Markə 9:23 - Yálá laawoo hɛɓɛ (dc)

²³ Jesus yɛ mą: «Ə kaa kɛi mą́ą́: ‹Akɛ yá pɛli mą.› Nui laa na laa kaa ɲei, mɛ̨nį kəlee a pɛli kɛi ɲɛ̨i.»

Yálá laawoo hɛɓɛ

²³ Jesus yɛ mą: «Ə kaa kɛi mą́ą́: ‹Akɛ yá pɛli mą.› Nui laa na laa kaa ɲei, mɛ̨nį kəlee a pɛli kɛi ɲɛ̨i.»

Bible

²³ Zîsɛ è m̀o ma, “À kɛ̀ yá kpîŋ yâ pɔ̂ri! Mɛni kélee ŋ̀aa-see a kɛ̀ laa-la nuu yêei a ǹɛ́lɛɛ.”

Markə 9:23 Referans Kwoze

Ɉaan 11:40

Jesus yɛ mą: «Martə, kɛlɛi ŋį́ kɛ yɛ a kɛ ya laa ná ya Yálá nwɔ mąąwiɛ ka?»

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Markə 11:23

A tɛ̨ą kpɔ-kpɔ gáá moi kaa, akɛ ka ta a kɛ ɲee ɲɛ̨i ɓa: ‹Həɠə ɓɛ ə pili gboloyá hu›, a wala ɲinɛn-ɲinɛn, kɛlaa, naa na yɛ diɛ, mɛ̨nį tii gaa moi gaa pai kɛi tii; a kɛ kpɔlɔɔ tii ɲəi.

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Lukə 17:6

Ną́mu ə di woo pulu pənə yɛ diɛ: «Akɛ kɛ, ka wɔ laa na laa a kɛ kpɛli yɛ gbɔ kɔ́w, ka pɛli kaa nwului ŋɛ̨i ɓa: ‹Kulɔ ɓɛ, ə́ li, ə́ tɔɔ gboloyá hu!› A gɛ kpɔlɔɔ yɛ pələi tii ka mo la.»

Gɛlaɠaa 14:9

Ɉulɔnui ti ə nwəli tɔɔ kpɔ Polə woo ɓa a nɛlɛ. Polə ə gaa yɛ diɛ laa na laa kaa ɲei, yɛ pɛli gɔlɔi ponoi.

Markə 9:22

Hvoló tamąą, ɲinɛn ŋɛ̨i a kɛ nokoloi ŋɛ̨i pili yai, da a gɛ, yɛ bili nwɔ̨n ɉu, yɛ kɛ ə baa. Kɛlaa, ku ɲɛ̨i mąą wɛli kaa, ə kpɔnmąą tɛɛ ku pɔ; akɛ yá pɛli mą.»

Markə 9:24

Ɲąąɓa, nokoloi tii nąn ə mo kpɔ a nwoo kɛnɛ̨ yɛ, mą: «Ŋą́ą́ laa na. Kɛlaa, hvo kɛli yá mą́ą́ kpɔnmąą ɓo nwɔ́ laa na laa hvo kɛnɛ̨ li.»

Maafîu 14:29

Jesus yɛ mą: «'Pa!» Piɛrə ə kulɔ gələn ɉu, yɛ li Jesus pɔ ɲa ŋą.