Markə 1:2 - Yálá laawoo hɛɓɛ (dc)

² Yɛ bələi bɛ̨ɛ̨i la Yálá kwəi mɛ̨nį hukulɔ mun Esai nwɔ hɛɓɛ́ yili hu yɛ kɛ mą: «Yálá yɛ gaa pai nwɔ wɛlɛɛ ɓomun dɛɛi ə ɲɛ̨i tɔwɔ yai pai ə́ wɔ pələi laa ɓo.

Yálá laawoo hɛɓɛ

² Yɛ bələi bɛ̨ɛ̨i la Yálá kwəi mɛ̨nį hukulɔ mun Esai nwɔ hɛɓɛ́ yili hu yɛ kɛ mą: «Yálá yɛ gaa pai nwɔ wɛlɛɛ ɓomun dɛɛi ə ɲɛ̨i tɔwɔ yai pai ə́ wɔ pələi laa ɓo.

Bible

² Ɣâla ŋɔlóno kɛ́-nuui Azaya è m̀o ǹyɛɛi, “Ɣâla ǹyɛɛ, ‘Gáa, ŋa ŋákelai tɛɛ̂i ítûɛ-pere, ǹyaa ƃé pâi berei kpɛtɛ̂i yɛ̂.’

Markə 1:2 Referans Kwoze

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lukə 1:76

Yɛ́i ŋɛ̨i a nón, di kaa pai kɛi yɛ́ Yálá yii gaa a Hɛn Gəlee Nwun Nąmu, gwəi mɛ̨nį hukulɔ mun. Mąąhɔlɔɓo, yɛ́, ə́ kaa pai lii Ną́mu Yálá ɲɛ̨i tɔwɔ, ə́ nwɔ pələi pɛli, ə́ ɉaŋą;

Maafîu 11:10

Mąąhɔlɔɓo, Ɉaan tii ɓə mąą mɛ̨nį pɛ̨ɛ̨ kɛ Yálá laawoo hɛɓɛ́ hu, ‹Yálá kpinį yɛ kɛ mą: Gáá pai gwə́i mɛ̨nį hukulɔ mun dɔɔi ə́ tɔwɔ, ə ə́ wɔ pələi pɛli.›

Lukə 1:70

Yili ɓə wɔlɔ Yálá kwəi mɛ̨nį hukulɔ nuą di mo.

Maafîu 26:31

Jesus ə mo nwɔ kalan nɛai diɛ, yɛ diɛ: «Ka kəlee ka káá pai lənəi mą́ą́ gbinįi ŋɛ̨i hu. Mąąhɔlɔɓo, bɛ̨ɛ̨i Yálá laawoo hɛbɛ hu, diɛ mą: ‹Di kaa pai mɛlaa pulu mun baai, ə lɛɛ, mɛlaaɠaa di taɠaa.›»

Mąątɛ̨nɛ̨ 40:7

Haláá hɛn da kɔ́ɓo hɛn lɔpee ta wɛli hva ə́ hon, ə́ nwə́li wolo ɓo, əgɛ, ŋį́ mɛ̨nį mɛ̨n, hvo kɛ haláái da gəlee kələn da nɛ̨ŋɛ̨n mąąhvaalɛɛ haláá, da lɔpee hvɛli li.

Lukə 18:31

Jesus ə nwɔ nu pow kɔ́w hveelɛ təli, ə di lɛɠɛ mą di tɔ̨nɔ̨ kɛɛnąą, yɛ diɛ: «Ka ka wəli tɔɔ, gu tɛ hiɛ ka ŋɛ̨i Ɉerusalɛmə, ɛlɛɛ, mɛ̨nįi Yálá kwəi mɛ̨nį hukulɔ nuą di mo yɛ hvilɛn na Nu Lon ma, gəlee kaa pai kɛi.

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Maafîu 2:5

Di nwoo pulu pənə diɛ mą: «Gaa pai hɔlɔɓoi Bɛtleɛmə daai Ɉude lɔi hu. Mąąhɔlɔɓo pələ ɓə Yálá kwəi mɛ̨nį hukulɔ mun ə bɛ̨ɛ̨ la, yɛ mą: