Bib sou entènèt

Malasi 2:10 - Yálá laawoo hɛɓɛ (dc)

¹⁰ Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?

Gade chapit la Kopi

Yálá laawoo hɛɓɛ

¹⁰ Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?

Gade chapit la Kopi

Bible

¹⁰ Kúkelee kúnâŋ fé tɔnɔɔ? Ŋ̀âla tɔnɔi fé kúkpɛtɛ ní? Gɛ̀ ní lé ŋaŋ ƃé kúfe kúkono-tee-ŋai ŋaa-see kɛ̂i la kúkîe ni yêei? Lé mɛni ƃé kúkaa gono-tee-ŋai kpɔarâi la Ɣâla è gbɛ̀tɛ kúnuu-pɔ̂lɔ-ŋai yêei?

Gade chapit la Kopi

tounen moute ⬆

Malasi 2:10
50 Referans Kwoze

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Malasi 2:11

Ɉuda nu huwu aa nwɔ liɛwooi lɛɛ, daa túwɔ́ pələ ɲɔ̨n gɛnɛ̨ kɛ Ɉerusalɛmə daai, ə mą kɛ, Israɛlə lɔi hu nąą kəlee. Yaan, kɛɛnąąi kɛ a Yálá nwɔ nąą, mąą mɛ̨nį nwąnąą Yálá ɓa, daa mɛlɛkpɛɛ mą. Hvo lɛɛ a yili, daa nɛ̨ąą həɠə, yiiɠaai da kwɛli hvilɛn haliɠaa diɛ.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Ifisiɛŋ 4:6

Yálá tanɔ̨n, a nu kəlee Nąn, ə ɓo nu kəlee mɛ̨i, yɛ gɛ mɛ̨nį kɛ nu kəlee hu, ɉeɛ nu kəlee hu.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Gɛlaɠaa 7:26

Mąą yələ laa ɓoɔ, Moisə ə pənə ə pa, ə gaayɔwɔɠaa hveelɛ kaa diɛ gɔ́ a di kee, Moisə ə kɛ bɔ ə di ɲąąkwɛlɛ, ə di yee lɔ gee hu, yɛ diɛ: ‹Mɛ́laani, kɛlɛi, ka káá a nąn non danɔ̨n, lə mɛ̨nį ɓa ka káá gɔi a ka kee?›

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Ɉaan 8:41

Kɛlaa, ka wɛi, ka nąn dúwɔ́ pələ ka ŋɛ̨i ka káá gɛi.» Di nwoo pulu pənə diɛ mą: «Ku hvo ɓaa a wɛli lonnii, ku nąn gaa lɔ tɔ̨nɔ̨, ya ɓaa a Yálá.»

Maafîu 22:16

Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Malasi 2:8

Kɛlaa, ka wɛi, kaa diɓoi tii lɛɛ laa. Kaa nu tamąą lan ka wɔ nuą kalan bələ hu, kaa Levi nwɔ mįnɛ̨i kala. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Izikiɛ 33:24

«Hulɔnu lon, daa kpoloon ɉu nuąi tii Israɛlə lɔi hu, da kɛ kɛi diɛ: ‹Abrahamə yaa tɔ̨nɔ̨ ɓə kɛ, ɓɛlɔwai ə kɛi hee la nɔi hu, kuɔi ŋɛ̨i kɛa a ku kɛpulu kɛnɛ̨, nɔi a lɛɛ ku yəi a ku wɔɔ.›

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Azaya 43:15

Ɲą́ą́ ɓə a Yai-Laa, ka wɔ Mąąhəɠəmun, yai Israɛlə pɛli, yɛ ɓo a ka wɔ Heeɓomun.

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Zôo 31:15

Nui lɔ bɛ́li néé kwəi, kɛlɛi yaa lɔ ɓə di pɛli, kɛlɛi Ɲálá tɔ̨nɔ̨i ti lɔ ɓə ku pɛli?

Nehemi 13:29

Ŋą́ Yálá hvɛli gɛ́ mą: «Nwɔ́ Yálá, ə́ kili lɛɛ di hu, mąąhɔlɔɓo, daa ə́ wɔ haláái kɔ́hɔɓo, da mįnɛ̨i ka ɉəɠə ka Levi huwuhu nuą, ə́ wɔ haláái mąą mɛ̨nį ɓa.»

