Markə 2:5 - Yálá laawoo hɛɓɛ (dc)

⁵ Yii kɛa Jesus ə di wɔ laa na laa kaa, ə mo gbɛlɛɠɛlɛ ɲɔ̨n gɛ mun tii ɓa yɛ mą: «Nón ɉulɔnu, ə́ kɛ nɛ̨ŋɛ̨ mąąhvaa aa lɛɛ.»

Yálá laawoo hɛɓɛ

⁵ Yii kɛa Jesus ə di wɔ laa na laa kaa, ə mo gbɛlɛɠɛlɛ ɲɔ̨n gɛ mun tii ɓa yɛ mą: «Nón ɉulɔnu, ə́ kɛ nɛ̨ŋɛ̨ mąąhvaa aa lɛɛ.»

Bible

⁵ Zîsɛ kɛ́ɛ a dílaa-lai káai, è mò mɛ̃lɛ-mɛ̃lɛŋ ǹalôŋ ma ǹyɛɛi, “Ńoŋ, ŋa ísu-mɛni lɛɛ zɔnyɔ̂ŋ-ŋai yâ gɛ̀i m̀ɛni ma.”

Markə 2:5 Referans Kwoze

Maafîu 9:2

Nuą di pa bɔ a kpɛlɛɠɛlɛ ɲɔ̨n gɛmun da, naa liihu. Yii kɛa ə ɲɔ̨n gɛmun tii kpəŋə nuą di wɔ laa na laa kaa, ə mo ɲɔ̨n gɛmun tii ɓa, yɛ mą: «Nón! Ŋą́ą́ ə́ kɛ nɛ̨ŋɛ̨nŋąą mąąhvaalɛɛ.»

Zĩi 5:15

Laa na laa hvɛli woo a ɲɔ̨n gɛ mun gɔlɔi pono; ɛlɛɛ, gu Nąmu a ɉaŋąn ə ɉee, ə mą kɛ aa nɛ̨ŋɛ̨n ɉəɠə, a nwɔ nɛ̨ŋɛ̨n mąą hvaalɛɛ.

Maafîu 9:22

Kɛlaa, Jesus ə tinɛ̨n ə gaa. Yɛ mą: «Nón nɛ̨ɛ̨nu, ə́ wɔ laa na laa a ə́ ɓalo.» Nɛ̨ɛ̨nu tii kɔ́lɔi ə pono kpɔlɔ tii ŋąąɓa.

Ifisiɛŋ 2:8

Mąąhɔlɔɓo, ká ɓaloɔi laa na laa háálai, a mɛ̨inɛ̨ɛ̨, ká hvo kɛ mɛ̨nį ta kɛ li ɉu, Yálá yəi mɛ̨inɛ̨ɛ̨ li.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Ɉaan 5:14

Nąąta wolo gɛɛ, Jesus ə gaa Yálá hee pɛlɛ́ mu, yɛ mą: «Yii kɛa ə́ kɔ́lɔi aa pono, hvó kɛa nɛ̨ŋɛ̨n ɉəɠə, əgɛ, mɛ̨nį nwąnąą ta hvo pa laa yɛ́, hvo tɛɛ yili ɓa.»

Lukə 5:20

Yii kɛa Jesus ə ɲɔ̨n gɛ mun tii kpəŋə nuą di wɔ laa na laa kaa tii, ə mo ɲɔ̨n gɛ mun tii ɓa, yɛ mą: «Náwəi, ə́ kɛ nɛ̨ŋɛ̨nŋąa kəlee mąąhvaa aa lɛɛ.»

Kolosə 3:13

Ká kpɔnmąą tɛɛ ka kee pɔ, nu ta a mɛ̨nį nwąnąą laa mɛlan ma, 'ká ká kee mąąhvaalɛɛ, yɛ bələi Kristə ə ká mąąhvaalɛɛ la.

Korɛntə veelɛ 2:10

Nui ka mąąhvaalɛɛ, ɲą́ą́ gbɛlimąn, ŋą́ mąąhvaalɛɛ. Mąąhɔlɔɓo, mɛ̨nįi ŋį́ nɛɛ a kpɛli, akɛ mun hɔlɔɔ, ŋį́ mɛ̨nį ta lɛɛ a kpɛli, ŋą́ gɛ tii ká mąą mɛ̨nį ɓa, Kristə ɲɛ̨i ɓa.

Korɛntə dɔlɔɔ 11:30

Mɛ̨nįi gɛi, nu tamąą kaa la ká lɔwai, a ɲɔ̨n gɛ nuą, daɠaa kpɛɠii ə ɓo diɛ, ɛlɛɛ, damąą daa haa.

Gɛlaɠaa 14:9

Ɉulɔnui ti ə nwəli tɔɔ kpɔ Polə woo ɓa a nɛlɛ. Polə ə gaa yɛ diɛ laa na laa kaa ɲei, yɛ pɛli gɔlɔi ponoi.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

Lukə 8:48

Jesus yɛ mą: «Nón nɛ̨ɛ̨nu, ə́ wɔ laa na laa aa ə́ kɔ́lɔi pono. Li, a ə́ lii laa yɛ́.»

Markə 5:34

Kɛlaa, Jesus ə mo mą, yɛ mą: «Nón nɛ̨ɛ̨nu, ə́ wɔ laa na laa aa ə́ ɓalo, li liilaa hu, ə́ wɔ ɲɔ̨n gbɛɛ li yɛ́.»

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Maafîu 9:5

Akɛti, mɛ̨nį hveelɛi ŋɛ̨i, nɛlɛ ɓə mo laa nɛ̨ɛ̨: Dɔlɔɔ ɓaa, ‹Ə́ kɛ nɛ̨ŋɛ̨n mąąhvaa aa lɛɛ›; veelɛnąą ɓaa, ‹Ə́ muhəɠə ə́ hiɛ?›

Markə 2:6

Tɔ́n galamɔ̨ɔ̨ɠaa di kɛ laa, diɛ di kiliŋąhiɛ diɛ kɛ diɛ: