M̀ɛni-lɛɛi 1:15 - Yálá laawoo hɛɓɛ (dc)

¹⁵ gɔwɔɠaa diɛ ɓo yɛ da ɓala-kwɛli hu waa a huluun nwɔ̨n, ɛlɛɛ, nwoo ə ɓo yɛ gboloyá huluun dín.

Yálá laawoo hɛɓɛ

¹⁵ gɔwɔɠaa diɛ ɓo yɛ da ɓala-kwɛli hu waa a huluun nwɔ̨n, ɛlɛɛ, nwoo ə ɓo yɛ gboloyá huluun dín.

Bible

¹⁵ gɔ́ɔ kɛ̀ fólôi mu yɛ̂ɛ ƃara séɣeŋɔɔ fulɛ-kêre mu. Ŋ̀óo kɛ́ɛ yɛ̂ɛ yá támaa ɣilîŋ wôo.

M̀ɛni-lɛɛi 1:15 Referans Kwoze

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Danîa 10:6

Gɔlɔ ɓa yɛ lən gbɔ yɛ kwɛni kwɛlɛɛ, ɲɛ̨ilaai yɛ lən yɛ malamala a gɛ, ɲɛ̨ikɔw yɛ ɓo yɛ kpalan nən, gɔwɔ da ɲeeɠaa yɛ kpɔlu yɛ da ɓala kwɛli pu. A kɛi hvaa, yɛ ɓo yɛ nu kpulu hvaa woo.

M̀ɛni-lɛɛi 14:2

Ɛlɛɛ, ŋą́ woo ta mɛ̨n yɛ həɠə yələ kwəi, yɛ yálee kɛnɛ̨ huluun din, yɛ tulɔ tuwɔ tin gɛnɛ̨, ɛlɛɛ, nwooi tii ŋą́ mɛ̨n, ə kɛ yɛ hvɛ́li kɛ nuą da di yee pu di wɔɔ gwɛnįnŋaai ɲą, diɛ ɲɔw.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

Mąątɛ̨nɛ̨ 93:4

Kɛlaa, Yai-Laa kɛnɛ̨ɛ̨i ɲáhvɛɛɠaa hvuluun nwoo ɓa, dɛɛi gboloyá huluun nwoo kəlee ɓa; Yai-Laa kɛnɛ̨i yələkwəi hɛn gəlee ɓa!

Izikiɛ 1:7

Di kɔ́wɔ wuluɠaa di kɛ a ɉaŋąą, di kɔ́wɔ ə ɓo yɛ nįŋɛ̨ kɔ́wɔ; yɛ lən yɛ ɓala kwɛli hunwɔ̨ a kɛi lən.

Izikiɛ 40:3

Ə li a ɲą́ą́ gɛɛnąąi tii, ŋą́ nu ta kaa laa, gɛ pələ ə kɛ yɛ ɓala kwɛli; hɛn da ə kɛ ɲəi yɛ gɔtɔyɛli, da hɛn gɔɔn nwulu kpiɛn. Ə kɛ tɔɔni bɛlɛ́ laaləi.

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Izikiɛ 1:24

Ɛlɛɛ, da kɛi hiɛ, di koonŋaa tin ə kɛi kulɔ, gɛ́ mɛ̨n; gulaa kɛ ya hvɛɛ tin ma. Ə ɓo yɛ Yai ɲee a pɛli mɛ̨nį kəlee ɓa nwoo, yɛ nu kpulu tin; ə ɓo yɛ kɔlaɠa kɔ́wɔ mu tin. Da tɔɔ kɛ, di kɛi di koonŋaa pɛlɛ ma.

M̀ɛni-lɛɛi 10:1

Ɛlɛɛ, ŋą́ malaka takpɛli kaa, vaŋą kɛnɛ̨ɛ̨, ə həɠə yələi ə yɛɛ. Mąą yiliɛ a tulɔ kpinįn, mąąwiɛlaa həɛ dɔwɔla a gbəimiliin, ɲɛ̨ilaai ə ɓo yɛ, hvóló, ɛlɛɛ, gɔwɔɠaa di ɓo mu yɛ nwɔ̨n.