Markə 12:2 - Yálá laawoo hɛɓɛ (dc)

² Viɲə ɓai lɔwai, ɉulɔnui tii ə nwɔ tímun dɔ̨nɔ̨ tɛɛ góló kɛ́ nuą pɔɔli, ə gɛ, yii aa hɔlɔɓo di nwɛi tɛɛ.

Yálá laawoo hɛɓɛ

² Viɲə ɓai lɔwai, ɉulɔnui tii ə nwɔ tímun dɔ̨nɔ̨ tɛɛ góló kɛ́ nuą pɔɔli, ə gɛ, yii aa hɔlɔɓo di nwɛi tɛɛ.

Bible

² Gbɔmɔ-kpâlaŋ ƃa kpɔlu tãi kɛ́ɛ a serii, è ǹyée mu-ƃelai dɔnɔ tɛ̀ɛ díi kɛ́-ƃelai pɔ́ naa a gɛ́ɛ dí ŋɔkpɔmɔ-ƃai da tɛɛ mi.

Markə 12:2 Referans Kwoze

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Lukə 20:10

Viɲə ɓai lɔwai, ə ŋą tímun dɔ̨nɔ̨ tɔɔ, əgɛ, di nwɛi tɛɛ. Kɛlaa, goló kɛ nuą di ɉon, di gɛlɛ, di gbɛ ə pənə a ɲee howolo.

Lukə 12:48

Kɛlaa, nui hvo nąmu liiɓa kɔ́lɔn, a gala, di hva gɛlɛ a hvaɠa ɲąą tamąą. Nui da hɛn gɛnɛ̨ tɛɛ bɔ, ya ɓə da damąą hvɛli mą. Nui da hɛn tamąą kalihvaɓo mą, ya ɓə da damąą kwɛli ɲəi.»

Maafîu 21:34

Viɲə ɓai lɔwai, ɉulɔnui tii ə nwɔ kɛlaɠaa tɛɛ laa ə gɛ yii góló kɛ nuą daa gulɔ di nwɛi tɛɛ.

Zakari 7:7

Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.

Mise 7:1

Kpalo ɓɛlaai mą́ą́, gáá yɛ mɔ̨nun deemun a mɔ̨nun dee a vinɉilɛ, yɛ mɔ̨nun gban ɉu kwɛlimun, Kɛlaa, mɔ̨nun gbaɠa tɔ̨nɔ̨ kpɛli hvo hɔlɔɓo li, və́ naa ɲéé kpálá; nííɓa wulu, ma tɔ̨nɔ̨ kpɛli hvo hɔlɔɓo li ɉu.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Ɛsdrasə 9:11

diɛi tii ə́ di tɛɛ ə́ wɔ tínuą pɔ, a ə́ kwɛi mɛ̨nį hu kulɔ nuą, yɛ́ kɛ diɛ: ‹Nɔi tii ka káá lii ɉu, ka ɉəɠə a ka wɔɔ, gɔhɔɓoi gaa a nɔi nuą kɛ nɛ̨ŋɛ̨n, da mɛ̨nį ɲɔ̨n aa nɔi laahvɛɛ nąą kəlee, a di wɔ túwɔ́ pələ ɲɔ̨n.

Kɔlɔnikɔ Veerɛi 36:15

Di nąnni di wɔɔ Yálái Yai-Laa ə di liɛwoo ɓo, gwəi mɛ̨nį hukulɔ nuą laaləi gee mɛ̨i tamąą, mąąhɔlɔɓo, nwɔ nuąi ɲɛ̨imąąwɛli ə kɛ mą, da gbɔwɔ nwɔ pɛlɛ́i.

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Markə 12:1

Yili pulu, Jesus ə hanwon ɉɔɔ diɛ yɛ diɛ: «Hulɔnu ta ə kɛ laa, ə ɉihɛn ŋɛ̨i da kɛ mą viɲə; ə ɲɛa laa; ə mąą tinɛ̨n a hį́i, ə viɲə ya kulɔi pɛli, ə pɛlɛ́ tɔɔ ɉíí ŋą. Ə tínuą həɠə, ə di tɛɛ ɲəi viɲə yɛa, yili pulu ə li hiɛ ɓa.

Markə 12:3

Kɛlaa, di nui tii hon, di gɛlɛ, di gbe ə pənə a ɲee hvowolo.