Markə 6:52 - Yálá laawoo hɛɓɛ (dc)

⁵² Mąąhɔlɔɓo, gbalo mɛ̨nįi Jesus ə gɛ nɛɠɛ mɛ̨nį hu, di hvo gbaɠala kaa. Di wɔ mɛ̨nį kɔ́lɔn ŋąą hvo kɛ kɛnɛ̨ li di hvo gbaɠala kaa.

Yálá laawoo hɛɓɛ

⁵² Mąąhɔlɔɓo, gbalo mɛ̨nįi Jesus ə gɛ nɛɠɛ mɛ̨nį hu, di hvo gbaɠala kaa. Di wɔ mɛ̨nį kɔ́lɔn ŋąą hvo kɛ kɛnɛ̨ li di hvo gbaɠala kaa.

Bible

⁵² kpɛ́ni fêi, dífe táre ní gbólo kpâlai mɛni su.

Markə 6:52 Referans Kwoze

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Azaya 63:17

Yai-Laa, lə ɓə kɛ yaai, ya ku lɛɛ laa, kuɔ lia li ku nwun mą? Kuɔ ku mąą kwɛa ə́ wɔ pələɠaai diɛ? Ɛlɛɛ yɛ́ ku kili wala wala, hva mą kɛa ɲɔw yɛ́? Ə́ wɔ tínuąi mąą mɛ̨nį ɓa, 'pənə ə́ pa, nu kanŋaai a ə́ pɔɔ, 'pa di mąą mɛ̨nį ɓa.

Markə 16:14

Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Lomaŋ 11:7

Gwa pɛli kɛi lə? Mɛ̨nį Israɛlə lonnii di kɛi gwɛli, di hvo ɉɔlɔɓo li. Kɛlaa, nuąi ə di həɠə ɉui, daa ɉɔlɔɓo. Nuą yiiɠaa ti di hvo mɛ̨nį ti kpa Yálá kaa li.

Markə 7:18

Ə mo diɛ yɛ diɛ: «Akɛti, ka hva pɛli mɛ̨nį kpaɠala kaai? Ka hvo gɔlɔn kaa hɛn ɲii nu a nɔ na hva gɔhɔɓo!

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»