Markə 9:20 - Yálá laawoo hɛɓɛ (dc)

²⁰ Di paa la bɔ. Yii lɔ ɲinɛ̨n tii ə Jesus kaa, ə nokoloi tii hu kpɛli gbɔ kɛnɛ̨, ə doo nɔi ɓa, yɛ giliɠilin, nɛaya hvili yɛ tɛ.

Yálá laawoo hɛɓɛ

²⁰ Di paa la bɔ. Yii lɔ ɲinɛ̨n tii ə Jesus kaa, ə nokoloi tii hu kpɛli gbɔ kɛnɛ̨, ə doo nɔi ɓa, yɛ giliɠilin, nɛaya hvili yɛ tɛ.

Bible

²⁰ Dí pà a zurɔ̂ŋ-looi bɔ́. Nyînaŋ nyɔ́mɔɔi kɛ́ɛ a Zîsɛ káai, è zurɔ̂ŋ-looi tùmo-tumo, é doo ǹɔii ma, gɛ kiliŋ, ǹá-ya file-file kɛ́ tɔ̀ɔ ǹá.

Markə 9:20 Referans Kwoze

Markə 1:26

Ɲinɛ̨n ə ɉulɔnu tii too nɔi ɓa, ə gɔnwɔ kpɔ kɛnɛ̨.

Lukə 4:35

Jesus ə haŋą kpɔ ɲį́nɛ̨n tii ɓa a nwanąąi, yɛ mą: «Ə́ laa pilɛ, ə́ həɠə nui ŋɛ̨i pulu!» Ɲinɛ̨n tii ə ɉulɔnui tii hu kpɛlin, ə doo nu kəlee ɲɛ̨i ɓa, kɛlaa, hvo nąą ta kɛ mą; ə həɠə bulu.

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Lukə 9:42

Yii kɛa nokoloi tii mąą ə kpuɔ Jesus ɓa, ɲįnɛ̨n ə nokoloi tii hu kpɛlin kpɔ a nwąną lɔɔ pələ. Kɛlaa, Jesus ə haŋą ɲįnɛ̨n tii ɓa a nwala-walaa, ə gbɛ nokoloi tii pulu, gɔlɔi ə pono, ə dɛɛ nąn bɔ.

Lukə 8:29

Ɉulɔnui tii, ə kɛi mo tii, mąąhɔlɔɓo, Jesus ə haŋą ɲįnɛ̨n tii ɓa, əgɛ, ə həɠə ɉulɔnui tii pulu. Ɲįnɛ̨n tii, a ɉulɔnui tii kulɔ kɛ, a hvóló taɠaa, nuą da ɉon di ɲee yili, di gɔwɔ yili, kɛlaa, ə mą kɛ tii, a ɲili yɛli tee. Ɲįnɛ̨n tii ə kɛi ɉulɔnui tii həɠə yɛ li la ɲɛa lɔi pun ɉu.

Markə 9:26

Ɲįnɛ̨n tii ə tómą, ə nokoloi tii hukpɛlin, ə həɠə bulu. Nokoloi tii ə too, ə kɛ yɛ nu a haa. Nuąi kɛ nąą kwɛlɛ, di kɛi kɛ diɛ: «Aa haa.»

Markə 9:18

Ɓɛi lɔpee ɲinɛ̨n tii a ɉon naa, a doo nɔi ɓa, yɛ ɲį́n ɲą mį́i, ə nwalawala gɔw ɓa, yɛ nɛaya hvili-hvili tɛ. Ŋą́ą́ nɛ̨ɛ̨mąą hvə ə́ wɔ kalan nɛai diɛ, gɛ́ di gbɛ bulu. Kɛlaa, di hvo pɛli gbɛi.»

Markə 9:19

Jesus ə mo nu kpului tii ɓa, yɛ diɛ: «Nu huwu ɲɔ̨nwɔ̨ɔ̨ɠaa ɓaa kaa, laa na laa hvo ka yei. Akɛti, hvo kɛli gwa lɛɛ gu kee ɓa hąą mįnɛ̨ lɔwai, ə gɛ, kaa pɛli mɛ̨nįɠaa ɲɛ̨i kɛi? Akɛti, hvo kɛli ŋą níí kpələ ka mu hąą mįnɛ̨ lɔwai? Ka pa a nokoloi tii bɔ́.»

Markə 9:21

Jesus ə nokoloi tii nąn mąąni kɛ yɛ, mą: «Kwɛlan ɲɛli ɓə ɲɔ̨n ŋɛ̨i aa gɛ mą?» Nokoloi nąn ə nwoo pulu pənə, yɛ mą: «Ə gɔwɔ tɔɔ mą kpɔɔ a nokolo yələ.

Lukə 9:39

Ɲįnɛ̨n tii a kɛ dooi, yɛ tómą, yili pulu, yɛ ɉu kpɛlin gbɔ a nwala-walaa, ɲɛa-ya hvili yɛ tɔɔ, a nąą nɔ̨nwɔ̨ ɓo kpɔ a mɔlɔɔ, hva tee mą lɔ tii ɉa.