M̀ɛni-lɛɛi 10:10 - Yálá laawoo hɛɓɛ (dc)

¹⁰ Ŋą́ ɉɛɓɛ́ logoloi tii hon malaka yəi, ɛlɛɛ, ŋį́ mįi. Nɛ̨ɛ̨i kɛ ná yɛ kwɛin nwulɔ, kɛlaa, yii kɛa ŋį́ mįi, ə nwąnąą góólon ɉu.

Yálá laawoo hɛɓɛ

¹⁰ Ŋą́ ɉɛɓɛ́ logoloi tii hon malaka yəi, ɛlɛɛ, ŋį́ mįi. Nɛ̨ɛ̨i kɛ ná yɛ kwɛin nwulɔ, kɛlaa, yii kɛa ŋį́ mįi, ə nwąnąą góólon ɉu.

Bible

¹⁰ Nya ƃe ŋá gɔlɔ-loŋ sôŋ Ŋ̀âla-taa-kelai yêei ŋa m̀ii. È kɛ̀ a nɛ̃ɛ ńa yɛ̂ɛ kwɛ̃ŋ-wulɔ. Kɛ́lɛ, tãi ŋá nâa mìi lai, è kɛ̀ a ŋ̀wánaa ŋ́goi.

M̀ɛni-lɛɛi 10:10 Referans Kwoze

Izikiɛ 3:3

yɛ mą́ą́: «Hulɔnu lon, ɉɛɓɛ́i ti ŋą́ dɛɛ ə́ pɔ, mįi ə́ pilɛ ɉu, ə́ ə́ koo laahvɛɛ la.» Ŋą́ mįi; nɛ̨ɛ̨ ná, yɛ kwɛin nwulɔ.

Hanwon 16:24

Wɛlikɛmąą woo kaa yɛ kwɛin nwulɔ, a nu lii laa, ə vaŋalɔ.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Izikiɛ 2:10

Ə volóon ɲɛ̨́i ɓa, hɛɓɛ́ pɛ̨ɛ̨i kɛ bələ kəlee hveelɛi, woolaa wooɠaa ɓə kɛ bɛ̨ɛ̨ ɉu, nu ɲiŋɛ̨ woo da tomą wooɠaa.

M̀ɛni-lɛɛi 10:9

Ŋą́ lɛɠɛ malaka ɓa, ŋą́ mąąnɛ̨ɛ̨ gɛ́ kɛ ə ɉɛɓɛ́ lon tɛɛ bɔ́. Yɛ mą́ą́: «Ɉon, ə́ mįi. Gaa pai kɛi a nwąnąą ə́ kwəi, kɛlaa, gaa pai kɛi a nɛ̨ɛ̨ ə́ la, yɛ kwɛin nwulɔ.»

M̀ɛni-lɛɛi 10:11

Ɛlɛɛ, diɛ mą́ą́: «Hvó kɛli nwɔ̨nɔ̨ ə́ Yálá kwəi mɛ̨nį hukulɔ nu huwuɠaa diɛ, hįi lɔiɠaa diɛ, hįiwooɓo nuą diɛ, ɛlɛɛ, da tɔɔɓɛlaa tamąą.»