Markə 12:29 - Yálá laawoo hɛɓɛ (dc)

²⁹ Jesus ə nwoo pulu pənə, yɛ mą: «Dɔ́n yii gɛnɛ̨ ɓa ya ka: ‹Israɛlə ə́ wɛli tɔɔ, gu Ną́mu Yálá ɓə gaa a Yálá tɔ̨nɔ̨ gbən.

Yálá laawoo hɛɓɛ

²⁹ Jesus ə nwoo pulu pənə, yɛ mą: «Dɔ́n yii gɛnɛ̨ ɓa ya ka: ‹Israɛlə ə́ wɛli tɔɔ, gu Ną́mu Yálá ɓə gaa a Yálá tɔ̨nɔ̨ gbən.

Bible

²⁹ Zîsɛ ǹyɛɛ m̀ai, “Dɔ̂ŋ duɛ-tuɛi ƃa, ‘Óo Eezuɛ, ka káwoli tɔ́ɔ: Kúnuu-namui Ɣâla káa a Nuu-namu tɔnɔ.

Markə 12:29 Referans Kwoze

Dutɛrɔnome 6:4

Israɛlə! Ə́ wəli tɔɔ! Yai-Laa gu wɔ Yálái woo ɓa, Yai-Laa kaa tanɔ̨n.

Lukə 10:27

Ɉulɔnui tii ə nwoo pulu pənə yɛ mą: «‹Ə́ Ną́mu ə́ wɔ Yálá wɛli la kɛ a ə́ lii kəlee, a ə́ nɔw kəlee, ə́ wɔ huwalawala kəlee, ə́ wɔ kiliŋąhiɛ kəlee.› Ə lɛɛ, ‹Da ə́ ə́ hee yɔwɔ wɛli la kɛ yɛ ə́ kpinįi.›»

Galatə 3:20

Yaan, lɔwai-kpəlin mɛ̨nį hva ɓo, akɛ nu tɔ̨nɔ̨ lɔ ɓə, Yálá yaan, ə ɓo lɔ tanɔ̨n gbən.

Lomaŋ 3:30

Hvo gaai, Yálá kaa tanɔ̨n, yaa lɔ ɓə pai kɛnɛ̨lɛa tələnmoi laa na laa háálai, ə kɛnɛ̨ kpolowaɠaa tələnmoi laa na laa háálai.

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Zĩi 2:19

Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Maafîu 23:9

Ka hvo kɛ nui lɔpee ta ɓa: ‹Nán›, ɓɛ lɔi mɛ̨i. Mąąhɔlɔɓo, Nąn dɔ̨nɔ̨ gbən mə gaa kaa yəi yələkɔlɔn ɉu.

Maafîu 10:37

Nui a nąn da nee di wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta. Nui a non ɉulɔnu a wala kɛ tii non nɛ̨ɛ̨nu wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Mąątɛ̨nɛ̨ 86:10

Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.