Markə 4:17 - Yálá laawoo hɛɓɛ (dc)

¹⁷ Kɛlaa, di hva nɛɛ laa nwoo tii hvo ɉeei kaa di lii hu. Da di yee hee lɔ mu a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ Yálá laawoo mąą mɛ̨nį ɓa, da lənə Yálá mąą mɛ̨nį ɓa.

Yálá laawoo hɛɓɛ

¹⁷ Kɛlaa, di hva nɛɛ laa nwoo tii hvo ɉeei kaa di lii hu. Da di yee hee lɔ mu a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ Yálá laawoo mąą mɛ̨nį ɓa, da lənə Yálá mąą mɛ̨nį ɓa.

Bible

¹⁷ kɛ́lɛ, va lɛ̀ɛ díkili ŋá. Mɛni kpɔ̂lu loŋ da a làa nɔ́ dîa kpaa máŋ nûa da kpɔara mɛni ŋ̀óoi mɛni ma, da díyee kùla mɛni su a m̀aa félaa.

Markə 4:17 Referans Kwoze

Maafîu 11:6

Nui hvo pai laa na laa pələ lɛɛi, ɲą́ą́ mą́ą́ mɛ̨nį ɓa, nwun na nɛ̨ɛ̨i.»

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Maafîu 12:31

«Yili ɓə gaa mą, nu ə mą nɛ̨ŋɛ̨n gəlee həɠə, ə mą woo ɲɔ̨n ɉaa Yálá ɓa mąąhvaa a lɛɛ. Kɛlaa, nui a woo ɲɔ̨n ɉaa Kili-Mąąhəɠɛɛ ɓa, mąąhvaa hva lɛɛ.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Timote veelɛ 4:16

Ɲələ tɔlɔɔi ŋą́ kɛli gbɔ́wɔ́ mąą kɔ̨nwɔ̨ la, nwɔ́ nu hvo hɔlɔɓo, nu gəlee di kulɔ búlú. Yálá ə mą wala yili gwələ hvo kulɔ li diɛ.

Timote veelɛ 1:15

Timote, yɛ́ kpinįi ə́ kili kaa ɉu, nuąi kpɔ Asi lɔi hu, daa di kili kulɔ ɉú, ə mą kɛ, Figɛlə da Hɛrmozɛnə.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Lukə 12:10

«Nui lɔpee a woo ɲɔ̨n mo Nu Lon ma, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąą nui mąąhvaa hva lɛɛ.

Maafîu 13:21

Kɛlaa di hva nɛɛ laa hvo kanąn di kili pɔ. Mąąhɔlɔɓo, ɓɛlɔwai ɓɛlɛkpɛɛ mąą a həli la diɛ, da di yee kulɔ mu.

Zôo 19:28

Ka káá kɛi mą: «Nui ŋɛ̨i, lə mɛ̨nį takpɛli ɓə kwa pɛli ku naa mą, kuɔ pɛli nwɔ mɔ̨nɔ̨i nwun gɔlɔn ɉii?»

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Galatə 6:12

Nuąi ká hɔlɔhimą ɓoi diɛ hvo kɛ li di ká hee kɛ́nɛ̨ ɓai, diɛ ɓə di kaa bɔ nuą di di mąątɛ̨nɛ̨; yii lɔ di kwəi ya ɓaa, di hvo mɔ̨nɔ̨ mįi Kristə nwɔ kolowaai mąą mɛ̨nį ɓa.

Markə 4:16

Pələ lɔ ɓə ga la nwɔ̨nɔ̨ daɠaa diɛ, da di yee hee Yálá laawoo mu, yɛ vanɲą lɔi tii. Da mɛ̨n, da di yee hee mu a kwəinɛ̨ɛ̨.

Markə 4:18

Yii ŋɛ̨i too ɲɔ̨w ɲąąlən ɉu, yili mąą nuą diɛ ka tii, da Yálá laawoo mɛ̨n.