Markə 8:2 - Yálá laawoo hɛɓɛ (dc)

² Nuą ŋɛ̨i di ŋɛ̨imąąwɛli aa ɉón. Mąąhɔlɔɓo, daa hvóló haaɓa kɛ bɔ́ di hvo nii kɔ̨nɔ̨n mį́i li.

Yálá laawoo hɛɓɛ

² Nuą ŋɛ̨i di ŋɛ̨imąąwɛli aa ɉón. Mąąhɔlɔɓo, daa hvóló haaɓa kɛ bɔ́ di hvo nii kɔ̨nɔ̨n mį́i li.

Bible

² “Gbɔŋ malôŋ káa ŋ́gɛ̂i, kpɛ́ni fêi, da gɛ́ ḿbôlu a ɣele kûu saaƃa, mii-sɛŋ fé naa a gɛ́ɛ dí m̀ii.

Markə 8:2 Referans Kwoze

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Mise 7:19

Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Mąątɛ̨nɛ̨ 145:15

Di kəlee di ɲɛ̨i kpɔnŋąąi lɔ yɛ́, di kilitɔɔ yɛ́, yáán, yá di kɔ̨nɔ̨n dɛɛ di pɔ a ɲələ.

Mąątɛ̨nɛ̨ 103:13

Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Hebreu 5:2

Ɉaláá laa həli mun gbinįi tii, vįikpɛɛi, a pɛli mą, nuąi di tɛɠii, nuąi da lan di mąą mɛ̨nį kpaɠala kaai,

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Lukə 15:20

Yili pulu, ə muhəɠə, ə pənə yɛ li nąn bɔ. «Gɛɛ nii kwɛaa la, nąn ə gaa, mąąwɛli ə ɉon gbɔ kɛnɛ̨. Ə gilɛ həɠə yɛ li non naakwiɛn ɉii; ə nɛ̨nɛ̨ɓo, ə wolo mą.

Lukə 7:13

Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Markə 9:22

Hvoló tamąą, ɲinɛn ŋɛ̨i a kɛ nokoloi ŋɛ̨i pili yai, da a gɛ, yɛ bili nwɔ̨n ɉu, yɛ kɛ ə baa. Kɛlaa, ku ɲɛ̨i mąą wɛli kaa, ə kpɔnmąą tɛɛ ku pɔ; akɛ yá pɛli mą.»

Markə 6:34

Ɓɛlɔwai Jesus ə kulɔ la gələn ɉu, ə nu kpulu kɛnɛ̨i tii kaa, di ɲɛ̨imąąwɛli ə ɉon. Mąąhɔlɔɓo, di kɛ pələ ə kɛɛ yɛ ɓɛlaa kpulu yii mɛ̨i kaa mun və mą. Ə di kalan a mɛ̨nį tamąą.

Markə 5:19

Jesus hvo hvaa mą. Kɛlaa, ə kɛ mą: «'Pənə ə́ li ə́ pɔɔli. Mɛ̨nį ŋɛ̨i Yálá aa gɛ yɛ́, ə́ ɉukulɔ ə́ yei bɛlɛ́n nuą diɛ.»

Markə 1:41

Ɲɛ̨i mąąwɛli ə Jesus hon; ə ɲee pɛlɛ mą; yɛ mą: «Ŋą́ą́ hvaa mą; ə́ kɔ́lɔi ə́ pono, ə́ mąą ə həɠə.»

Maafîu 20:34

Di mąąwɛli ə Jesus hon, ə ɲee pɛlɛ di ɲɛ̨i, ɲąąɓa di ɲɛ̨i ə hvoloon diɛ kɛɛ kaa.

Maafîu 14:14

Di kulaa gələn ɉu Jesus ə nu kpulu kɛnɛ̨i tii kaa di ɲɛ̨imąąwɛli ə Ɉon; ɲɔ̨n gɛ nuąi di paa a diɛ, ə gəlee kɔ́lɔi pono.

Mąątɛ̨nɛ̨ 145:8

Yai-Laa kili lɛlɛɛ gwəi, Níi nɛ̨ɛ̨ gwəi, hva nii holi ɉá, wɛlikɛmąą kili lɔ ɓə gwəi.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Markə 6:32

Di kulɔ nuą lɔwai di tɛ di hee gələn ɉu.

Markə 8:3

Akɛ ŋą di lɛɛ a pulu diɛ li di pɔ taaɠaai ɓa, daɠaa kaa pai kpɔlɔɔn ɉi a pulu bələ pɔ. Mąąhɔlɔɓo, daɠaa kaa di lɔwai, di pɔ taaɠaai kwɛaa.

Tɔɔɓɛlaa dɔlɔɔ 19:6

Eli ə muhəɠə, ə nwun dɔwɔ kaa, ə nwɔ̨mįi kaa laani, mɔ̨n ŋąą kwɛni hulaa mɛ̨i, ya heɛ gwɛlɛ. Eli ə kɔ̨nɔ̨n mįi, ə gbələ, ə pənə ə laa.