Markə 12:11 - Yálá laawoo hɛɓɛ (dc)

¹¹ Ną́mu gɛ mɛ̨nį li! Gaa gu ɲɛ̨i ɓa a kwəi pili mɛ̨nį!›»

Yálá laawoo hɛɓɛ

¹¹ Ną́mu gɛ mɛ̨nį li! Gaa gu ɲɛ̨i ɓa a kwəi pili mɛ̨nį!›»

Bible

¹¹ Ǹúu-namui ƃé m̀ɛnii ŋí kɛ̀. Gáa kúŋɛi a mɛni mĩli-miliɛɛ.’ ”

Markə 12:11 Referans Kwoze

Mąątɛ̨nɛ̨ 118:23

Yili ə həɠə Yai-Laa pɔ, yili kaa gu ɲɛ̨i ɓa a kwəipili mɛ̨nį.

Habakukə 1:5

Yálá yɛ mą: Ka ka ɲɛ̨i hee hį́i takpɛliɠaa diɛ, ka di kaa. Ka kwəi a pili kaa, ka laa ə kpala kaa; Ka káá lɛɛi a ka hvulú, ŋį́ mɛ̨nį ta kɛ ka lɔwai, gaa pai kɛi a mɛ̨nįi, da ɉukulɔ kaa, ka hva pɛli laai na.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Gɛlaɠaa 2:12

Di kəlee di kwəi ə pili diɛ, yii kpɔ kɛ mąąnɛ̨ɛ̨ di di kiliŋąhiɛ mą, di hvo kɛ gɔlɔn. Di kɛi mo di kee lɔwai diɛ kɛ mą: «Yii mukulaa ɓaa lə?»

Lonon mo 23:23

Tɔlukpɛɛ hvo Ɉakɔbə pɔɔli. Ɲɛ̨ąkpɛ mɛ̨nį hvo Israɛlə pɔɔli. Mɛ̨nįi Yálá a gɛ, a ɓo Ɉakɔbə ɓa. A ɓo Israɛlə ɓa a guu.

Zɛnɛse 24:50

Betuɛlə da non ɉulɔnu Laban di nwoo ŋąąpənə, diɛ mą: «Yai-Laa kpinįi ɓə aa pələ laa mɛ̨nį ŋɛ̨i hu, ku hva kpɛli yili ɉeatooi.

Mąątɛ̨nɛ̨ 118:22

Gwɛnii bɛlɛ́ tɔɔ nuą di lənə mą, ya ɓə kɛ a bɛlɛ́ nwun ɉon gwɛni.

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»