Malasi 2:6 - Yálá laawoo hɛɓɛ (dc)

⁶ Tɛ̨ą mɛ̨nį ɓə kɛ di la diɛ nuą mąąkwɛli la, da mɛ̨nį haŋąą, di hvo lɛ́ɛ́ tɔ̨nɔ̨ kpɛli kɛ. Kwa diɛni ku yee lɔɔ kɛ gee hu, mɛ̨nį haŋąą kɛɛ hu. Di nu tamąą kilaa pɔ̨nɔ̨, yiliɠaa di lənə mɛ̨nį ɲɔ̨n ma.

Yálá laawoo hɛɓɛ

⁶ Tɛ̨ą mɛ̨nį ɓə kɛ di la diɛ nuą mąąkwɛli la, da mɛ̨nį haŋąą, di hvo lɛ́ɛ́ tɔ̨nɔ̨ kpɛli kɛ. Kwa diɛni ku yee lɔɔ kɛ gee hu, mɛ̨nį haŋąą kɛɛ hu. Di nu tamąą kilaa pɔ̨nɔ̨, yiliɠaa di lənə mɛ̨nį ɲɔ̨n ma.

Bible

⁶ Dí tɔ̃yâ-sɛŋ lɛ̀, dífe sɛŋ nyɔ́mɔɔ lɛ́ ní. Dí dífulu-laai kɛ̀ a ńîa-pere. Dífe tɔ̃yâ-mɛni kɛ́ ní nɔ́ díkpîŋ mɛni ma, kɛ́lɛ dí kpɔŋ-mâa tɛ̀ɛ núu támaa pɔ́ a gɛɛ dífe mɛni nyɔ́mɔɔ kɛ̀.

Malasi 2:6 Referans Kwoze

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

M̀ɛni-lɛɛi 14:5

ɛlɛɛ, lɛɛ mɛ̨nį hvo kulɔ li di la, hon nɔpee hvo diɛ.

Ɉeremi 23:22

Ə li kɛ di pa nwɔ́ nwun dɔɔi hu, də li kɛ gwə́i woo ɓoi nuą diɛ, diɛ yiliɠaa yee kulɔ di yii pələ ɲɔ̨nwɔ̨ɔ̨ hu, da di wɔ túwɔ́ pələi ɲɔ̨nŋąą.»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Lukə 20:21

Di mąąni kɛ diɛ mą: «Kalamɔ̨ɔ̨, ku gɔlɔn gbɔ kuɔ diɛ yii ya mo, da yii ya nuą kalan na, gaa a ɉaŋąa. Hva ə ɲɛ̨i hee nu kɛ pələ ɓa, kɛlaa, yá nuą mąąkwɛli Yálá kɔ́lɔn bələ ɓa a tɛ̨ą.

Maafîu 22:16

Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Mąątɛ̨nɛ̨ 37:30

Tələnmomun naaləi hva kpɛla kili mɛ̨nį ɓoɔ ɓa, tɛ̨ą mɛ̨nį lɔ ɓə a kulɔ na.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 6:9

Pələi Noe mąą mɛ̨nį hukulaa ə kɛ la, bələ ka: Noe ə kɛ a nu haŋąą,

Markə 12:14

Di pa diɛ mą: «Mąąkwɛli kɛmun, ku gɔlɔn kuɔ: ya tɛ̨ą ɓo. Hva ɲɔ̨w nuą di wɔ kiliŋąhiɛ ɓa, hva ə́ kiliŋąhiɛ nu nwɔ kɛnɛ̨ laa ɓa, yɛ́ nuą kalan a Yálá liiɓa, tɛ̨ą pələ mɛ̨i. Akɛti, gu wɔ tɔ́n a hvaa mą gu nįįhɔ̨nwɔ̨ kulɔ Sesarə ɓą, yaai gaa gu wɔ lɔi nwun na? Ku kaa bɔ, ə́ ku kilaa pono.»

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.

Dutɛrɔnome 33:8

Yɛ Levi nwɛi ɓa: «Yai-Laa aa nwɔ kpɛɛn dɛɛ nwɔ tínuą ɓɛlɛɛɠaa pɔ, diɛi ɓaa Levi huwu. Diɛi ə di mąąkpɛɛ Masa. Ə di hutɔɔ Meriba ya mɛ̨nį hu.

Dutɛrɔnome 33:9

Diɛ ɓə ə́ wɛlila kɛ kpɔ ə tɛɛ di kaa nuą diɛ, da di kaayɔwɔɠaa, ə mą kɛ di lonnii diɛ, ɓɛlɔwai di ə́ woo hon na, diɛ ə́ wɔ mįnɛ̨i mąąwiɛ.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Mąątɛ̨nɛ̨ 119:142

Ə́ haŋą pələ, gaa a yələ kəlee mɛ̨nį, ə́ wɔ tɔn nwooi ə ɓo a tɛ̨ą.

Mąątɛ̨nɛ̨ 119:151

Ə́ wɛi, Yai-Laa, ə́ kaa gwɛ́lɛ, ə́ wɔ tíɓoɠaai kəlee di ɓo a tɛ̨ą.

Samuɛlə dɔlɔɔ 2:12

Eli lonnii di kɛ a nu kpoloonŋaa, Yai-Laa mąą mɛ̨nį hvo kɛ di ɲɛ̨i ɓa a hɛn da.

Hanwon 5:2

Ə gɛ yɛ́ pɛli mɛ̨nį hu kpɛ kili laahon moi. Yá gɛ tii, kili woo ɓə pai kɛi kulɔi ə́ la.