Markə 15:21 - Yálá laawoo hɛɓɛ (dc)

²¹ Simɔn yai kɛ a Sirɛnə lɔi hu mun, yai kɛ a Alɛsandrə da Rufusə di nąn, ə həɠə ɲəi ɲɛa yɛ pa, gɔ́kulááɠaa di ɉon a hɔlɔhima, diɛ mą: «Jesus laa hon nwɔ kolɔwai mu.»

Yálá laawoo hɛɓɛ

²¹ Simɔn yai kɛ a Sirɛnə lɔi hu mun, yai kɛ a Alɛsandrə da Rufusə di nąn, ə həɠə ɲəi ɲɛa yɛ pa, gɔ́kulááɠaa di ɉon a hɔlɔhima, diɛ mą: «Jesus laa hon nwɔ kolɔwai mu.»

Bible

²¹ Sailini naloŋ Samaŋ è kɛ̀ kùla kpâlaŋ ŋá gɛ́ tɛ̀ɛ naa pere. Samaŋ è kɛ̀ a Alezaŋda da Lûfɔ dínâŋ. Gɔkuluƃa-ŋai dí gɛ̀ é Zîsɛ ŋɔsaa-wurii síɣe.

Markə 15:21 Referans Kwoze

Lukə 23:26

Ɓɛlɔwai di kɛi li la a Jesus, di hulɔnu ta kaa bələi, diɛ kɛ nąą ɓaa: Simɔn, yii həɠə Sirɛnə daai. Ɉulɔnui tii ə kɛi həɠə ɲəi ɲɛa pələ yɛ pa. Gɔ́kulááɠaa di ɉon, diɛ mą: Jesus nwɔ kolɔwai ta həɠə, ə́ hvilɛn na bulu.

Maafîu 27:32

Di kɛɛ kulɔi a Jesus taai, diɛ li la gbanwoi, di Sirɛnə mun da kaa diɛ kɛ naa ɓa Simɔn. Ɉolahiɠaa di mo mą diɛ mą: «Pa ɓɛ, ə́ Jesus nwɔ kolɔwa həɠə.»

Lomaŋ 16:13

Ną́mu nwɔ tiɓomun gɛnɛ̨i a Rufusə ŋį́ duwɔɓo, ŋį nee tuwɔɓo, yai a kwa yaa ku lee.

Gɛlaɠaa 13:1

Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Gɛlaɠaa 11:20

Kɛlaa, ə mą kɛ ti, di taɠaa, di kaa-lɔi ə kɛ a Siprə da Sirɛnə, pai di mo Antiɔsə di wɛi, Grɛkəɠaa lɔ ɓə di kɛli nwəlɛɛ lɛlɛɛ laa həli diɛ, yai vilɛn ŋąąi gu Ną́mu Jesus ɓa.

Gɛlaɠaa 6:9

Kɛlaa, di lɔwai, galan gbɔn ti da kɛ mą: luwɔ pɔlɔɠaa, da Sirɛnə nuą Alɛsandri nuą Silisi ɛlɛɛ, Asi nuą, hvaa ə too Etiɛnə ni lɔwai.

Gɛlaɠaa 2:10

daɠaa di həɠə Frizi lɔi hu, Pamfili, Eziptə lɔi hu, daɠaa di həɠə, Sirenaikə Libi lɔi hu, daɠaa di həɠə Romə daai,

Lukə 14:27

Nui a wala gbɔwɔ ŋą kolɔwa həɠə hvo hvilɛn búlú, mąą nu hva pɛli kɛi a nwɔ́ kalan non ta.

Markə 15:20

Yii kɛa di yɛlɛ kulɔ kpɔ tii ɉu a di liiɓa pələ, di gbaawii kpɔlui tii kulɔ gwaną, di nwɔ həɠəɠaai too gwaną, di kulɔ la gala hu, diɛ li kɛa la gbanwoi kolɔwa ɓa.

Ɉaan 19:17

Jesus ɓə nwɔ kolɔwa həɠə, di kulɔ la taai, diɛ li ɓɛi da kɛ mą: Nwun gonon ɲee ɓa (Ɉuifə woo hu, da kɛ mą: Gɔlgota).

Maafîu 5:41

Akɛ ə́ yee tɛɛ mąą mun a ə́ kpaan, yɛ ə́ nwɔ tiɛ̨ həɠə, ka pələkələn dɔ̨nɔ̨ hu hiɛ ɓo, lɛɛ bulu, ka veelɛ hu hiɛ ɓo.