Markə 15:34 - Yálá laawoo hɛɓɛ (dc)

³⁴ Nɛɛlɛ Ɉaaɓa na həliɛ kɛa, Jesus ə tómą kpɔ kɛnɛ̨ yɛ mą: «Eloi, Eloi lama sabaktani.» (Yili mukulaa ɓa: «Nwɔ́ Yálá, nwɔ́ Yálá, lə mɛ̨nį ɓa ə́ lənə mą́ą́!»)

Yálá laawoo hɛɓɛ

³⁴ Nɛɛlɛ Ɉaaɓa na həliɛ kɛa, Jesus ə tómą kpɔ kɛnɛ̨ yɛ mą: «Eloi, Eloi lama sabaktani.» (Yili mukulaa ɓa: «Nwɔ́ Yálá, nwɔ́ Yálá, lə mɛ̨nį ɓa ə́ lənə mą́ą́!»)

Bible

³⁴ Aƃai ǹɔ́ɔɔlu mɛi náaŋ ma, Zîsɛ e làɣi a zu kɛ́tɛ, ǹyɛɛi, “Yɛ̂loi, Yɛ̂loi, lama saƃɛ́tâni?” Zu-kulâi ƃa, “Ŋáɣâlai, Ŋáɣâlai, ya íyee kulâi ḿû, lé mɛni ma?”

Markə 15:34 Referans Kwoze

Mąątɛ̨nɛ̨ 22:1

Nwələ ɲɛ̨i tɔwɔmun, nwələi da kɛ mą: «Yələ ɓɔi Lomą.» Davidə nwɔ wələ woo.

Maafîu 27:46

Voló kɔ́wɔ kulaa mu kɛa, Jesus ə tómą kpɔ a nwoo kɛnɛ̨, yɛ mą: «Eli, Eli, lema sabaktani?» (Mukulaa ɓaa: «Nwɔ́ɔ́ Yálá, nwɔ́ɔ́ Yálá, lə mɛ̨nį ɓa ə́ ə́ kili kulɔ ɉú?»)

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Mąątɛ̨nɛ̨ 27:9

Hvó ə́ ɲɛ̨i lɛlɛɛ loo mą́ą́, Hvó ə́ wɔ tímun pili a liiholi! Yɛ́ ɓə mą́ą́kpɔn mąąɓo, Hvó həɠə gwɛ́lɛ, hvó nɛ́ɛ́ gbɔwɔ ɓa; yɛ́i a málo Yálá.

Mąątɛ̨nɛ̨ 71:11

Diɛ kɛ diɛ: «Yálá aa gili kulɔ ɉu, 'ka ɉon, nu hvo mą hvo mąąkɔ̨nwɔ̨!»

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Mąątɛ̨nɛ̨ 42:9

Hvóló ɲą, Yai-Laa ə kɛi ɉón a tələnmolaa, kwiihɛ̨ą, ŋą́ kɛi Naa tɛ a wələ woo, gɛ́ Yálá hvɛli, yai tii a nwɔ́ yɛnɛ̨ɛ̨.

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Lukə 23:46

Nąąlɔwai, Jesus ə tómą kpɔ a nwoo kɛnɛ̨ yɛ mą: «Nąn Yálá, gáá nį́į́ tɛɛi ə́ pɔ.» Yii kɛa ə yili mo tii, nįį ə kulɔ.

Lukə 23:44

Ə kɛ a hvóló tɛɛ nwun ma lɔwai, kpinį ə pɛlɛ nɔi tii hu nąą kəlee ə lɛɛ la ɉu pɛlɛ gɔwɔn nįnįn ə kwɛa a nu kɔ́wɔ laɠi ɉi hveelɛ.

Woolaa 5:20

Lə mɛ̨ni ɓa ku kili a kpɛɛ ə́ ɲą kpɔ tii a ɉukwɛaa-o! Ɛlɛɛ, yɛ́ lənə la kuɔ a yələ kəlee?

Woolaa 1:12

Káái ka tɛɛ a bələi ŋɛ̨i, ka ká ɲɛ̨i hee tai, ka kɛɛ kaa! Akɛ, mɔ̨nɔ̨i ŋɛ̨i Yai-Laa aa naa mą́ą́, a ta da laa nu ta ɓa a yələ ta; nwɔ liiholi hvóló hu!

Maafîu 27:45

Ə kɛ a hvóló tɛɛ nwun mą lɔwai, kpinį ə pɛlɛ lɔi mɛ̨i nąą kəlee ə lɛɛ ɉu, hvóló ə gɔwɔ kulɔ mu.

Markə 15:25

Ɓɛlɔwai di Jesus kpanwo la kolɔwa ɓa, ə kɛ a yələwala hvóló liɛn ŋąąnwąnąi lɔwai.

Markə 15:35

Nuą tii kɛ laa daɠaa di nwoo tii mɛ̨n, di mo diɛ mą: «Ka ka wəli tɔɔ tai, gaa Eli təli.»