Markə 12:17 - Yálá laawoo hɛɓɛ (dc)

¹⁷ Jesus yɛ diɛ: «Akɛ yili kaa tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.» Nwoo pulu pənə tii Jesus ə gɛ, di kwəi ə pili kɛa diɛ mąą mɛ̨nį hu.

Yálá laawoo hɛɓɛ

¹⁷ Jesus yɛ diɛ: «Akɛ yili kaa tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.» Nwoo pulu pənə tii Jesus ə gɛ, di kwəi ə pili kɛa diɛ mąą mɛ̨nį hu.

Bible

¹⁷ Zîsɛ è m̀o dîa, “Zɛŋ gáa a Gâloŋ Siizɛ pɔ́ɔi, ka dɛɛ Gâloŋ Siizɛ pɔ́, ǹyaŋ zɛŋ gáa a Ɣâla pɔ́ɔi, ka dɛɛ Ɣâla pɔ́.” Ŋ̀óoi ŋí è díla kpàla dîa.

Markə 12:17 Referans Kwoze

Lomaŋ 13:7

'Ká nu kəlee nwɔ tɛɛ bɔ. 'Ká nįįhɔ̨nwɔ̨ tɛɛ nįįhɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Hanwon 24:21

Nón, ɲɔw Yai-Laa ɓa, da tɔɔmun. Nuąi da nɔgili kɛ, diɛ mɛ̨nįɠaa mąąhvalin, 'hvó too di pɔ.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Maafîu 22:46

Di ta lɔpee hvo pɛli nwoo ŋąąpənəi. Ə həɠə ɲələ ɓa, nui lɔpee ta hvo kɛa giliŋąhiɛ Jesus mąąni kɛ mɛ̨nį ba.

Maafîu 22:22

Yii kɛa Jesus ə di woo ŋąąpənə tii, di Jesus lɛɛ laa, diɛ li.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Markə 12:30

Ə nąmu Yálá wɛli la kɛ a ə́ lii kəlee, da ə́ kpinį, ə mą kɛ, ə́ wɔ kiliŋąhiɛ kəlee, da ə́ wɔ huwalawala kəlee.›

Maafîu 22:33

Nuą kpɔ Jesus woo tii mɛ̨n, di kwəi ə pili diɛ.

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Maafîu 8:10

Yii kɛa Jesus ə nwoo tii mɛ̨n, yili ə nii hon gbɔ kpąą. Nuą ŋɛ̨i kɛ bulu, ə mo diɛ, yɛ diɛ: «Gáá tɛ̨ą ɓoi kaa, və́ ni naa na laa huwui ŋɛ̨i ta kaa li Israɛlə lonnii lɔwai.

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Markə 12:16

Di nwali kɔ́w tɔ̨nɔ̨ həɠə di dɛɛ bɔ. Jesus ə di mąąni kɛ, yɛ diɛ: «Gbɛɛ mąąnįnįn da gbɛɛ yee pɔɔ ɓə ŋɛ̨i nwalii kɔ́w ŋɛ̨i ɓai?» Nuą diɛ, mą: «Sesarə ɓə!»

Lukə 20:25

Ya ɓə Jesus a kɛ diɛ yɛ: «Yii kani gaa tii, 'ka Sesarə nwɛi tɛɛ Sesarə pɔ, 'ka Yálá nwɛi tɛɛ Yálá pɔ.»