Markə 12:24 - Yálá laawoo hɛɓɛ (dc)

²⁴ Jesus ə di woo pulu pənə, yɛ diɛ: «Ka káá ka kpɔɔ ɓowoi lə mɛ̨nį ɓa? Ka hvo Yálá laawoo hɛɓɛ́ kɔ́lɔn, ka hvo Yálá nwɔ huwalawala kɔ́lɔn.

Yálá laawoo hɛɓɛ

²⁴ Jesus ə di woo pulu pənə, yɛ diɛ: «Ka káá ka kpɔɔ ɓowoi lə mɛ̨nį ɓa? Ka hvo Yálá laawoo hɛɓɛ́ kɔ́lɔn, ka hvo Yálá nwɔ huwalawala kɔ́lɔn.

Bible

²⁴ Zîsɛ è díwoo su tòo, ǹyɛɛ dîai, “Ka bɔara mâai káa ka gɛ̂i. Ká gɔ́lɔŋ lé ƃe? Ka gɛ̂i tí, kpɛ́ni fêi, káfe Ŋ̀âla-kɔlɔi kɔ́lɔŋ da Ɣâla ŋɔwála-wala-laai.

Markə 12:24 Referans Kwoze

Ɉaan 20:9

Yaan galan nɛa di hvo ni kɛ Yálá laawoo ŋɛ̨i kɛ diɛ: Jesus kaa pai muhəɠəi ə kulɔ haaɓɛlaa lɔwai; di hvo nii kɛ ŋąą kaa li.

Maafîu 22:29

Jesus ə di woo ŋąąpənə yɛ diɛ: «Ka káá ka kpɔɔ ɓowoi, mąąhɔlɔɓo, ka hvo Yálá laawoo hɛɓɛ́ kɔ́lɔn, ə mą kɛ Yálá nwɔ huwalawala.

Ifisiɛŋ 1:19

ɛlɛɛ, da nwɔ Hééɓolaa kɛnɛ̨i tii, ə ku mąą mɛ̨nį ɲɛ̨i kulɔ la, kuɔi ŋɛ̨i a laa na nuą, yɛ bələi lɔ ɉuwalawalaai la, da vaŋą kɛnɛ̨ pələ.

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Markə 10:27

Jesus ə ŋɛ̨i hee diɛ, yɛ diɛ: «Mɛ̨nį nu yee hva pɛli mą, Yálá a pɛli gɛi. Yálá a pɛli mɛ̨nį kəlee kɛi.»

Osia 6:2

Gaa pai a gu kɛi a gu hvulú hvóló hveelɛ yeemu. Voló haaɓa yələ, a kɛ a gbɛɛ a gu muhəɠɛɛ; ɛlɛɛ gu kaa pai kɛi a gu hvulú níila.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Osia 8:12

Ŋą́ mą nwɔ́ tɔ́n ɉu woo waa tɔ̨nɔ̨ pɛ̨ɛ̨ a mąą mɛ̨nį, da di kaa lɔ yɛ nwɛ̨ąą ɓə da di pɛ̨ɛ̨.

Markə 12:23

Akɛti, haaɓɛlaa muhəɠəi lɔwai, nɛ̨ɛ̨nui tii a kɛ a ɉinąą mɛ̨ihveelɛi tii nɛlɛ nɛ̨ą? Mąąhɔlɔɓo, nu mɛ̨ihveelɛi tii gəlee daa kɛ ɉəɠə a di nɛ̨ą!»

Markə 12:25

Gáá moi kaa, haaɓɛlaa muhəɠəi lɔwai, hulɔnu hva nɛ̨ɛ̨nu mɛ̨nį ɓo, nɛ̨ɛ̨nu kpɛli mąn hva hulɔnu mɛ̨nį ɓo. Kɛlaa, nu kəlee da kɛ yɛ yələkɔlɔn ɉu malakaɠaa.