Markə 1:1 - Yálá laawoo hɛɓɛ (dc)

¹ Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.

Yálá laawoo hɛɓɛ

¹ Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.

Bible

¹ Duŋ Lɛ́lɛɛi bîlaŋɔɔi Ɣâla Ǹóŋ Zîsɛ Kôrai mai, gɔ́ɔ pîlanii ká ŋí.

Markə 1:1 Referans Kwoze

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Maafîu 14:33

Galan nɛa yiiɠaa tii kɛ gələn ɉu, di pu di kpəlin na Jesus kɔ́wɔ mu diɛ mą: «Ə́ kaa a Yálá Lon gbɔ-kpɔ a tɛ̨ą.»

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Gɛlaɠaa 1:22

ə gɔwɔ tɔɔ ɓɛlɔwai Ɉaan mąąwaa la, ə həli la ɓɛlɔwai ə tɛ la yələkɔlɔn ɉu, mą, hvo kɛli nu ta ə hɔlɔɓo nuą ti lɔwai, ə too gu pɔ, ə kɛ a Jesus nwun mɛ̨nį mąą kɛla ta.»

Gɛlaɠaa 13:24

Ɉaan ə gbɛa pa Jesus tɔwɔ, yɛ nu hɔn mąą pənə mɛ̨nį mąą kalan gɛ Israɛlə nu huwu kəlee ɓa.