Markə 5:15 - Yálá laawoo hɛɓɛ (dc)

¹⁵ Nuą tii pa, di həli Jesus ɓa, nui tii ɲinɛ̨nŋąą di kɛ bulu, di gaa heeni, həɠə yɛ ɓo gwaną, kili lɛlɛɛ yɛ ɓo mą, ɲɛ̨i laɠiɛ. Nuą tii kəlee di ɲɔ̨w.

Yálá laawoo hɛɓɛ

¹⁵ Nuą tii pa, di həli Jesus ɓa, nui tii ɲinɛ̨nŋąą di kɛ bulu, di gaa heeni, həɠə yɛ ɓo gwaną, kili lɛlɛɛ yɛ ɓo mą, ɲɛ̨i laɠiɛ. Nuą tii kəlee di ɲɔ̨w.

Bible

¹⁵ Nya ƃe dí pà Zîsɛ pɔ́, dí ǹalôŋ káa ǹyînaŋ nyɔ́mɔɔi è kɛ̀ bôlui. È kɛ̀ seêni, m̀aa ɣiriɛ, gíli ŋá ponoɔɔ. Dí yào kpɔ́ a ŋ̀ánaa.

Markə 5:15 Referans Kwoze

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Lukə 8:27

Jesus kɛɛ kulɔi gələn ɉu, yɛ hvilɛn nɔi ɓa; daai tii hu hulɔnu ta, ə kpuluun yɛ pa Jesus pɔ. Ɉulɔnui tii, ɲį́nɛ̨n ɲɔ̨nwɔ̨ɔ̨ tamąą di kɛ bulu. Ə kɛ a kwɛlan damąą ɉulɔnui tii hvo kɛi həɠə too gwąną, hvo kpɛli kɛi yii pɛlɛ́n, ə kɛi yii kámą woloɠaa hu.

Markə 5:9

Jesus ə ɲinɛ̨n tii mąąni kɛ yɛ mą: «'Ə́ laa ɓa a gbɛɛ?» Ɲinɛ̨n tii yɛ Jesus ɓa: «Náá ɓa a ‹Kpulu›, mąąhɔlɔɓo, ku tamąąi.»

Lukə 10:39

Martə nəɠə nɛ̨ɛ̨nu ta ə kɛ laa, diɛ kɛ nąą ɓa Mari, ə pa ə hee Ną́mu Jesus kɔ́wɔ mu, nwəli tɔɔ nwɔ kalan gɛ woo ɓa.

Samuɛlə dɔlɔɔ 16:4

Pələi Yai-Laa ə mo la, Samuɛlə ə gɛ tii. Həlii ə mo Bɛtleɛmə, daa kalanɉonŋaa di gaa, di həɠə diɛ li naakwiɛn ɉii, di mąą yɛ kpɛlin, di mąąnin gɛ, diɛ mą: «Mɛ̨nį lɛlɛɛ ɓə ə́ kaa pai la?»

Mąątɛ̨nɛ̨ 14:5

Ɓɛ kaa li, daa lɛɛ lɔ di kpɔwɔ ɓa, diɛ kpɛlin, mąąhɔlɔɓo, Yálá tɔɔi tələnmo nuą di wɔ kɔlaɠai pulu.

Zôo 13:11

Yálá nwɔ kɛnɛ̨ laa hva mɔ̨ɔ̨ ka mąą ɲɔw? Nwɔ liiholi hvo pai mɔ̨ɔ̨ tooi kɛa mɛ̨i?

Kɔlɔnikɔ Maa-ŋuŋ 15:13

Gɔwɔ tɔɔi lɔwai ka hvo kɛ ɓɛ, yili ɓə gɛ Yai-Laa gu wɔ Yálái ə haa too ku lɔwai. Mąąhɔlɔɓo ku hvo kɛ hvilɛn ni nwoo pulu.

Markə 5:18

Ɓɛlɔwai kɛa Jesus ə tɛ la gələn ɉu, ɉulɔnu ŋɛ̨i ə ɲinɛ̨nŋąą kpɛ bulu, yili ə nɛ̨ɛ̨mąą hvə mą, ə gɛ, ə lɛɛ bɔ da yaa də li.

Markə 5:16

Ɉulɔnu tii ɲinɛ̨nŋąą di kɛ bulu, pələi di həɠə la bulu, da pələi moiɠaa tii mąą mɛ̨nį ə kɛ la; nuąi mɛ̨nįɠaa tii kəlee nąą kaa, də li diɛ ɉukulɔ.

Markə 5:4

Mąąhɔlɔɓo, hvóló tamąą, da ɲili kɛ a kwɛli yɛli da yɔwɔnŋąą, kɛlaa, ə mą kɛ tii, a gwɛli yɛli da ɲɔ̨wɔnŋąą tii hu tee ə kulɔ ɲili hu. Nu ta lɔpee hvo kɛi pɛli golohoɓoi.

Maafîu 12:29

Nu ya pɛli ə huwalawala mun yəi hɛnŋąą həɠə pələ kɛ ləi ɲəi, akɛ hvo ɲili li hvo naa, yili pulu, yɛ tɛɠa pa gwɛlin ɉəɠəi a ə́ wɔ!

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Maafîu 9:33

Jesus ə ɲį́nɛ̨n tii kpɛ. Ɉulɔnui tii yɛ kɛa hvaa. Nu kpului tii kəlee kwəi ə pili diɛ, diɛ kɛ: «Ee! Ku hvo ta yii mąą mɛ̨nį ɲɔ̨nwɔ̨mą da kaa li, Israɛlə lɔi hu.»

Kɔlɔnikɔ Maa-ŋuŋ 13:12

Mąą yələi tii, Davidə ə ɲɔw Yálá ɓa; yɛ kɛ diɛ: «Ŋą́ pai tɛɛ pələ kɛi ləi, gɛ́ Yálá nwɔ mįnɛ̨ kəhi lɔ ɲə́i bɛlɛn?»

Maafîu 26:53

Hvo gɔlɔn yɛ diɛ, ŋą pɛli kɛ ŋį́ Ną́n Yálá hvɛli ə malaka kpulu kɛnɛ̨ tɛɛ di mą́ą́ kɔ́nwɔ̨?

Markə 5:14

Nuą tii kɛi moiɠaa mąąkpɛ, di tɛɛ a gilɛ, də li di mɛ̨nį tii hukulɔ taai, ə mą kɛ ɲii yɛa kələ laɠaa ɓa, ɓɛi nuą di kɛi taatɛlɛɛɠa tɔɔlaai. Nu kpulu ə pa nąą kaa mɛ̨nį ɓa.