Biblia Todo Logo
Bib sou entènèt

- Piblisite -




M̀ɛni-lɛɛi 1:9 - Yálá laawoo hɛɓɛ (dc)

9 Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

Gade chapit la Kopi

Yálá laawoo hɛɓɛ

9 Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

Gade chapit la Kopi

Bible

9 Ńyãa Zɔ̂ŋ, ńyãai ŋ́gaa a káƃarâŋ, ńyãai kwa kâa-ni kwa mɛni-kpɔlu kàa Zîsɛ kponôi, kwa kâa-ni kú Ŋ̀âla-taa kâloŋ laai sɔlɔ ƃo gîe-ma da nii-kpelei gáa kúyêei, dí ńdɛ̀ɛ tîŋ tɔnɔ su da dòli a Pamɔɔi, kpɛ́ni fêi, ŋá Ɣâla wóo ƃò ŋá Zîsɛ maa-sere-faa kɛ́.

Gade chapit la Kopi




M̀ɛni-lɛɛi 1:9
35 Referans Kwoze  

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.


Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»


Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»


yai moi yɛ ə gɛɛ tii kaa, hɛa hvo ɉu, Yálá laa woo li, ɛlɛɛ, gaa a Jesus Kristə ŋą kɛla woo.


Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.


Kɛlaa yaamun, ka gɛ a nɛlɛɛ, ka ka kiliŋąhiɛ ká vilɛn mą́ą́, ŋą mɔ̨nɔ̨i hu.


Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.


Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.


'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;


Kɛlaa, mɛ̨nįi hvó gaai, ə́ ɲɛ̨i yɛ ɓo dɔwɔ a nwala walaa, ya ɓə a kilitɔɔmąąlaa.


Nu mąąhəɠɛɛɠaai di yee kąnąnŋąą Yálá ŋą tíɓoɠaa diɛ, ɛlɛɛ, da Jesus ŋą laa na laa ɓa, di hvaŋąlɔ yələ ka.


Liikpələ laa kpɔ ɓə ká mąąkpaan gaa mą, káa pɛli Yálá liiɓa kɛi la, ɛlɛɛ, káá pɛli mɛ̨nį laakwɛlanmoɔ pɔ mɛ̨nį hɔlɔɓoi la.


Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.


Kɛlaa da pa kpɛɛi a gɛla woo ɓoɔ, ɉuwɔi tii pai kulɔi nowa kpon gwɛaa hu, gaa pai kɔ pɛlɛi diɛ, ɲee ə tɛɛ diɛ, ɛlɛɛ, ə di paa.


Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.


Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.


Niikələn bələ gwəi nɛ̨ɛ̨nui pɔ, gaaləi ə pənə ə li ə kɔ pɛlɛ, nɛ̨ɛ̨nui lon gbəliɠaai lɛɛ laa diɛ, a diɛi tii di yee kąnąnŋąą kɛ Yálá ŋą tíɓoɠaai diɛ, ɛlɛɛ, da Jesus mąą kɛla hvaa.


Ɓɛlɔwai ə gɔlɔn ɉɛn nɔɔlinąą holoon na. Ŋą́ nįiɠaa kaa ɉaláá kulɔi kɔwɔ mu, di kɛ a nuąi daa di kulɔ a haláá, Yálá laa woo mąą mɛ̨nį ɓa, ɛlɛɛ, da gɛla hvaai di mo mąą mɛ̨nį.


Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,


Gu Ną́mu ə ka lii tənən dɔɔ Yálá nwɔ wɛlikɛmąąlaa ɓa, ɛlɛɛ, káá tɔɔ a ká nwąnąi Kristə mąą mɛ̨nį hu.


Diɛ mą: «Kwa pɛli ku mįi!» Jesus yɛ diɛ: «Yii ɓaa mɔ̨nɔ̨ nwɛi, ka káá pai miii, kɛlaa, yii ɓaa nu tɔ̨nɔ̨ hee mɛ̨nį mamįiyee hu, da gɔɓɛyee hu, ɲą́ą́ hvei yili kaa ná. Nuąi Ną́n Yálá ə gɛɛnąąɠaa tii pɛli a di wɔɔ, diɛ ɓə nąą kaa a di wɔɔ.»


Di nwoo pulu pənə, diɛ mą: «Kwa pɛli mą.» Jesus yɛ diɛ: «Gbələ kɔ́wɔ hu ya nwąnąą nwɛi, ka káá pai gbələi, ka káá yee hee nąąnɔ̨nwɔ̨ baptisə mu.


Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:


Ɛlɛɛ, mɛ̨nįi ku ɲɛ̨i kaa dɔwɔ a nwalawalaa, yɛ hvilɛn na ka mąą mɛ̨nį ɓa, ya ka: Ku kili kaa ɉu kuɔ, ku wɔɔ mɔ̨nɔ̨ɠaai ta mįi ka káá moi, bələ lɔ ɓə ka káá pai ku wɔ liilaa ta hɔlɔɓoi la.


Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:


Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,


ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!


Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.


Swiv nou:

Piblisite


Piblisite