Markə 9:25 - Yálá laawoo hɛɓɛ (dc)

²⁵ Jesus ə nu kpulu kaa diɛ pa mą, ə haŋą ɲįnɛ̨n tii ɓa, yɛ mą: «'Ɲįnɛ̨n! Yɛ́i ə kaa nokoloi ŋɛ̨i pulu, hva gɛ hvo hvaa, hvo mɛ̨nį mɛ̨n, gɛ́ ə həɠə bulu. 'Hvo kpɔ kɛa pənə hvo hvilɛn bulu.»

Yálá laawoo hɛɓɛ

²⁵ Jesus ə nu kpulu kaa diɛ pa mą, ə haŋą ɲįnɛ̨n tii ɓa, yɛ mą: «'Ɲįnɛ̨n! Yɛ́i ə kaa nokoloi ŋɛ̨i pulu, hva gɛ hvo hvaa, hvo mɛ̨nį mɛ̨n, gɛ́ ə həɠə bulu. 'Hvo kpɔ kɛa pənə hvo hvilɛn bulu.»

Bible

²⁵ Zîsɛ kɛ́ɛ a gàa a gɛ́ɛ gbɔŋ su a kɛ́ kɛ̂tɛi díkɔlɛi, è lòno nyînaŋ nyɔ́mɔɔi ma, ǹyɛɛi, “Yá nyînaŋ nyɔ́mɔɔ, ŋa m̀ó yâ, ye kúla ǹoloŋ ŋí pôlu, ífe wɔ́lɔ ŋɔ́nɔ lɛ̀ɣɛ la.”

Markə 9:25 Referans Kwoze

Gɛlaɠaa 16:18

Ə kɛli gɛ ti hvoló tamąą yee mu. Gɛ pələi ti, Polə líí ə holi, ə tinɛ̨n yɛ ɲinɛ̨n ti ɓa: «Gáá moi yɛ́, Jesus Kristə laa hu, 'həɠə nɛ̨ɛ̨nui ŋɛ̨i pulu.» Ɲąąɓa, ɲinɛ̨n ti ə nɛɛmą ə həɠə bulu.

Lukə 9:42

Yii kɛa nokoloi tii mąą ə kpuɔ Jesus ɓa, ɲįnɛ̨n ə nokoloi tii hu kpɛlin kpɔ a nwąną lɔɔ pələ. Kɛlaa, Jesus ə haŋą ɲįnɛ̨n tii ɓa a nwala-walaa, ə gbɛ nokoloi tii pulu, gɔlɔi ə pono, ə dɛɛ nąn bɔ.

Markə 9:15

Yii kɛa nu kpului tii ə Jesus kaa, di kəlee di kwəi ə pili diɛ. Di kpulun diɛ li naa kwiɛn ɉi.

Maafîu 17:18

Jesus ə haŋą vɛli-hvɛli ɲį́nɛ̨n tii ɓa, ə həɠə nokoloi tii pulu, gɔlɔi ə pono kpɔlɔɔ tii ŋąąɓa.

Zûu 1:9

Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

Lukə 11:14

Jesus ə muugbɛ ɲį́nɛ̨n da kpɛ hulɔnu ta pulu, yii kɛa ɲį́nɛ̨n tii ə həɠə ɉulɔnui pulu, ɉulɔnui tii yɛ kɛa hvaa. Nuą tii kəlee kwəi ə pili diɛ.

Lukə 8:29

Ɉulɔnui tii, ə kɛi mo tii, mąąhɔlɔɓo, Jesus ə haŋą ɲįnɛ̨n tii ɓa, əgɛ, ə həɠə ɉulɔnui tii pulu. Ɲįnɛ̨n tii, a ɉulɔnui tii kulɔ kɛ, a hvóló taɠaa, nuą da ɉon di ɲee yili, di gɔwɔ yili, kɛlaa, ə mą kɛ tii, a ɲili yɛli tee. Ɲįnɛ̨n tii ə kɛi ɉulɔnui tii həɠə yɛ li la ɲɛa lɔi pun ɉu.

Lukə 4:41

Ɲįnɛ̨nŋaa di kɛi həɠə ɲɔ̨n gɛ nuą tii taɠaa pulu, diɛ tómą, diɛ kɛ mą: «Ə́ kaa a Yálá Lon!» Kɛlaa, Jesus Kristə ə kɛi haŋą diɛ, yɛ kɛ diɛ: «Ka hvo hvaa!» Mąąhɔlɔɓo, di kɛ gɔlɔn diɛ: Jesus kaa a Nwun mąąɓomun Yálá ə naakwɛlanmo.

Lukə 4:35

Jesus ə haŋą kpɔ ɲį́nɛ̨n tii ɓa a nwanąąi, yɛ mą: «Ə́ laa pilɛ, ə́ həɠə nui ŋɛ̨i pulu!» Ɲinɛ̨n tii ə ɉulɔnui tii hu kpɛlin, ə doo nu kəlee ɲɛ̨i ɓa, kɛlaa, hvo nąą ta kɛ mą; ə həɠə bulu.

Zakari 3:2

Yai-Laa nwɔ malakai yɛ ɓilihi ɓa: «Yai-Laa ə nwumɛ̨ tɛ a yɛ́ ɓilihi; a tɛ̨ą, Yai-Laa ə ə́ laa kpulu, Ya ɓə Ɉerusalɛmə həɠə ɉu a nwɔɔ. Yii ɓaa a ɉulɔnui ŋɛ̨i nwɛi, hvo mɔ̨ɔ̨ yɛ kwɛi kpuwɔ kulaa nwɔ̨n ɲəi?»

Maafîu 12:22

Nąąlɔwai, di pa a nu ta Jesus pɔ ɲį́nɛ̨n yɛ ɓo bulu, ɲɛ̨i puɔ, yɛ ɓo a muugbɛ. Ə nui tii kɔ́lɔi pono, yɛ kɛɛ kaa, yɛ hvaa.

Markə 9:24

Ɲąąɓa, nokoloi tii nąn ə mo kpɔ a nwoo kɛnɛ̨ yɛ, mą: «Ŋą́ą́ laa na. Kɛlaa, hvo kɛli yá mą́ą́ kpɔnmąą ɓo nwɔ́ laa na laa hvo kɛnɛ̨ li.»

Markə 9:26

Ɲįnɛ̨n tii ə tómą, ə nokoloi tii hukpɛlin, ə həɠə bulu. Nokoloi tii ə too, ə kɛ yɛ nu a haa. Nuąi kɛ nąą kwɛlɛ, di kɛi kɛ diɛ: «Aa haa.»