Markə 4:15 - Yálá laawoo hɛɓɛ (dc)

¹⁵ Nu taɠaa kɛ pələ kaa yɛ: bələ kwɛlɛ, ɓɛi nwoo tii a too laa. Ɓɛlɔwai nuą tii da Yálá laawoo mɛ̨n na, ɓilihi a pa ə nwoo tii kulɔ di lii hu.

Yálá laawoo hɛɓɛ

¹⁵ Nu taɠaa kɛ pələ kaa yɛ: bələ kwɛlɛ, ɓɛi nwoo tii a too laa. Ɓɛlɔwai nuą tii da Yálá laawoo mɛ̨n na, ɓilihi a pa ə nwoo tii kulɔ di lii hu.

Bible

¹⁵ Ǹûai da-ŋa díkaa yɛ̂ɛ zí-sɛŋ kao-ŋai da too berei mai. Da ŋ̀óoi m̀ɛni, kɛ́lɛ, Sêtɔŋ a pâ a maa félaa é gɛ́ ŋ̀óoi kúla díwolii.

Markə 4:15 Referans Kwoze

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Korɛntə veelɛ 2:11

Mąą hvo nɛ̨ɛ̨li, gu hvo gu kpɔwɔ lɛɛ laa ɓilihi hvo gu ɓowo, hvo gaai, gwəi kiliɠaa di hvo loo li guɔ.

Lukə 8:12

Nu taɠaa kɛ pələ kaa yɛ, bələ kwɛlɛ, ɓɛi ɉihɛn ɉuwu taɠaa di too laai. Nuą tii, da di yee hee Yálá laawoo mu, kɛlaa, nąnį ə pa, ə gulɔ di yəi; əgɛ, di hvo pa laa nwoo tii la, di nwun mąą hvo ɓo

Markə 4:4

Gɛɛ bili, da ə too bələ kwɛlɛ, nwɛ̨nįɠaa di pa di gbələ.

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 20:7

Gwɛlan nwaa-tɔ̨nɔ̨i tii laa a pa kulɔi, di kaa pai ɓilihi kulɔi gaho ɲą.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Tɛsalonikə veelɛ 2:9

Yii ɓaa mɛlɛtoomun ti pa mɛ̨nį, yai ɓilihi kɛ-mɛ̨nį pɔɔ kaa mąi, gaa pai gbɔwɔ lɛi a huwalawalalaa huwu ɲɛ̨i tamąą, a kwɛlɛɛn mɛ̨nįɠaa, da nuą kili ɲą pɛlɛ mɛ̨nįɠaa,

Maafîu 22:5

«Kɛlaa, nuąi tii di di təli, di hvo kpɛli di təli mɛ̨nį kaa a mɛ̨nį walawala, di kəlee di kɛi li di liiɓa kɛɛnąąɠaa ɓa: daɠaa diɛ li di yəi ɲɛa, daɠaa diɛ li lɔwɔ́tɔɔ ɓa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Zakari 3:1

Yili pulu, Yai-Laa ə Ɉosue lɛ mą́ą́, yai gaa a ɉaláá laa həli mun gɛnɛ̨; ə kɛ tɔɔni Yai-Laa nwɔ malakai lííla, ɛlɛɛ, ɓilihi ə kɛ tɔɔni mamįiyee hu pələ, yɛ lɛɛ pɛlɛ Ɉosue ɓa.

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Hebreu 12:16

Ka gɛ a nɛlɛɛ, wɛlikɛmun hvo kɛ ká lɔwai, 'ká hvo Yálá mɛ̨nį mɛlɛ too, yɛ bələi Esau ə gɛ la, ə nwɔ nu pɔlɔlaa lɔwɔtɔ́ɔ́ ɓá-kɔwɔ tɔ̨nɔ̨ mąą mɛ̨nį ɓa.

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Markə 4:14

Mɔ̨nun ɉuwu, ya ɓaa Yálá laawoo laa.

Markə 4:16

Pələ lɔ ɓə ga la nwɔ̨nɔ̨ daɠaa diɛ, da di yee hee Yálá laawoo mu, yɛ vanɲą lɔi tii. Da mɛ̨n, da di yee hee mu a kwəinɛ̨ɛ̨.