Markə 16:1 - Yálá laawoo hɛɓɛ (dc)

¹ Hvįįtɔɔ yələ tɛɛ pulu, Mari Magdala mun, da Ɉakə ə lɛɛ Salome di lee Mari di wulɔ kun-nɛɛ ya diɛ li bui Jesus powa ɓa gámą hu.

Yálá laawoo hɛɓɛ

¹ Hvįįtɔɔ yələ tɛɛ pulu, Mari Magdala mun, da Ɉakə ə lɛɛ Salome di lee Mari di wulɔ kun-nɛɛ ya diɛ li bui Jesus powa ɓa gámą hu.

Bible

¹ Vii-tɔɔ-ɣelei tɛɛ̂i, Mere Madalini, Zĩi ǹee Mere da Salômi ní dí wúru-ya kúŋ nɛ̃ɛ yà a gɛ́ɛ dí lí la dí zia Zîsɛ pomai ma.

Markə 16:1 Referans Kwoze

Lukə 23:56

Nɛa tii di pənə də li di pulu, di wulɔ kun nɛ̨ɛ̨ kɛ pələ pɛli, əgɛ, di bu Jesus powa ɓa. Hvįįtɔɔ yələ, di di hvii tɔɔ yɛ pələi di bɛ̨ɛ̨ la tɔ́n ɉɛɓɛ́ hu.

Markə 15:40

Nɛ̨áá taɠaa di kɛ tɔɔ ni kwɛa la, diɛ nąą kaa. Nɛ̨ąąɠaa tii lɔwai, Mari Magdala mun da Mari ŋɛ̨i kɛ a Ɉakə logolo da Ɉose, əlɛɛ, da Salome ni di lee di kɛ di pɔ.

Ɉaan 19:31

Yɛ bələi volói tii ə kɛ la a Ɉuifəɠaa di wɔ hɛli mąąyii yələ. Di hvo kɛ bɔ, nu powa hvo lɛɛ kolɔwa ɓa a túwɔ́ hvóló. Volói tii ə kɛ di ɲɛ̨i ɓa a hvóló mąąwia, pakə hɛli mąą mɛ̨nį ɓa. Di mo Pilatə ɓa diɛ mą: nuą ŋɛ̨i kolɔwa ɓa, mo di di kɔ́wɔɠaa yali, di di kulɔ nwulu ɓa.

Ɉaan 19:25

Jesus nwɔ kolɔwa kwɛlɛ, Jesus nee ə kɛ laa tɔɔni da nee gaayɔwɔ Mari yai kɛ a Klopasə nɛ̨ą, da Mari Magdala mun.

Markə 16:8

Di həɠə gámą la a gilɛ, di ɲɔ̨w kpɔ di hu ə pu diɛ, di hvo pɛli ɉukulɔi nui lɔpee ta ɓa, di ɲɔ̨w pələ ɓa.

Markə 15:47

Mari Magdala mun da Ɉose nee Mari di kɛ laa, di Jesus powa loo di ɲɛ̨i ɓa.

Markə 14:8

Yii kɛ a nɛ̨ɛ̨nui ŋɛ̨i yee pɛli mąą mɛ̨nį yili ka tii aa gɛ. Aa ɉáái lɔwai lɛɛ tɔwɔ aa gɔ́lɔ́ mąą tii, ə gɛ, mą́ą́ kun ə kɛ pai a nɛ̨ɛ̨ gámą hu.

Markə 14:3

Ɓɛlɔwai Jesus ə kɛ la Bɛtani daai, Simɔn ŋɛ̨i ta volóɲɔ̨n ə kɛ mą, ə kpɛɛ; di kɛ ɲəi bɛlɛ́n, diɛ kɔ̨nɔ̨n mį́i, nɛ̨ɛ̨nu ta ə lɔ múlún non yɛ ɓo ɲəi naa hvɛɛ a wulɔ kun-nɛ̨ɛ̨ yii kɛ ɉɔ̨nwɔ̨ kɛnɛ̨. Nɛ̨ɛ̨nui tii ə múlún tii laa ɓo, ə nwulɔi tii kəlee pu Jesus nwuɔ̨ ə mąątí la.

Kɔlɔnikɔ Veerɛi 16:14

Di now gámąi tii ə dee Davidə taa ɉu. Di naa gbinŋą, hɛn gunnɛ̨ɛ̨ɠaa di ɓo laa, da nu mąątí hɛn damąą əgɛ, di bowa laahɔnmo la. Di nwɔ̨n gɛnɛ̨ tɔɔ mąą mɛ̨nį ɓa.

Lukə 23:54

Ə kɛ a hvįįtɔɔ yələ mąąyii yələ.

Markə 15:42

Hvitili pui lɔwai həliɛ kɛa, yɛ bələi volói tii ə kɛ la a pakə hɛli nwɔ kɛ pələ pɛli hvóló, ə kɛ a hvįįtɔɔ yələ mąą yii.

Zɛnɛse 50:2

Yili pulu, ɲɔwɔtɔlɔɠaai ŋɛ̨i kɛ Ɉosɛfə yee mu, ə mo diɛ, di nąn bowa pɛli; di Israɛlə powa pɛli.

Markə 16:2

Ɉimahi yələwala piinɛ̨ɛ̨, hvóló kɛɛ kɛa kulɔi, nɛ̨ąą tii di pa gámą la.

Lukə 24:1

Ɉimahi ɲələ yələ wala pɔ, nɛ̨ą tii di həɠə diɛ li Jesus kámą la a di wɔ wulɔ kun nɛ̨ɛ̨ɠaa di bɛli.