Markə 14:1 - Yálá laawoo hɛɓɛ (dc)

¹ Ə lɛɛ a hvóló hveelɛ, pakə hɛli, da hɛlii yii di kɛi bu diɛ lɛɠɛ mį́i dɛ hɛn və ɉu, yɛ həli. Ɉaláá laa həli nuą nwun nąmįną da dɔ́n galamɔ̨ɔ̨ɠaa di kɛ bɔ di Jesus hon a gbąnąlaa, əgɛ, di baa.

Yálá laawoo hɛɓɛ

¹ Ə lɛɛ a hvóló hveelɛ, pakə hɛli, da hɛlii yii di kɛi bu diɛ lɛɠɛ mį́i dɛ hɛn və ɉu, yɛ həli. Ɉaláá laa həli nuą nwun nąmįną da dɔ́n galamɔ̨ɔ̨ɠaa di kɛ bɔ di Jesus hon a gbąnąlaa, əgɛ, di baa.

Bible

¹ Ɣele feerɛ è lɛ̀ɛ a gɛ́ɛ Dɛɛ-mɛi kûui é seri da Dɛ́-sɛŋ fé kpoloi maa kûui. Zâla láa soŋ-ƃela kpaya-kpaya da Dɔ̂ŋ lɛ́-ƃelai dí kɛ̀ pere kɔ́rîi a gɛ́ɛ dí Zîsɛ soŋ a gbana pere dí bàa.

Markə 14:1 Referans Kwoze

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Maafîu 12:14

Di kulaa, Farisiɛ̨ɠaa də li, di di nwun dɔɔ, bələi mąąnɛ̨ɛ̨ di Jesus hon na di baa, diɛ bələ kwɛli.

Maafîu 6:2

Akɛ yá kɛi mąąwɛli mun gɔ́, a hɛn da, hvo ə́ kpɔɔ mɛ̨i lolo too, yɛ bələi tɛ ɲɛ̨i mɛ̨nį kɛ nuą da gɛ la, di wɔ Yálá hvɛli pɛlɛ́ɠaa mu; da pələ leeɠaa mɛ̨i; ə gɛ, nuą di di mąąwiɛ. Gáá moi kaa a tɛ̨ą, daa gbɛa di hvɛla hɔlɔɓo.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Mąątɛ̨nɛ̨ 62:4

Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Mąątɛ̨nɛ̨ 52:3

Lə mɛ̨nį ɓa yai ə́ kaa ə́ kpɔwɔ ɲąą kɛnɛ̨i mɛ̨nį ɲɔ̨n ɉu? Yálá a kulɔ nwoo ɓa a yələ kəlee.

Zɛnɛse 37:18

Yiliɠaa di gaa kwɛala, yɛ pa. Gɛɛ hvo həli diɛ, di lɔ mąą kilii, ə gɛ, di baa.

Lɛɛ gbɔwɔ ɓa 12:1

Yai-Laa ə hvaa Moisə da Aarɔn di pɔ Eziptə lɔi hu, yɛ diɛ:

Markə 14:2

Di kɛi mo di kee lɔwai, diɛ kɛ diɛ: «Mąą hvo nɛ̨ɛ̨li gu hvo gɛ a ɉɛli yələ, ə gɛ, nuą di hvo pa kɔ́ pɛlɛ guɔ.»

Markə 14:12

Pakə hɛli voló tɔlɔɔ yələ, volói ŋɛ̨i da mɛlaa paa la kɛ; Jesus nwɔ kalan nɛai di mąąni kɛ diɛ mą: «Mįnɛ̨ ɓə ə́ kaa bɔ ku pakə hɛli kɔ̨nɔ̨n bɛli laa?»

Gɛlaɠaa 12:4

Ə mo di Piɛrə hon, di doo gaho ɲą, ə dɛɛ holahi kpulu nąąn ɉeei nąąn, bɔ, diɛ di ɲɛ̨i kɛ mą. Ə kɛ bɔ ə giti tee nɔi lonnii ɲɛ̨i ɓa pakə hɛli puɔ pulu.

Levetekɔ 2:6

Ya ɉu yali a gbuɔɠaa, ə́ wulɔ pu mą. Yili kaa a Yálá kɔ́ hɛn.