Markə 9:50 - Yálá laawoo hɛɓɛ (dc)

⁵⁰ «Kpolo kaa a hɛn nɛlɛɛ, kɛlaa, kpolo leen a kpɛɛ mą, lə ɓə da pɛli neen gɛi la mą? Mąąnɛ̨ɛ̨ ka kɛ pələ a kɛ yɛ kpolo. 'Ka nɛ̨ɛ̨ a ka kee, liilaa ə kɛ ka lɔwai.»

Yálá laawoo hɛɓɛ

⁵⁰ «Kpolo kaa a hɛn nɛlɛɛ, kɛlaa, kpolo leen a kpɛɛ mą, lə ɓə da pɛli neen gɛi la mą? Mąąnɛ̨ɛ̨ ka kɛ pələ a kɛ yɛ kpolo. 'Ka nɛ̨ɛ̨ a ka kee, liilaa ə kɛ ka lɔwai.»

Bible

⁵⁰ Kpolo-lîyeŋ lɛ̂lɛɛi. Kɛ́lɛ, à kɛ̀ gboloi à ǹíyeŋ làŋ, a pɔ̂ri gɛ̂i léŋ é líyeŋ ŋɔ́nɔ? Tɔɔ kpolo-liyeŋ é kɛ́ kâa kákɛ-ɣeniɛi su, a gɛ́ɛ ka káƃarâai ká kɛ́ ƃò kwaa tɔnɔ ma lii-sêe su.”

Markə 9:50 Referans Kwoze

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Maafîu 5:13

«Ka káá a yɛnɛ̨ɛ̨ kpolo-léén. Kɛlaa, akɛ kpolo-léén a kpɛɛ mą, lə ɓə da pɛli di néén gɛi la mą? Hva kɛa kɛ a hɛn da kɛ hɛn, mąąnɛ̨ɛ̨ lɔ di bili yɛnɛ̨ɛ̨, nuą diɛ tɛɛ ɉu.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Zôo 6:6

Hɛn hvo nɛɛ li, a mɔ̨ɔ̨ mįi yii kpolo hvo mą? Tɛɛ ɲąnin gwələ ləɠən gaa mɔ̨ɔ̨ ɉu?

Tɛsalonikə dɔlɔɔ 5:13

'ká di ɓɛlɛlɔ kpɔ kɛnɛ̨ di kɛ kóló mąą mɛ̨nį ɓa. 'Ká ɲɛnɛ̨ɛ̨ kɛ a liilaa ká diɛni ká kee lɔwai.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Zĩi 1:20

gbala ə too, nu ŋą lííholi hva Yálá ŋą tələnmolaa pɔ mɛ̨nį kɛ.

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Markə 9:34

Kɛlaa, di di laa pilɛ, mąąhɔlɔɓo, ɉeai di kɛi doo bələ pɔ, ya ɓaa: di kɛ bɔ, nui gaa a nu kɛnɛ̨ di lɔwai, di kɛ a mąą nu kɔ́lɔn ŋąą.

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Izikiɛ 43:24

Ə́ pa a diɛ, ə́ di laa həli Yai-Laa ɓa, ɉaláá laa həli nuą di kpolo kpɛ̨ŋɛ̨n diɛ, di di kulɔ a haláá Yai-Laa ɓa.

Markə 9:49

Mąąhɔlɔɓo, di kaa pai nu kəlee ɓɛlɛ ɓoi a nwɔ̨n.