Markə 4:34 - Yálá laawoo hɛɓɛ (dc)

³⁴ Hvo kɛi mɛ̨nį ta ɓo diɛ kpɛli-kpɛli akɛ hvo hanwon ɉɔɔ li. Kɛlaa, da kɛ kɛa di tɔ̨nɔ̨ kɛɛnąą da nwɔ kalan nɛai, a gəlee mukulɔ diɛ.

Yálá laawoo hɛɓɛ

³⁴ Hvo kɛi mɛ̨nį ta ɓo diɛ kpɛli-kpɛli akɛ hvo hanwon ɉɔɔ li. Kɛlaa, da kɛ kɛa di tɔ̨nɔ̨ kɛɛnąą da nwɔ kalan nɛai, a gəlee mukulɔ diɛ.

Bible

³⁴ Vé ɣâla-woo ƃó ní dîa sáŋ-woo ŋɛ́i pôlu. Kɛ́lɛ, è m̀ɛnii kélee ŋáa lɛ̀ ŋɔpôlu-ƃelai dîa da dia-ní dítee-tee kwaa ma.

Markə 4:34 Referans Kwoze

Ɉaan 16:25

«Ŋą́ mɛ̨nįɠaai tii kəlee ɓo kaa hanwon ɉu, kɛlaa, lɔwai ta kaa pai ɉəlii, və́ pai kɛa mɛ̨nį ɓoi kaa tii. Kɛlaa, yii hvilɛn na Ną́n mąą mɛ̨nį ɓa, ŋą́ mo kaa a ɉuponoɔ.

Markə 4:10

Ɓɛlɔwai kɛa Jesus da nwɔ kalan nɛa pow kɔ́w hveelɛ di kɛ la di tɔ̨nɔ̨ kɛɛnąą da nu taɠaa, galan nɛa di mąąni kɛ diɛ mą: Ɉanwon ŋɛ̨i ə ɉɔɔ mukulaa ɓa a lə?

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Maafîu 13:34

Jesus ə kɛi lɔ mɛ̨nį ɓo nu kpului tii ɓa a hanwon; hvo kɛi mɛ̨nį lɔpee ta ɓo diɛ, akɛ hvo hanwon Ɉɔɔ li.

Markə 4:33

Pələ ɓə Jesus ə kɛi nuą kalan na hanwon ɉu, yɛ pələi yii ŋɛ̨i kaa la. Ə kɛi ɉanwonŋąą tii hɔɔ yɛ bɛli nwoo mɛ̨n nuą di wɔ mɛ̨nį kpaɠala kaa kɛ pələ kaa la.

Ɉaan 10:6

Jesus ə Ɉanwon tii hɔɔ diɛ, kɛlaa, di hvo mukulaa kɔ́lɔn.

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.