Malasi 1:13 - Yálá laawoo hɛɓɛ (dc)

¹³ Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Yálá laawoo hɛɓɛ

¹³ Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Bible

¹³ Ka mò kâa, ‘Kúfii kpɛɛ̂i nâa m̀ɛni-ŋai ŋí kélee mɛni ma!’ À kɛ̀ tí ká kásĩ̂a mìi a ńyãa. Zama sɛŋ ka pâ la ḿbɔi, gáa a ŋúma taa-sua, gɔ́ɔ púɔɔ, kpaa máŋ gɛ́ kɔ̀lɛ. Ká gɔ́lɔŋ ŋa pâi ńyee seêi nyíti mu káyêei?

Malasi 1:13 Referans Kwoze

Mise 6:3

Nwɔ́ nu kan, lə wolo kpɔ ɓə ŋą́ gɛ a kaa? Lə mɛ̨nį kpɔ ɓə ŋą́ ka hviikpɛɛ ɉu? Ka nwóó pulu pənə.

Maafîu 6:16

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo.

Maafîu 6:5

«Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Malasi 2:13

Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Amɔsə 8:5

Ka kɛ kɛi diɛ: «Mįnɛ̨ lɔwai ɓə ɲąnin nįnɛ̨ nwɔ hɛli puɔ kaa pai tɛɛi la, ə gɛ, ku ku wɔ mɔ̨nunŋaai lɔwɔ́tɔɔ? Ɛlɛɛ, mįnɛ̨ lɔwai ɓə túwɔ́ lɔwɔ a kpɛɛ la, ə gɛ, ku ku wɔ kɔ̨nɔ̨n gələɠaai laa ɓo? Ka kɛ ɉɛnŋąą kɔ́ɔn gəgənŋąą kpon dɛi ɉu, ə gɛ ɉu ɛlɛɛ tiikpə.

Izikiɛ 44:31

Huwɔi aa haa gbɔwɔ ɓa, a wala kɛ tii daa ɉu ɓɛla, ə kɛ a nwɛ̨nį, ə kɛ a huwɔ takpɛli, ɉaláá kulɔ nuą di hvo da mįi.»

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Azaya 57:6

Ɓoloon ɉu kwɛniɠaa, mąą lalaa kpɔlɔɔ kpɔlɔɔɠaa ɓə a ə́ liiɓa hɛn, ə́ wɛi li, diɛ kpɔ ɓaa a ə́ wɛi, a ə́ hɔlɔɓo hɛn! Diɛ ɓə ya di kɔ́ a lɔɔ, diɛ ɓə ya di kɔ́ a haláá hɛnŋąą! Ŋį́ pɛli nííɓa mɛ̨nį kaai ləi mɛ̨nįi tii hu?

Azaya 1:12

Ɓɛlɔwai ka paa la nííla, gbɛɛ ɓə a kɛ kɛi kaa: 'Ka hiɛ nwɔ́ pɛ́lɛ́i nąą kəlee?

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?

Dutɛrɔnome 15:21

Kɛlaa, kiliin ɉii a kɛ ɉuwɔi tii ɓa, yɛ lɔwu, a wala kɛ tii, ɲɛ̨ipuɔ, awala kɛ tii, nąą takpɛli ə ɓo mą, ka hvo Yai-Laa ka wɔ Yálá kɔ́ la.

Levetekɔ 22:8

Mąą hvo nɛ̨ɛ̨li Aarɔn huwuhu mun da lɔpee hvo huwɔi aa haa gbɔwɔ ɓa da mįi, a wala kɛ tii, yii kɛ mɛlan ɉuwɔ ta aa wolo mą; a yili kɛ tii, a tɔ́n bɛlɛ gbɔwɔ ɓa. Ɲą́ą́ ɓə gáá a Yai-Laa.

Levetekɔ 6:4

Nąąlɔwai, a ɉaláá kulɔ həɠəɠaa kulɔ mą, ə həɠə takpɛli too gwąną ə li ə nuwu pili daa kpala kɛɛnąą mąąhəɠɛɛ ta ɓa.

Samia Veerɛi 24:24

Kɛlaa, tɔɔmun yɛ Arauna ɓa: «Kpaa-oo! Yii gáá bɔ, ya ɓaa ŋą́ ɲá. Mąąhɔlɔɓo, və́ bɔ və́ haláá kulɔ Yai-Laa ɓa a hɛn ɉɔ̨nwɔ̨ hvo mą.» Davidə ə mɔ̨nun dan ɉii tii ya da nįŋɛ̨ɠaa a: wali kwələ pow lɔɔli.

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Osia 13:9

Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Malasi 2:12

Nui lɔpee a túwɔ́ tii, ə mą kɛ Ɉakɔbə nu huwu lɔwai, mąą nu, ə mą kɛ, mąnin bulu mąninŋąą kəlee, ə mą kɛ mąą nu a kɛ kɔ́ hɛnŋaa tɛɛ Yai-Laa Mɛ̨nį Kəlee ŋą Hééɓomun pɔ, gɛ́, Yai-Laa, ə mąą nu laa kulɔ lɔi mɛ̨i.