Zasua 24:3

Ŋį́ ka nąn Abrahamə həɠə ɲá lee pulu pələ, ŋį́ li ŋį́ ɉee Kanaan lɔi nąą kəlee, ŋį́ ɉuwuhu ɓɛɛlɛ, ŋį́ Isaakə tɛɛ bɔ.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.

Lomaŋ 9:10

Gəlee hvə li, gu kalaɓɔlɔ Isaakə tanɔ̨n tii ɓə, nɛ̨ą Rebeka ə koo həɠə mą.

Lomaŋ 4:1

Lə mɛ̨nį ɓə gwa pɛli moi gu kalaɓɔlɔ Abrahamə mąą mɛ̨nį hu? Lə mɛ̨nį ɓə ə ɉɔlɔɓo gɔlɔ ɓa pələ?

Gɛlaɠaa 17:25

Ɛlɛɛ, di hva nwɔ̨nɔ̨ mąą mɛ̨nį ɲɛ̨i kulɔ a nu kan ɲee, yɛ hɛn da mąąkpaan a kɛ mą, yá pa, yaa tii ɓə a: hɛn nɔpee gəlee tɛɛ nu pɔ, kɛ-yɛnɛ̨ɛ̨, ə mą kɛ nu nɔ̨ɔ̨.

Gɛlaɠaa 7:2

Etiɛnə ə nwoo ɲąąpənə yɛ mą: «Káái ɓaa a Nąnni da nąnnonnii, 'ká ka wəli tɔɔ; mąąwiɛ-Yálá ə gbɔwɔ lɛ gu kalaɓɔlɔ Abrahamə ɓa, Mesopotami lɔi hu, ɓɛlɔwai hvo ni kɛ hee li la Haran lɔi hu.

Ɉaan 8:56

Ka kalaɓɔlɔ Abrahamə kwəinɛ̨ɛ̨ mɛ̨nį ɓa kɛ, ə ɲɛ̨i tɔɔ mą́ą́; kɛlaa, ə mą kɛ tii, ə gáá, gwəi ə nɛ̨ɛ̨.»

Ɉaan 8:53

Ku kalaɓɔlɔ Abrahamə aa haa, gaa ə́ kwəi ə́ pɔlɔ-pɔlɔɔi ə́ tɛɛ mą? Yálá kwəi mɛ̨nį hukulɔ nuą kpɛli mąn daa haa, ə́ kaa ə́ kpɔɔ kaai yɛ gbɛɛ?»

Ɉaan 8:39

Di nwoo pulu pənə, diɛ mą: «Ku kalaɓɔlɔ ɓaa Abrahamə.» Jesus yɛ diɛ: «Akɛ Abrahamə huwu ɓaa a kaa, ka Abrahamə túwɔ́ pələ həɠə.

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Lukə 1:73

Yálá ə gwɛla yɛ ku kalaɓɔlɔ Abrahamə ɓa:

Gɛlaɠaa 17:24

Yálái yɛnɛ̨ɛ̨ bili-bili geemɛ̨i kəlee pɛli, da ɉu hɛnŋaa, yai a yələkɔlɔn da lɔi di Nąmu, hva hee pɛlɛ́i nu kan a dɔɔ a ɲee mu.

Gɛlaɠaa 17:26

Ə nu huwu kəlee kulɔ nu tɔ̨nɔ̨ hu, diɛ hee lɔi mɛ̨i nąą kəlee. Ə nuąi ti di wɔ yɛnɛ̨ɛ̨ ɲɛ̨nnaa, ə di heeiɠaa ɲɛ̨nnaa.

Lɛɛ gbɔwɔ ɓa 19:4

‹Mɛ̨nii ŋą́ naa Eziptə ɓa, kaa kpinįi ka gaa, bələi ŋį́ ka kpəŋə la, Kuwɔ́ koon ɉu, gɛ́ pa a kaa bɔ́ pələ.

Lɛɛ gbɔwɔ ɓa 24:3

Moisə ə pa, ə Yai-Laa wooɠaa kəlee da nwɔ tɔ́n nwoo hukulɔ nɔi lonnii diɛ. Nuą kəlee di nwoo mu hon a gee, diɛ mą: «Nwooɠaai kpɔ tii Yai-Laa ə mo, kwa gəlee kɛ.»

Lɛɛ gbɔwɔ ɓa 24:7

Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Swiv nou:

Lyen patwone

Piblisite

Piblisite