Markə 8:13 - Yálá laawoo hɛɓɛ (dc)

¹³ Yili pulu, ə həɠə laa ə tɛ gələn ɉu ə ɲá teen ɲá pulu pələ.

Yálá laawoo hɛɓɛ

¹³ Yili pulu, ə həɠə laa ə tɛ gələn ɉu ə ɲá teen ɲá pulu pələ.

Bible

¹³ Zîsɛ è kùla ŋɔ́nɔ díkɔlɛ, é píli géleŋ su é lí ǹyái pôlu.

Markə 8:13 Referans Kwoze

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Ɉaan 12:36

Ɓɛlɔwai kɛɛ pono kaa ni la ka pɔ, ka laa kɛɛ pono la, ə gɛ, ka kɛ a kɛɛ pono lonni.» Jesus ə kpɛɛ lɔ a nwooɠaa tii ɓoɔ, ə kulɔ di lɔwai ə now diɛ.

Ɉaan 8:21

Jesus ə mo nwɔ̨nɔ̨ diɛ, yɛ diɛ: «Gáá lii, ka káá pai gwɛ́lii, kɛlaa, ka káá pai haai ka kɛ nɛ̨ŋɛ̨n ɉu. Ɓɛi gáá lii laa, ka hva pɛli lii laa.»

Lukə 8:37

Nąąlɔwai, Ɉeraseni lɔi hu nuą kəlee di mo Jesus ɓa, diɛ mą: «Həɠə ɓɛ kuɔ lɔi hu.» Mąąhɔlɔɓo, nuą tii di ɲɔw kpɔ kɛnɛ̨. Jesus ə pənə ə tɛ gələn ɉu, yɛ li.

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Maafîu 7:6

«Ka hvo hɛn mąąhəɠɛɛ tɛɛ yilɛɠaa pɔ, ə gɛ, di hvo pa tinɛ̨n di hvo wolo kaa. Ka hvo ka wɔ hɛniɠaai pu ɓoiɠaa kɔ́wɔ mu, ə gɛ, di hvo pa dan a di kɔ́wɔ, di hvo mąąliɓi.»

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Osia 4:17

Ɛfraimə da haliɠaa daa too di kee pɔ, 'ka nɛɛ lɔ laa.

Ɉeremi 23:33

«Nuąi tii, a wala kɛ tii Yálá kwəi mɛ̨nį hukulɔ nuąi tii ta, a wala kɛ tii, ɉaláá laa həli mun da, a ə́ mąąni kɛ, yɛ kɛ yɛ́: ‹Yai-Laa nwɔ wɛlɛɛi ɓaa lə, nwɔ tiɛ̨ ləi kpɔ ɓə gaa naai ku nwuɔ̨?› Ya kɛ diɛ: ‹Kaa ɓə ɓaa a diɛ̨i tii ɛlɛɛ, gáá pai ka pilii.› Yai-Laa woo li!

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Markə 8:12

Jesus ə nįį tɛ ə doo kpɔ a ɉu kwɛaa, yɛ diɛ: «Lə mɛ̨nį ɓa háákələi nuą diɛ ŋį́ kpalo mɛ̨nį ta kɛ di gaa? Gáá tɛ̨ą ɓoi kaa, kpalo mɛ̨nį ta lɔpee hva pɛli kɛi di ɲɛ̨i ɓa.»

Markə 8:14

Jesus nwɔ kalan nɛai di lɛ̨ą di hvo kɔ̨nɔ̨n ɉəɠə, lɛɠɛ tɔ̨nɔ̨ lɔ ɓə kɛ di yəi gələn ɉu.

Gɛlaɠaa 27:2

Ku tɛ Adramitiumə kələn da ɉu, yɛ li Asi lɔi gbonwo ɓa pələ, ku bələ hon gɛa. Masedoanə mun da ə kɛ ku pɔ, naa ɓaa: Aristarkə, bɔ taai ɓaa Tesalonikə.