Mąątɛ̨nɛ̨ 98:4 - Yálá laawoo hɛɓɛ (dc)

⁴ Yɛnɛ̨ɛ̨ nąą kəlee! 'Ka tómą Yai-Laa pɔ pələ, 'ka tómą a kwəinɛ̨ɛ̨ 'ka wələ too, ka hvɛ́li hee mu.

Yálá laawoo hɛɓɛ

⁴ Yɛnɛ̨ɛ̨ nąą kəlee! 'Ka tómą Yai-Laa pɔ pələ, 'ka tómą a kwəinɛ̨ɛ̨ 'ka wələ too, ka hvɛ́li hee mu.

Bible

⁴ Káai ŋ̀éniɛi gwaa kéleei, ka koi-nɛ̃ɛ wule too Yâwɛɛ ma. Ka ǹáa ma tɛ́ wule-woo nɛ̃ɛ-ŋa su.

Mąątɛ̨nɛ̨ 98:4 Referans Kwoze

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Mąątɛ̨nɛ̨ 100:1

Yálá hɛɠɛɛɓo wələ. Yɛnɛ̨ɛ̨ nąą kəlee, 'ka ka yee lɔwa Yai-Laa ɓa.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

Mąątɛ̨nɛ̨ 66:1

Nwələ ɲɛ̨itɔwɔmun hvɛ́li wələ woo. 'Ka ka yee lɔwaa Yálá ɓa, yɛnɛ̨ɛ̨ bili-pili gee mɛ̨i.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Mąątɛ̨nɛ̨ 95:1

'Ka pa, 'ka gu tómą a kwəinɛ̨ɛ̨ Yai-Laa pɔ pələ. 'Ka gu gu yee lɔwa gu ɓalo kwɛni ɓa.

M̀ɛni-lɛɛi 19:1

Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Mąątɛ̨nɛ̨ 67:4

Nu kanŋaa di 'ə́ hɛɠɛɛɓo, Yálá! Nu kanŋaa, 'di pɛlɛ di kee ɓa, 'di ə́ hɛɠɛɛɓo!

Azaya 42:11

Gbalə lɔi da ɉu taaɠaa, daaɠaai Kedarə kaa ɉu heeni, gəlee di di woo tɛ, kwɛni ŋą nuą di tómą a kwəinɛ̨ɛ̨, di lɛɛ ɲee ton na, di huluun nwoo ə tɔɔ.

Mąątɛ̨nɛ̨ 66:4

Lɔi kəlee yɛ kwɛli hvilɛn ə́ lííla, yɛ wələ too yɛ́, yɛ ə́ laa tɛ a wələ woo nɛ̨ɛ̨.»

Mąątɛ̨nɛ̨ 71:22

Mąą yələi tii, gáá pai ɲéé pui nwɔ́ bɛlɛgwəi gwɛnįn ɲą, gɛ́ ə́ laa tɛ, nwɔ́ Yálá, yɛ́ ká ə́ wɔ wɛlikɛmąąlaai; gɛ́ nwɔ́ gwɛnįn yɔw ə́ mąą mɛ̨nį ɓa, yɛ́i a Israɛlə nwɔ Yálá mąąhəɠɛɛi.

Mąątɛ̨nɛ̨ 95:2

'Ka gwə li niila, guɔ ɉɛɠɛɛɓo, 'ka gu gu yee lɔwa, 'ka gu hvɛ́li pɛlɛ gɔwɔ mu.