Markə 14:11 - Yálá laawoo hɛɓɛ (dc)

¹¹ Ɉudasə həliɛ kɛa diɛ ə nwoo hukulɔ diɛ. Nwoo mɛ̨n di mo, di kwəi ə nɛ̨ɛ̨. Di di woo kwɛlɛ mą. Ɲąąɓa, diɛ mą: «Akɛ ya yili kɛ tii kuɔ, kwa wali tɛɛ ə́ pɔ.» Ə həɠə nąąlɔwai ɓa Ɉudasə ə kɛi Jesus hon gbaɠala kwɛli mą.

Yálá laawoo hɛɓɛ

¹¹ Ɉudasə həliɛ kɛa diɛ ə nwoo hukulɔ diɛ. Nwoo mɛ̨n di mo, di kwəi ə nɛ̨ɛ̨. Di di woo kwɛlɛ mą. Ɲąąɓa, diɛ mą: «Akɛ ya yili kɛ tii kuɔ, kwa wali tɛɛ ə́ pɔ.» Ə həɠə nąąlɔwai ɓa Ɉudasə ə kɛi Jesus hon gbaɠala kwɛli mą.

Bible

¹¹ Mɛniɛɛ dîɛi, dílii è nɛ̀ɛ. Dí díkono tèe ǹyêei a gɛ́ɛ dí sɛŋ-kâo tɛɛ bɔ́. Nya ƃe Zudasi è kɛ̀ pere kɔ̂rii a gɛ́ɛ é kúla Zîsɛ pôlu dí zoŋ.

Markə 14:11 Referans Kwoze

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

Maafîu 26:15

«Akɛ ŋą Jesus tɛɛ ka pɔ, lə ɓə ka ɉála la?» Di nɛɛmą, di wali kwələ pow-haaɓa lono di dɛɛ bɔ.

Osia 7:3

Di túwɔ́ pələ ɲɔ̨nwɔ̨ pələ, di kaa tɔɔmun ɲɛ̨i lɛɛ pə́lə ɓa, da nɔi ɲąąwooɓo nuą, mąąhɔlɔɓo daa di woo kala.

Tɔɔɓɛlaa veelɛ 5:26

Kɛlaa, Elise yɛ mą: «Ɓɛlɔwai hulɔnu ta ə kulɔ la nwɔ wotoloi hu, yɛ pa ə́ laakwiɛn ɉii, gaa ə́ kwəi nį́i hvo kɛ laa? Gaa ə́ kwəi wali hon ɉii lɔwai ɓəi, da həɠəɠaa, ɛlɛɛ, olivə da viɲə, ɓɛlaa da nįŋɛ̨ŋąą, luwɔ hinąą da luwɔ nɛ̨ąą, da hon ɉii lɔwai hvəi.

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Maafîu 26:14

Jesus nwɔ kalan nɛai dɔ̨nɔ̨ yii da kɛ naa ɓa Ɉudasə Iskariɔtə mun, ə li ɉaláá la həli nuą kpɛa-kpɛaɠaa pɔɔli, yɛ diɛ:

Markə 14:10

Ɉudasə Iskariotə mun yai kɛ a Jesus nwɔ kalan nɛai pow kɔ́w hveelɛ dɔ̨nɔ̨, ə li ə həli haláá laa həli nuą diɛ, ə gɛ, ə Jesus tɛŋɛ̨n gwɛlɛ.

Markə 14:12

Pakə hɛli voló tɔlɔɔ yələ, volói ŋɛ̨i da mɛlaa paa la kɛ; Jesus nwɔ kalan nɛai di mąąni kɛ diɛ mą: «Mįnɛ̨ ɓə ə́ kaa bɔ ku pakə hɛli kɔ̨nɔ̨n bɛli laa?»

Lukə 22:3

Ya ɓə, ɓilihi ə lɔ Ɉudasə Iskariɔtə mun hu, yai kɛ Jesus nwɔ kalan nɛa pɔw kɔ́w hveelɛi dɔ̨nɔ̨,