Markə 10:14 - Yálá laawoo hɛɓɛ (dc)

¹⁴ Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Yálá laawoo hɛɓɛ

¹⁴ Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Bible

¹⁴ M̀ɛnii ŋí naa káa Zîsɛ mii, è ǹíi ŋwàna é m̀o dîa ǹyɛɛi, “Ka ǹîa-pɛlɛɛi lɛ́ɛ naa dí pá ḿbɔ, káfe díkpera, kpɛ́ni fêi, ǹúu kɛ́ɛ-ŋai ŋí ƃé Ɣâla ŋɔkâloŋ-laai káa dímɛni ma.

Markə 10:14 Referans Kwoze

Maafîu 19:14

Jesus ə mo diɛ yɛ diɛ: «'Ka lɛapɛlɛɛ lɛɛ laa di pa bɔ́, ka hvo kpɛ̨ąn di tɔwɔ. Mąąhɔlɔɓo, nuąi di kaa yɛ nɛapəlɛɛ ŋɛ̨i, diɛ ɓə Yálá-taa tɔɔlaa kaa a di pɔɔ.»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Maafîu 18:4

Yili ɓə gaa mą, nui a gbɔwɔ mąą yɛɛ ə kɛ yɛ nokoloi ŋɛ̨i ya ɓə a nu kɛnɛ̨ Yálá-taa tɔɔlaa hu.

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.

M̀ɛni-lɛɛi 14:5

ɛlɛɛ, lɛɛ mɛ̨nį hvo kulɔ li di la, hon nɔpee hvo diɛ.

Timote veelɛ 1:5

Laa na laa hu kwɛlɛɛ hələ-tə-təi gaa ə́ yəi, a laa na laai gbɛa kɛ, ə́ mąą Loisə, yəi, yai nwɔ̨nɔ̨ kɛ, ə́ lee Eunisə yəi, ŋą́ gíli hvilɛn mą, náái kpɔ na, ya ka tii ə́ yəi.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Korɛntə dɔlɔɔ 7:14

Mąąhɔlɔɓo, ɉulɔnui hvo a laa na mun, kalan non nɛ̨ɛ̨nu yɛ ɓo ɲəi, mąąhəɠɛɛi nɛ̨ą háálai. Ɛlɛɛ, nɛ̨ɛ̨nui hvo a laa na mun, ɉilɛ yɛ ɓo a kalan non, mąąhəɠɛɛi ɉilɛ háálai. Yili awala kɛ tii, di lonnii da kɛ yɛ hali pulu nuą; yá pa, di mąąhəɠɛɛi.

Lomaŋ 11:28

Bələi Ɉuifəɠaa di lənə la nwɛlɛɛ lɛlɛɛ ɓa, di kɛ a Yálá ɲowoɠaa yili ɓə kɛ a ka wɔ nwun na nɛ̨ɛ̨, kɛlaa, akɛ gwa Yálá nwɔ mɛ̨nį pɛliɛɛ kaa, di kaa a Yálá liiɓa nuą di nąnni pɔlɔɠaa mąą mɛ̨nį ɓa.

Lomaŋ 11:16

Da hɛn nįnɛ̨ kulɔ Yálá ɓa, gbəli kəlee kaa a nwɔɔ. Wulu ɉamu a kɛ a Yálá nwɔɔ, nwulu nąą kəlee kaa a nwɔɔ.

Gɛlaɠaa 3:25

Ka káá a Yálá kwəi mɛ̨nį hukulɔ nuą lonnii, da mįnɛ̨i Yálá da ka nąnni di ɉəɠə ɉu lonnii. A ɲələi ə kɛ la Abrahamə ɓa: ‹Yɛnɛ̨ɛ̨ nu huwu kəlee kaa pai lúwɔ́ hɔlɔɓoi ə́ huwu háálai.›

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Markə 8:33

Jesus ə tinɛ̨n, ə bulu hvə Piɛrə ɓa, ə haŋą mą; yɛ mą: «'Həɠə búlú ɓilihi. Mąąhɔlɔɓo, ə́ wɔ kiliŋąhiɛ hvo yɛ Yálá nwɔ kiliŋąhiɛ, kɛlaa, nu kiliŋąhiɛ ɓə gaa yɛ́.»

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Azaya 65:23

Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Mąątɛ̨nɛ̨ 78:4

Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Lonon mo 14:31

Ka kwəi lonnii ŋɛ̨i ka kɛi kɛ diɛ; di kaa pai lɛɛi a kɔ́ pulu hɛn, da diɛni ɓə lɔi nɔi tii hu, yii ka mɛlɛkpɛɛ mą.

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Samuɛlə dɔlɔɔ 1:22

Kɛlaa, Anə hvo li, mąąhɔlɔɓo, ə mo ɉilɛ ɓa, yɛ mą: «Gu nąą mąąkpɔn, di nokolo laa kulɔ ɲįnį ɓa, nąąlɔwai, kwa yaa kwali di naa həli Yai-Laa ɓa, ə lɛɛ kɛa laa a yələ kəlee.»

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Maafîu 5:10

Nwun na nɛ̨ɛ̨ nuą ɓaa nuąi da di ɓɛlɛkpɛɛ diɛ tələnmolaa mąą mɛ̨nį ɓa. Mąąhɔlɔɓo, Yálá-taa tɔɔlaa kaa a di wɔ!

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Zasua 8:35

Mɛ̨nįɠaa kpɔ Moisə ə bɛ̨ɛ̨ dɔ́n ɉɛɓɛ́ hu, dɔ̨nɔ̨ kpɛli hvo lɛɛ pulu, yii Ɉosue hvo kɛ mo li Israɛlə nu huwu ɓa, nɛ̨ą da ɉinąą, lɛapɛlɛɛ da nwɛ̨ąą mąn, nu kəlee ə mɛ̨n.