Markə 10:1 - Yálá laawoo hɛɓɛ (dc)

¹ Jesus ə həɠə kɛa laa ə li Ɉude lɔi hu. Ə pənə nwɔ̨nɔ̨ ə Ɉurdɛn yá teen ə li bulu pələ. Nu kpulu kɛnɛ̨ ə pənə ə ŋąąkpɔn gwɛlɛ, yɛ di kalan yɛ pələi ə kɛi gɛ la a bɔlɔ.

Yálá laawoo hɛɓɛ

¹ Jesus ə həɠə kɛa laa ə li Ɉude lɔi hu. Ə pənə nwɔ̨nɔ̨ ə Ɉurdɛn yá teen ə li bulu pələ. Nu kpulu kɛnɛ̨ ə pənə ə ŋąąkpɔn gwɛlɛ, yɛ di kalan yɛ pələi ə kɛi gɛ la a bɔlɔ.

Bible

¹ Zîsɛ è sìɣe naa é lí Zuda kpiniŋ su Zɔdiŋ Yai pôlu. Kpɔŋ è ŋɔ́nɔ ŋ̀á tɛ̀ mà gɔlɛ é ŋɔ́nɔ Ɣâla mɛni lɛ̀ dîa yɛ̂ɛ berei è kɛ̀ gɛ̂i lai.

Markə 10:1 Referans Kwoze

Ɉaan 10:40

Jesus ə həɠə laa ə li Ɉurdɛn ya pulu pələ, ɓɛi Ɉaan ə kɛi mąąwaa kɛ laai, ə lɛɛ laa.

Markə 4:2

Ə di kalan a mɛ̨nį tamąą hanwon ɉu. Ə kɛi di kalan yɛ kɛ diɛ:

Ɉaan 11:7

Yili pulu, ə mo nwɔ kalan nɛai; yɛ diɛ: «Ka gu pənə gwəli Ɉude lɔi hu.»

Markə 6:34

Ɓɛlɔwai Jesus ə kulɔ la gələn ɉu, ə nu kpulu kɛnɛ̨i tii kaa, di ɲɛ̨imąąwɛli ə ɉon. Mąąhɔlɔɓo, di kɛ pələ ə kɛɛ yɛ ɓɛlaa kpulu yii mɛ̨i kaa mun və mą. Ə di kalan a mɛ̨nį tamąą.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Ɉaan 18:20

Jesus ə nwoo pulu pənə yɛ mą: «Ŋą́ kɛi mɛ̨nį ɓo nuą diɛ kpɔn ɉu. Hvóló kəlee, ŋį́ kɛi nuą mąąkwɛli Yálá hvɛli pɛlɛ́ɠaa mu, da Yálá hee pɛlɛ́ mu ɓɛi Ɉuifəɠaa da di ŋąąkpɔn naa, və́ kɛ mɛ̨nį ta ɓo li loo hu.

Markə 6:6

Nazarɛtə nuą di wɔ wəli walawala laa ə gwəi pili mą. Yili pulu, Jesus ə li di kwɛlɛ taaɠaa hu yɛ kalan gɛ.

Markə 2:13

Jesus ə bulu pənə nwɔ̨nɔ̨ yɛ li Galile bowa-ya kwɛlɛ. Nu kpulu kɛnɛ̨ ə pa bɔ yɛ di kalan.

Ikilisiati 12:9

Mąąnɛ̨ɛ̨ nuą di gɔlɔn diɛ kɛ: Kilimąą mun hvo kɛ kpɛla li mɛ̨nį lɛɛ ɓa nuą diɛ a nwɔ kili mɛ̨nį. Ə hanwon damąą mąn, ə mąąkpɛɛ, ə ɉukpɛɛ, ə dɔlɔ kaa yɛ ɉɔɔ nwɔ nuą diɛ.

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Markə 1:21

Jesus da nwɔ kalan nɛai də li Kafarnaumə daai, ə kɛ a hvįitɔɔ yələ ta. Jesus ə lɔ di wɔ Yálá hvɛli pɛlɛ́ mu, yɛ nuą mąąkwɛli.

Markə 6:2

Hvįįtɔɔ yələ, ə kɛi nuą mąąkwɛli di wɔ Yálá hvɛli pɛlɛ́ mu. Nuą tii kɛi nwoo mɛ̨n, di kwəi ə pili diɛ; diɛ kɛ diɛ: «Akɛti, mįnɛ̨ ɓə ə həɠə laa a yii mąą mɛ̨nįɠaa ŋɛ̨i? Ə mɛ̨nį kɔ́lɔn ŋąą ŋɛ̨i hɔlɔɓo ləi? Mį ɓə ə həɠə laa a gbalo mɛ̨nįɠaa kɛɛ ŋɛ̨i?

Markə 10:2

Farisiɛ̨ taɠaa di lɛɠɛ mą, əgɛ, di ɉon vaa woo hu. Di mąąni kɛ, diɛ mą: «Akɛti, gu wɔ tɔ́n a pɛli hvaai mą, nu ə nɛ̨ą kpɛ?»

Markə 12:35

Ɓɛlɔwai Jesus ə kɛi kalan gɛ la Yálá hee pɛlɛ́ mu, ə mąąni kɛi ŋɛ̨i kɛ, yɛ diɛ: «Lə mɛ̨nį ɓa dɔ́n galamɔ̨ɔ̨ɠaa da pɛli moi diɛ kɛ diɛ: ‹Nwun mąąɓomun Yálá ə naakwɛlanmo gaa a Davidə lon?›

Markə 14:49

Hvóló kəlee gwa kaa ni gu kɛ lɔ gu kee ɓa, gɛ́ kalan gɛ Yálá hee pɛlɛ́ mu, ka hvo kɛ ɉón ni nąąlɔwai tii hu; kɛlaa, yili aa kɛ tii, ə gɛ, yii Yálá laawoo hɛɓɛ́ ə mo naa ə hon.»