Malasi 1:14 - Yálá laawoo hɛɓɛ (dc)

¹⁴ Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Yálá laawoo hɛɓɛ

¹⁴ Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Bible

¹⁴ Náɣaŋ káa fili-nuu ma nyii sâla kula ḿâ a taa-sûa nyɔ́mɔɔ, ǹyaŋ a góno tee a taa-sûa lɛ́lɛɛ ŋɔtaa-sûai sáma a gɛɛ é sâla kula la ḿâ. Kpɛ́ni fêi, ŋ́gaa a kâloŋ kɛ́tɛ, ǹyaŋ ǹɔii-ŋûŋ-ŋai kélee da yao ḿâ.”

Malasi 1:14 Referans Kwoze

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Malasi 1:8

Ɓɛlɔwai ka kɛ pai la a taatɛlɛɛ ɲɛ̨ipuɔ, awala kɛ tii, taatɛlɛɛ gɔwɔ nwąnąą, yili hvo mą, ɲɔ̨n yɛ ɓo mą; ká kɛi gulɔ mą́ą́ a haláái, gaa ka kwəi yili haŋąąi? Akɛ ka daatɛlɛɛ ɲɔ̨nwɔ̨mąi tii tɛɛ ka wɔ lɔi nąmu pɔi, gaa ka kwəi a ɲee hee mu, ə mɛ̨inɛ̨ɛ̨ kɛ kaa? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ káá, ka wɔ mąąnįn gɛ ka tii!

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Lukə 12:46

Nwɔ mɛ̨nį nąmu a pa a hvolói gili hvo mą, a lɔwai yii hvo gɔlɔn. Nąmu a ɉon, a naa nɔ̨nwɔ̨ ɓo, ə baa. Da mɛ̨nį ɲɔ̨n gɛ nuą di hvɛla a kɛ tɔ̨nɔ̨.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Mąątɛ̨nɛ̨ 76:12

Ka mɛ̨nįɠaa laakwɛlanmo, Yai-Laa ka wɔ Yálái ɓa, ka di pɔ mɛ̨nį kɛ; 'ka pa a ka wɔ hąmą pilɛɠaai Yálá mąąɲɔwuɔ pɔ, kaai kpɔ ti a gwɛlɛ nuąi.

Mąątɛ̨nɛ̨ 47:2

Nu kanŋaa, 'ka ka yee lɔwa, 'ka tómą Yálá pɔ pələ a kwəinɛ̨ɛ̨.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.

Timote dɔlɔɔ 6:15

guui tii ɉəɛɛ, ɲələ a pa ɉəlii, Nwun na nɛ̨ɛ̨mun, a Hééɓomun danɔ̨n gbən, tɔɔɓɛlaa di wɔɔ Tɔɔmun, a nąmuɠaa kəlee di Nąmu,

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Ɉeremi 48:10

Nui a Yai-Laa nwɔ kólói kɛ a hviikpɛɛ laa, mąą nu nɛ̨ŋɛ̨n naa ɓə, ə mą kɛ, nui a nwɔ kɔ́ kɔ́ ɓɔwa kunwɔ a ɲąmą.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Dutɛrɔnome 28:58

«Ka wala tɔɔ a ka nwąnąąi, kaa dɔ́n ŋɛ̨i bɛ̨ɛ̨ ɉɛɓɛ́i ŋɛ̨i hu, kaa ɉu wooɠaa kəlee kɛ, kaa ɲɔw naa ɓa, yii mąąwia mąą ɲɔuwɔ, naa tii ɓaa: ‹Yai-Laa›, ka wɔ Yálá.

Zɛnɛse 27:12

Akɛ ną́n a ɲee pɛlɛ gɔ́lɔ́ ɓa, a wala gɔ́lɔ́ ɓa ləɠa kaa mą́ą́, hvo pai lúwɔ́ too mą́ą́, gaa pai nɛ̨ŋɛ̨n naai.»

