Markə 9:24 - Yálá laawoo hɛɓɛ (dc)

²⁴ Ɲąąɓa, nokoloi tii nąn ə mo kpɔ a nwoo kɛnɛ̨ yɛ, mą: «Ŋą́ą́ laa na. Kɛlaa, hvo kɛli yá mą́ą́ kpɔnmąą ɓo nwɔ́ laa na laa hvo kɛnɛ̨ li.»

Yálá laawoo hɛɓɛ

²⁴ Ɲąąɓa, nokoloi tii nąn ə mo kpɔ a nwoo kɛnɛ̨ yɛ, mą: «Ŋą́ą́ laa na. Kɛlaa, hvo kɛli yá mą́ą́ kpɔnmąą ɓo nwɔ́ laa na laa hvo kɛnɛ̨ li.»

Bible

²⁴ Ǹaa ŋáa ma, ǹôloŋ ǹâŋ è làɣi a wɔ́lɔ, ǹyɛɛ m̀ai, “Ŋa láa la, kpɔŋ mâ, berei máŋ ŋálaa-lai láa fé fɛ́ɛ ní lai!”

Markə 9:24 Referans Kwoze

Lukə 17:5

Jesus nwɔ kɛlaɠaa tii di mo Ną́mu Jesus ɓa, diɛ mą: «Kuɔ laa na laa ta pɛlɛ mą.»

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Ifisiɛŋ 2:8

Mąąhɔlɔɓo, ká ɓaloɔi laa na laa háálai, a mɛ̨inɛ̨ɛ̨, ká hvo kɛ mɛ̨nį ta kɛ li ɉu, Yálá yəi mɛ̨inɛ̨ɛ̨ li.

Tɛsalonikə veelɛ 1:11

Mɛ̨nįi kwa kɛ Yálá hvɛlii la káá a yələ kəlee, yaa li, ə gɛ, kuɔ Yálá ə ká kaa a nuąi di mąą mɛ̨nį pɛliɛ, dəli ɓoi ə naa həli káá, ɉu; ɛlɛɛ, ŋą huwalawalalaa háálai, ká yee ə pɛli niiɓa mɛ̨nį lɛlɛɛɠaa kɛi, ɛlɛɛ, ká wɔɔ laa na laa bɔ túwɔ́ ə kɛ mą

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Mąątɛ̨nɛ̨ 126:5

Nui a kɛɛhin ɲɛ̨iya hu, a mɔ̨nun dee yɛ́lɛ!

Korɛntə veelɛ 2:4

Yili ɓə gɛ, gɛ́ hɛɓɛ́ pɛ̨ɛ̨, gɛ́ dɛɛ káá, mɔ̨nɔ̨ kɛnɛ̨ hu da liikələn gwəi da wɔlɔ kpɔ-kpɔɔ; və́ gɛ tii, ká liiɲąnwąną mɛ̨nį ɓa, kɛlaa, ə gɛ, nwɛlikɛmąąlaa kɛnɛ̨i gwə́i, yɛ hvilɛn na káá, káá pɛli gɔlɔn ɉii.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Timote veelɛ 1:4

Ŋą́ gíliɲąhiɛ ŋą́ vilɛn, mą́ą́ wɔlɔi ə́ kɛli mo, mą, ŋą́ kɛ lɔ bɔ ŋą́ ɲɛ̨́i tɔɔ yɛ́, ə gɛ, nwɔ́ɔ́ kwəinɛ̨ɛ̨i laa ə kulɔ.

Lukə 7:44

Yili pulu, Jesus ə tinɛ̨n, ə ɲɛ̨i hee nɛ̨ɛ̨nui tii ɓa, yɛ Simɔn ɓa: «Ə́ kaa nɛ̨ɛ̨nui ŋɛ̨i kaai, ŋą́ą́ pa ə́ yəi bɛlɛ́n, hvo mo li di hvo paa a ya, və́ gɔ́wɔ́ mąą waa. Kɛlaa, nɛ̨ɛ̨nui ŋɛ̨i, aa gɔ́wɔ́ mąą waa a ɲɛ̨iya, ə lɛɛ, aa gɔ́wɔ́ mąątí a nwun-nəɠa.

Lukə 7:38

Ə lɔ, ə hee la Jesus kɔ́wɔ kwɛlɛ. Yɛ wɔlɔ, ə lɛɛ, yɛ ɲɛ̨iya pu Jesus kɔ́wɔ mɛ̨i, yɛ Jesus kɔ́wɔ mąąkələ a nwun-nəɠa. Yili pulu, ə Jesus kɔ́wɔ mąątí a nwulɔ kun nɛ̨ɛ̨ tii.

Mąątɛ̨nɛ̨ 39:12

Yá nu hutɔɔ a gɛ nɛ̨ŋɛ̨n naa pɔɔ, hɛn nwɛli kaa mą, yá nɛɛ a vowolo! A tɛ̨ą, nu kan nwɔ yɛnɛ̨ɛ̨ kaa ə́ ɲɛ̨i ɓa a hvąŋą!

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Hebreu 12:17

Mąąhɔlɔɓo, káá kpinįi ká gbaɠala kɔlɔn káá, ɉu kwɛa kɛa, ɓɛlɔwai ə kɛ la bɔ, di lúwó too mą, naa hvo mun kɛa laa ɉu, ɛlɛɛ, yili mąą hvo pɛli hvalin ɉii, bələi mąn ə ɉuhvɛli la a ɲɛ̨iyá wɔlɔ, hvo ɉɔlɔɓo.

Gɛlaɠaa 10:19

Piɛrə nwɛi ə kɛli lɔ ni giliŋąhiɛ gɛɛ ti ə gaa mą, Kili-Mąąhəɠɛɛ yɛ mą: «'Ə́ wəli tɔɔ, nu hveelɛ daa pa ɓɛ bɛlɛ́ laaləi, diɛ ə́ kwɛli.

Markə 9:23

Jesus yɛ mą: «Ə kaa kɛi mą́ą́: ‹Akɛ yá pɛli mą.› Nui laa na laa kaa ɲei, mɛ̨nį kəlee a pɛli kɛi ɲɛ̨i.»

Markə 9:25

Jesus ə nu kpulu kaa diɛ pa mą, ə haŋą ɲįnɛ̨n tii ɓa, yɛ mą: «'Ɲįnɛ̨n! Yɛ́i ə kaa nokoloi ŋɛ̨i pulu, hva gɛ hvo hvaa, hvo mɛ̨nį mɛ̨n, gɛ́ ə həɠə bulu. 'Hvo kpɔ kɛa pənə hvo hvilɛn bulu.»