yálá laawoo hɛɓɛ

¹⁰ Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

Bible

¹⁰ Diai kɛ̀ ǹɔii sui, dílii a pâi nɛ̃ɛ̂i dí pêle kɛ́ dí sama-sɛŋ tɛ̀ɛ díkîe-ni pɔ́, kpɛ́ni fêi, diai kɛ̀ ǹɔii sui, Ɣâla ŋɔlóno-kɛ-ƃela féerɛi ŋí maa-mɛni è kɛ̀ dîa a lii-sɛlɛŋ kɛ́tɛ.

M̀ɛni-lɛɛi 11:10 Referans Kwoze

Tɔɔɓɛlaa dɔlɔɔ 18:17

Eli kaai Akabə ə mo, yɛ mą: «Eli! Yɛ́ ɓəi! Yɛ́i yáá kpalo ɓɛla Israɛlə ɓa yɛ́ ɓəi!»

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

Gɛlaɠaa 5:33

Nwoo taaləi ti mɛ̨n di mo, ə di lííholi kpɔ kɛnɛ̨, di di kiliŋąhiɛ di paa mɛ̨nį ɓa.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Mise 7:8

Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Korɛntə dɔlɔɔ 13:6

hvulu mɛ̨nį hva gwəinɛ̨ɛ̨, Kɛlaa, a gwəinɛ̨ɛ̨ tɛ̨ą mɛ̨nį hu.

Ɉaan 16:20

A tɛ̨ą kpɔ-kpɔ gáá moi kaa, ka káá pai wɔlɔi, kaa ka woolaa, kɛlaa, nąąlɔwai, a kɛ a kwəinɛ̨ɛ̨ yɛnɛ̨ɛ̨ nuą diɛ. Ka liihɛlɛn ŋąąi, ka wɔ liihɛlɛn mąą kaa pai pənəi a kwəinɛ̨ɛ̨.

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Hanwon 24:17

Ə́ yowo a too, ə́ kwəi hvo nɛ̨ɛ̨. A gɔwɔ tuwɔ, 'hvó pili yələi a kwəinɛ̨ɛ̨.

Mąątɛ̨nɛ̨ 89:42

Tɛɛ pələi nuą kəlee diɛ too mɛ̨i, gwɛlɛ nuą diɛ di laa pu ɉu.

Mąątɛ̨nɛ̨ 13:4

Ə́ ɲɛ̨i hee, nwóó pulu pənə, Yai-Laa, nwɔ́ Yálá! Yálá, ɲɛ́i hvoloon, və́ pa yíi haa yee kɔ́nma!

Tɔɔɓɛlaa dɔlɔɔ 22:18

Israɛlə tɔɔmun yɛ Ɉosafatə ɓa: «Kɛlɛi ŋį́ lee mo yɛ́, gɛ́ yɛ́, hva mɛ̨nį lɛlɛɛ həɠə Yálá la yɛ mo mą́ą́, ɲɔ̨nwɔ̨ɔ̨ lɔ ɓə a mo.»

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

M̀ɛni-lɛɛi 16:10

Malaka nɔɔlinąą ə nwɛi hu ɓo ɉuwɔi tii ŋą tɔɔkpəlin ma. Nwɔ tɔɔlaai ə too kpinį hu. Nuą diɛ di laa kɔ́lɔ ɲiin a mɔ̨nɔ̨.

M̀ɛni-lɛɛi 12:13

Yii kɛa mąąɲɔw-hɛn tii kili ə pu ɉu yɛ daa bili lɔi mɛ̨i, ə hvilɛn gɛa nɛ̨ɛ̨nui tii naayɛɛ a lon ɉulɔnu, bulu yɛ gbɛ.

Abdiasə 1:12

Edɔmə nuą, ka kaayɔwɔɠaa ŋɛ̨i di kaa Ɉuda lɔi hu, ɓɛlɔwai mɛ̨nį nwąnąą tii ə laa la diɛ, mąą hvo nɛ̨ɛ̨li kɛ, yili hvo ka kwəinɛ̨ɛ̨; ɓɛlɔwai di too la, yili hvo kɛ a ka wɔ kwəinɛ̨ɛ̨ mɛ̨nį, ɛlɛɛ, nalan da hvo kulɔ ka la, ɓɛlɔwai di kɛ la mɛ̨nį nwąnąą hu.

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Mąątɛ̨nɛ̨ 35:19

Nuąi hvaa pɛlɛi mą́ą́ a wɛa, 'və́ kɛ a di kwəinɛ̨ɛ̨ hɛn, nuąi yowolaa kulɔi a ɲą́ą́ lɔ kpɛli kpɛli, 'gɛ́, di hvo di ɲɛ̨i yalimą di kee lɔwai mą́ą́ mɛ̨nį hu.