Markə 14:8

Yii kɛ a nɛ̨ɛ̨nui ŋɛ̨i yee pɛli mąą mɛ̨nį yili ka tii aa gɛ. Aa ɉáái lɔwai lɛɛ tɔwɔ aa gɔ́lɔ́ mąą tii, ə gɛ, mą́ą́ kun ə kɛ pai a nɛ̨ɛ̨ gámą hu.

Maafîu 24:51

A pa, a góló kɛmun tii hon ə doo gaho ŋą, ɓɛi nui ti da mɛ̨nį ɲɔ̨n gɛ nuą di wɔ laanɔ̨nwɔ̨ a kɛ laa a bɛliɛ, wɔlɔ da ɲį́n ɲa mįi hu.»

Maafîu 5:35

Ka hvo ka kwɛla a lɔi, mąąhɔlɔɓo, Yálá kɔ́wɔ hvilɛn ɉii li. A wala kɛ tii, ka hvo ka kwɛla a Ɉerusalɛmə taa, mąąhɔlɔɓo, Yálá nwɔ taalee kɛnɛ̨ li.

Malasi 3:9

Nɛ̨ŋɛ̨n naa ka tii ka káá mu, mąąhɔlɔɓo, kaai kpɔ a nɔi nuą ka kəlee, ka kɛ mówoi.

Mąątɛ̨nɛ̨ 95:3

Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ.

Mąątɛ̨nɛ̨ 68:35

'Ka Yálá hvaŋą kɛnɛ̨ pələ lɛ. Nwɔ Heeɓolaa kaa Israɛlə mɛ̨i, vąŋą ə ɓo tulɔ kpinįŋaa mɛ̨i.

Mąątɛ̨nɛ̨ 48:2

Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Samia Veerɛi 24:24

Kɛlaa, tɔɔmun yɛ Arauna ɓa: «Kpaa-oo! Yii gáá bɔ, ya ɓaa ŋą́ ɲá. Mąąhɔlɔɓo, və́ bɔ və́ haláá kulɔ Yai-Laa ɓa a hɛn ɉɔ̨nwɔ̨ hvo mą.» Davidə ə mɔ̨nun dan ɉii tii ya da nįŋɛ̨ɠaa a: wali kwələ pow lɔɔli.

Ɉeremi 46:18

Akɛ kpɔ gáá a vulú, dɔɔmun da kɛ mą: Yai-Laa Mɛ̨nį Kəlee ŋą Hééɓomun nwoo li! Gáá pai yɛ bələi Tabɔrə yee kaa la yeeɠaa lɔwai, yɛ bələi Karmɛlə yee hɛlɛn ŋąą la gboloyá mɛ̨i.

Ɉeremi 48:15

Moabə hukala mun gaa tɛi a kɔ́, yɛ pɛlɛ nwɔ taaɠaa diɛ. Ɉu hilɛlɛa li hiɛ ka tii paa ɓo kɛɛnąą. Dɔɔmun naa ɓaa Yai-Laa Mɛ̨nį Kəlee ŋą Hééɓomun, nwoo li!

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Malasi 2:1

Ə həli kɛa kaa, kaai ɓaa ɉaláá laa həli nuą. Gáá ka kili pui ɉu, gɛ́ kaa:

Mąątɛ̨nɛ̨ 47:3

Mąąhɔlɔɓo Yai-Laa, Hɛn gəlee mɛ̨i mun, mąą ɲɔwuɔ ɓə, yaa ɓə a Heeɓomun gɛnɛ̨, lɔi nąą kəlee mɛ̨i.

Mąątɛ̨nɛ̨ 47:8

Mąąhɔlɔɓo, lɔi kəlee nwɔ Heeɓomun ɓaa a Yálá. 'Ka nɛ a wələ woo.

Mąątɛ̨nɛ̨ 102:16

Lɔiɠaa kaa pai ɲɔwi Yai-Laa, laa ɓa, yɛnɛ̨ɛ̨ tɔɔɓɛlaa kəlee diɛ ɲɔw Ə́ mąąwiɛ̨ pələ ɓa.