Markə 14:2 - Yálá laawoo hɛɓɛ (dc)

² Di kɛi mo di kee lɔwai, diɛ kɛ diɛ: «Mąą hvo nɛ̨ɛ̨li gu hvo gɛ a ɉɛli yələ, ə gɛ, nuą di hvo pa kɔ́ pɛlɛ guɔ.»

Yálá laawoo hɛɓɛ

² Di kɛi mo di kee lɔwai, diɛ kɛ diɛ: «Mąą hvo nɛ̨ɛ̨li gu hvo gɛ a ɉɛli yələ, ə gɛ, nuą di hvo pa kɔ́ pɛlɛ guɔ.»

Bible

² Nya ƃe dí mò dîyɛɛi, “Kúfe gɛ̀ a gúui ŋ̀ele, námu fé lâa tée la ǹûai sáma.”

Markə 14:2 Referans Kwoze

Ɉaan 12:19

Farisiɛ̨ɠaa diɛ di kee ɓa: «Ka káá nąą kaai, gu hva pɛli mɛ̨nį ta kɛi, nuą kəlee daa hvilɛn bulu.»

Ɉaan 7:40

Nu kpului tii kɛi Jesus woo mɛ̨n, daɠaa di kɛi kɛ diɛ: «Nui ŋɛ̨i kaa kpɔ a Yálá kwəi mɛ̨nį hukulɔ mun neelee.»

Lukə 20:6

Gwa kɛ nwɔ̨nɔ̨ mą: ‹Nuą ɓə dɔɔ›, nu kpulu kaa pai gu hɔɔi a kwɛni di gu paa. Mąąhɔlɔɓo, di laai na diɛ Ɉaan ə kɛ a Yálá kwəi mɛ̨nį hukulɔ mun.»

Markə 11:32

Kɛlaa yaan, gwa kɛ mą: ‹Nuą ɓə›, hvo kɛli gu ɲɔ̨w nuą diɛ.» Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Markə 11:18

Yii kɛa ɉaláá laa həli nuą nwun nąmįną da dɔ́n galamɔ̨ɔ̨ɠaa di nwoo tii mɛ̨n, di kɛi gɛ pələ kwɛli mą, əgɛ, di Jesus hon di baa. Kɛlaa, di kɛi ɲɔ̨w mą. Mąąhɔlɔɓo, nwɔ kalan gɛ pələ ə nu kəlee lii hon.

Maafîu 26:5

Di kɛi kɛ diɛ: «Mąą honɛɛli, gu hvo ɉon a ɉɛli yələ, ə gɛ, nuą di hvo pa di muhəɠə gu laa ɓa.»

Woolaa 3:27

Nu ə mɔ̨nɔ̨ mįi a ə́ muhəɠə yələ hviɛlaɓoɔi.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Maafîu 26:2

«Ka gɔlɔn kaa, aa lɛɛ a hvóló hveelɛ pakə hɛli yɛ ɉəli. Di kaa pai Nu Lon hon ɉii di kolɔwa ɓa.»

Markə 14:1

Ə lɛɛ a hvóló hveelɛ, pakə hɛli, da hɛlii yii di kɛi bu diɛ lɛɠɛ mį́i dɛ hɛn və ɉu, yɛ həli. Ɉaláá laa həli nuą nwun nąmįną da dɔ́n galamɔ̨ɔ̨ɠaa di kɛ bɔ di Jesus hon a gbąnąlaa, əgɛ, di baa.

Markə 14:3

Ɓɛlɔwai Jesus ə kɛ la Bɛtani daai, Simɔn ŋɛ̨i ta volóɲɔ̨n ə kɛ mą, ə kpɛɛ; di kɛ ɲəi bɛlɛ́n, diɛ kɔ̨nɔ̨n mį́i, nɛ̨ɛ̨nu ta ə lɔ múlún non yɛ ɓo ɲəi naa hvɛɛ a wulɔ kun-nɛ̨ɛ̨ yii kɛ ɉɔ̨nwɔ̨ kɛnɛ̨. Nɛ̨ɛ̨nui tii ə múlún tii laa ɓo, ə nwulɔi tii kəlee pu Jesus nwuɔ̨ ə mąątí la.

Lukə 22:1

Ɉɛlii di kɛi bu a lɛɠɛi dɛ hɛn və ɉu, diɛ kɛ naa ɓaa a: pakə, mąą ə kɛi kɛa kpuɔ.