Markə 9:1 - Yálá laawoo hɛɓɛ (dc)

¹ Jesus yɛ nwɔ̨nɔ̨ diɛ: «A tɛ̨ą kpɔ-kpɔ gáá moi kaa, nu taɠaa kaa ɓɛ di hvo pai haai, ə lɛɛ la ɉu, di Yálá nwɔ tɔɔlaai kaa yɛ pa a huwalawala.»

Yálá laawoo hɛɓɛ

¹ Jesus yɛ nwɔ̨nɔ̨ diɛ: «A tɛ̨ą kpɔ-kpɔ gáá moi kaa, nu taɠaa kaa ɓɛ di hvo pai haai, ə lɛɛ la ɉu, di Yálá nwɔ tɔɔlaai kaa yɛ pa a huwalawala.»

Bible

¹ Nya ƃe è m̀o dîa, ǹyɛɛi, “Tɔ̃yâ ma, ŋá m̀ó kâa, núu da-ni díkaa tɔɔ ní ƃɛ́, dífe pâi saâi dí lɛ́ɛ la zu dí Ɣâla ŋɔkâloŋ-laai káa é pá, wála-wala-laa kɛ́ ƃò bôlu.”

Markə 9:1 Referans Kwoze

Lukə 9:27

Gáá tɛ̨ą ɓoi kaa, nu taɠaa kaa ɓɛ ka lɔwai, di hvo pai haai, ə lɛɛ la ɉu di Yálá-taa tɔɔlaa kaa.»

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Markə 13:30

Gáá tɛ̨ą ɓoi kaa, háákələi nuą ŋɛ̨i di hvo pai haai di hvo kpɛɛ, akɛ mɛ̨nįɠaa tii di hvo ni kɛ li.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Lukə 22:18

Mąąhɔlɔɓo, gáá moi kaa, ə́ həɠə yiihu ɓa, və́ kɛa pai nɔɔ taaləi ŋɛ̨i ta kpələi, ə lɛɛ la ɉu, Yálá nwɔ tɔɔlaai ə pa.»

Lukə 2:26

Yálá ə gbɛa giliŋą pono yɛ mą: «Hvo pai haai hvo kɛli ya ə́ ɲɛ̨i tɔɔ Israɛlə Nwun mąąɓomun ma, yai Ną́mu Yálá ə dɔɔ.»

Markə 13:26

Nąąlɔwai, nuą da Nu Lon kaa kɛa ɉiɛ tulɔ kpiliɠilin mɛ̨i huwalawala kɛnɛ̨ da mąąwiɛ kɛnɛ̨ hu.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Ɉaan 21:23

Nwoo tii ɓə galan nɛa di daɠa-taɠa di kee lɔwai, diɛ kɛ mą: Jesus yɛ galan non tii hvo pai haai. Yaan, hvo kɛ kɛ li Piɛrə ɓa: «Galan non tii hvo pai haai.» Kɛlaa, yaamun, ə kɛ mą: «Akɛ ŋą́ kɛ bɔ ə lɛɛ yɛnɛ̨ɛ̨ ə lɛɛ ɉu ŋį́ pənə ŋį́ pa, ə́ wɔ lə mɛ̨nį ɓə ɉu?»