Markə 13:15 - Yálá laawoo hɛɓɛ (dc)

¹⁵ Nui a kɛ yələi pɛlɛ́ ɲiimɛ̨n mu, hvo kɛ gaa hvilɛn ɉi yɛ lɔ ɲəi bɛlɛ́n hɛn da həɠə mɛ̨nį ɓa.

Yálá laawoo hɛɓɛ

¹⁵ Nui a kɛ yələi pɛlɛ́ ɲiimɛ̨n mu, hvo kɛ gaa hvilɛn ɉi yɛ lɔ ɲəi bɛlɛ́n hɛn da həɠə mɛ̨nį ɓa.

Bible

¹⁵ Tɔɔ ǹúui gáa ŋɔpɛ́rɛi kɔŋ mai, vé pîlaŋ é lɔ́ ŋɔpɛ́rɛi mu a gɛ́ɛ é sɛŋ da kúla naa.

Markə 13:15 Referans Kwoze

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Gɛlaɠaa 27:38

Yii kɛa di kɔ̨nɔ̨n mįi, di pilɛ, mɔ̨nun mɔlɔɠaai kɛ gələn ɉu, di bili gboloyá hu, gələn, da wolo lɛɛ mɛ̨nį ɓa hoa-hoa.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Zôo 2:4

Kɛlaa, ɓilihi yɛ Yai-Laa ɓa: «Nu a pɛli ə mɛlan gaalon gulɔ a haláá, gbɔwɔ nwun mąąɓo mɛ̨nį ɓa. Hɛn kpɔ gaa nu yəi, a pɛli ə gəlee kwɛlɛ nwɔ yɛnɛ̨ɛ̨ mąą mɛ̨nį ɓa.

Zɛnɛse 19:26

Lɔtə nɛ̨ą ə tinɛ̨n, ə ɲɛ̨i hee bulu pələ, ə mąą pənə a kpolo-kwɛni.

Zɛnɛse 19:22

Li a gilɛ ɉa-ɉa, ə́ ə́ mąą kilɛ laa, mąąhɔlɔɓo, ya wala ni həli daai tii hu, və́ pai pɛlii mɛ̨nį ta kɛi.» Mɛ̨nįi gɛ diɛ kɛ daa lon tii laa ɓaa Soarə yaa li.

Markə 13:16

Nui a kɛ ɲəi ɲɛa, hvo kɛ yɛ gaa pənəi ə pa ɲəi bɛlɛ́n nwɔ gbaawii həɠə mɛ̨nį ɓa.