Bib sou entènèt

Markə 12:14 - Yálá laawoo hɛɓɛ (dc)

¹⁴ Di pa diɛ mą: «Mąąkwɛli kɛmun, ku gɔlɔn kuɔ: ya tɛ̨ą ɓo. Hva ɲɔ̨w nuą di wɔ kiliŋąhiɛ ɓa, hva ə́ kiliŋąhiɛ nu nwɔ kɛnɛ̨ laa ɓa, yɛ́ nuą kalan a Yálá liiɓa, tɛ̨ą pələ mɛ̨i. Akɛti, gu wɔ tɔ́n a hvaa mą gu nįįhɔ̨nwɔ̨ kulɔ Sesarə ɓą, yaai gaa gu wɔ lɔi nwun na? Ku kaa bɔ, ə́ ku kilaa pono.»

Gade chapit la Kopi

Yálá laawoo hɛɓɛ

¹⁴ Di pa diɛ mą: «Mąąkwɛli kɛmun, ku gɔlɔn kuɔ: ya tɛ̨ą ɓo. Hva ɲɔ̨w nuą di wɔ kiliŋąhiɛ ɓa, hva ə́ kiliŋąhiɛ nu nwɔ kɛnɛ̨ laa ɓa, yɛ́ nuą kalan a Yálá liiɓa, tɛ̨ą pələ mɛ̨i. Akɛti, gu wɔ tɔ́n a hvaa mą gu nįįhɔ̨nwɔ̨ kulɔ Sesarə ɓą, yaai gaa gu wɔ lɔi nwun na? Ku kaa bɔ, ə́ ku kilaa pono.»

Gade chapit la Kopi

Bible

¹⁴ Dí pà bɔ́ dí m̀o ma, “Kaamɔ̂ɔ, kú gɔ́lɔŋ a gɛ́ɛ íkaa a tɔ̃yâ nuu, ífa tɔɔ núu da kélee pôlu, kpɛ́ni fêi, ífe kpaaŋ ní núu tɔɔ̂i mɛni ma, kɛ́lɛ, ya Ɣâla ŋɔperei lɛ̂ tɔ̃yâ ma. Gáa dɔ̂ŋ lá-woo ma a gɛ́ɛ kú ŋuŋ-fela-fei tɛɛ Gâloŋ Siizɛ pɔ́, kpaa vé tí?

Gade chapit la Kopi

tounen moute ⬆

Markə 12:14
36 Referans Kwoze

Tɛsalonikə dɔlɔɔ 2:4

Kɛlaa, Yálá ə ku mąąkpɛɛ, yili ɓə gɛ, ə nwɛlɛɛ lɛlɛɛ kalihvaɓo kuɔ; yili mɛ̨nį ɓə ku kaa naa həlii la, ku hvo ku nɛ̨ɛ̨i kwɛlii nu kanŋaa hu, kɛlaa, Yálái ku kwəi kili mąąkpɛɛ, ya ɓə ku kaa niiɓa kwɛlii.

Galatə 2:6

Kɛlaa yii hvilɛn na nuąi kɛ di kwɛdɛn ŋąą yə́i, di mąą mɛ̨nį ɓa, yili yaan hvo kɛ walawala li, Yálá hva ɲɛ̨i hee nu kan dɔɔi ɓa; nuą tii, di hvo mɛ̨nį takpɛli laa nwúɔ̨.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 2:2

Gbala ə tɔɔ, ɲą́ą́ ŋɛ̨i ŋą́ ká liikələn ka kwəii, gbɛɛ ɓə pai gwə́inɛ̨ɛ̨i, ə kulɔ lɔ nui ŋą́ niikələn gwəi, bulu?

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Lomaŋ 13:6

Mɛ̨nįi a gɛ nwɔ̨nɔ̨ guɔ nįįhɔ̨nwɔ̨ kulɔ la, yaa li. Mąąhɔlɔɓo, nįįhɔ̨nwɔ̨ hon nuąi ti, Yálá ɓə di tɔɔ la.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Lukə 20:22

Ku kilaa pono, gwa pɛli mɔ̨ɔ̨ nįįhɔ̨nwɔ̨ kulɔi Sesarə ɓa?»

Markə 14:45

Yii kɛa Ɉudasə ə həli Jesus ɓa, ə lɛɠɛ mą, yɛ mą: «Mąąkwɛli kɛmun!» Yili pulu ə nɛnɛ ɓo kpɔ a nii kəlee ə wolo mą, yɛ mą:

Maafîu 22:17

Akɛti, gu wɔ tɔ́n a hvaa mą gu nįįhɔ̨nwɔ̨ kulɔ Sesarə ɓa, yii gaa a guɔ lɔi nwun nąmu? Ku ka bɔ ə́ ku kilaa pono yili hu.»

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Mąątɛ̨nɛ̨ 120:2

Yai-Laa, náá kulɔ lɛɛ kɛ nuą la, Ə́ gúlɔ lɛɛ kpala-kpala ɓo lɛ̨n yəi.

Mąątɛ̨nɛ̨ 55:21

Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Nehemi 9:37

Ku kɛ nɛ̨ŋɛ̨nŋąą mąą mɛ̨nį ɓa, nɔi hɛn gɔw kpɛa kpɛaa daa lɛɛ a dɔɔɓɛlaai ə́ ku lɔ di yee mu di wɔɔ. Daa hee ku wɔ kpinįi ku mɛ̨i, da ku yəi taatɛlɛɛɠaa, ə lɛɛ, ku ɓo la laanɔ̨nwɔ̨ kɛnɛ̨ɛ hu.»

Kɔlɔnikɔ Veerɛi 19:7

Yili ɓa tii, ka ɲɔw kani Yai-Laa ɓa! 'Ka mɛ̨nįi tii lɛɛ ka kwəi, 'ka gɛ! Hvo gaai, hvulu, ɲɛ̨ikɔlɔn, nɔgwəi, hvo Yai-Laa gu wɔɔ Yálái nwɛi hu.»

Kɔlɔnikɔ Veerɛi 18:13

Mise yɛ mą: «Yii kpɔ Yai-Laa kaa laa, mɛ̨nįi kpɔ nwɔ́ɔ́ Yálá kaa lii bui ná, ya lɔ ɓə ŋį́ mo!»

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Maafîu 22:16

Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Markə 12:13

Di Farisiɛ̨ɠaa da Herodə nwɔ nuą taɠaa tɔɔ, əgɛ, di Jesus hon vaa woo hu.

Markə 12:15

Kɛlaa, Jesus ə gɔlɔn gɛ yɛ, tɛ̨ą kaa di kwəi, diɛ now mą. Ə mo diɛ, yɛ diɛ: «Lə mɛ̨nį ɓa ka káá bɔ ka ŋą́ą́hɛŋi? Ni kɔ́wi tii ka kɛ nįįhɔ̨nwɔ̨ kulɔi la, ka pa a da bɔ́ ŋį́ gaa.»

Swiv nou:

Lyen patwone

Piblisite

Piblisite